[يجيني طاريك]

لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك)
قبل أبتدي عندي طلب ركِّز طلب ماهو " رجاء " !
ما أبي تجاوبني .. ولا تستغرب إني أسألك
لا تنصدم من عزلتي حالي مثل : كل الولأ
عندي سبب : ما تستحق إنِّي أجيك و أوصلك؟
لا تعتبر جمر الحكي من شاعرك يعني " هجاء "
لو كنت بهجي حضرتك ما خفت منِّك .. قلت لك !
هذي القصيده مصنِّفه في دفتري قصة " رثاء "
حبٍ يموت وتنولد .. وحبٍ يعيش ويقتلك !
ناديت لك ياما .. ولا لبِّيت لي , وضاع النداء !
مبحوح صوتي والصدى من كثر ما ناديت لك !
أقرب من ثيابي علي وأبعد من نجوم السماء
ورغم إبتعادك والتعب ..أرسم طموح وأمهلك ..
ما كنت لي الداء وأنا ما كنت لـ جروحك " دواء" ..
ما عشت في دنياي لي !!عايش ولكن عشت " لك" !
علمتك القلب الوفي .., ما يخذلك فيه " إنتماء " !
وعلمتني كيف العشم في من تحبه .. يخذلك !!
علمتك إن أصل الهوى يرجع لـ كلمة " إحتواء " !
وعلمتني إن الهوى , ما عاش يوم بـ داخلك !
علمتك إنِّي لك بحر [ مدَّه وجزره ] لك وفاء !
وعلمتني كيف أنصدم وأغرق أنا في ..ساحلك !
ما تستحي ,, ودامك كذا ؟ - إفعل حبيبي ما تشاء !
توِّي عرفت إنِّي كثر ما أعْرِفِك .. كنت أجهلك !
ما كان قلبي بس لك وقلبك لعب دور الدهاء !
وما كنت لك أقرب من أنفاسك وأقرب من هلك ؟!
ما عاد تفرق غيبتك أو رجعتك .. عندي سواء !
كنت إهتمامي ورغبتي .., والحين دوري أهملك !
لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك ) !
إن كنت جاهل ..! " لعبتك قلبي " وما فيها ذكاء
حتى الطفل إن جبت له [ لعبه].. - ولاءه صار لك !
قبل أنتهي عندي - أمر ما هو طلب وإلا - رجاء..
لا يشغلك ماضي إنتهى .. ركِّز علـى " مستقبلك " !

[المميز]

لح ـظة وج ـودڪِ عندي الڪل [ مفقود ].,.
يصير [ هالڪون ] ڪله مرايا.,.

يصير ڪل الڪون بعيوني [ ورود ].,.
وتضح ـڪِ لي [ الدنيا ] دامك معايا.,.

[بنت عم ابوها]

على صفحة عيوني صورتك يابوي مختلفه يشوفونها جميع الناس تلمع داخل عيوني وجودك داخلي سبة غروري وسبه الكلفه عشانك في عيوني هالاوادم مايهموووني <<فديتك يابوي قاانص يارب انك ترده لنا


لابوي حبيبي

[وحيد]

ليت أكثر اللي نحب يجون بدري
عشان بس الوقت.. نقدر نعديه
يمكن لو أن الحب ينبت بصدري
ماتذبل أوراقه.. إذا الوقت يمديه
الصبح يخنق داخلي همس فجري
ويموت مثل الورد وأموت أنا فيه
لاقلت أحبك..لاتقول إنت ادري
والله ماتدري عن اللي .. أخبيه

[أثير الشوق]

لبيه يااللي لي غشى القلب طاريك
يغذي عيوني من حلى النوم قاذي
أهواك وأحبك ولا أقدر أخليك
وأشوف في روضة غرامك ملاذي
لا ياسواة الروح ماني بناسيك
ولا لك مع درب المحبه محاذي
تدري وش اللي في حياتي يساويك
عيوني "الثنتينٍ" هاذي وهاذي .....!

[محمد الراشد]

خذها نصيحة لاحصل عندك الباس
وأحذر زمانك لازمانك غدر بك


أبيك تعرف أنها الناس أجناس
ولاكل من ينطق أحبك يحبك


بعض البشر يغرك بصدق الأحساس
وبعض البشر ساكت وقلبه يحبك

[النمر1012]

للروح اسجل و القصيده مـن الـروح
مثل الرديـف اللـي ينـادي رديفـه


قلب صفا و الحب راعيـه مفضـوح
ليـت الليالـي تجمعـه مـع وليفـه


شيدت له في خاطري حصن و صروح
واليـوم غايـب و المبانـي مخيفـه


عزيت نفسي فيه .. ما نقبـل النـوح
لو بان فـي جلـد المحاجيـر طيفـه


و اليوم لو جينا على الحـق مسمـوح
ذكـرى ربيـع .. ولا بقايـا خريفـه

[الـشـقـاوي]

تعلمت بـ هالكون , مابه شي مستحيل ..
والدليل ان اصغر باب ( يـاسع ) جَمـل ,

ببقى امشي ورى النور لو هو قليل !
لو تموت ( الحقيـقه ) , مايموت الأمل