[النمر1012]

عندما تعجز علي فهم الحروف ماذا تعني فتأكد
انها تعني شئ كبير لايمكن ان يوصف
النمر1012

[النمر1012]

تدرين وش عمر الزهر بالبساتين؟
مثل الفرح .. لا شال هم الكآبة
جيت أربعيني.. وأحسبها ثلاثين
شيب شبابي.. ما اهتنا في شبابه
والله وشيبنا.. وشابت قوانين
وماتت ثوابت حلمنا ..وسط غابة
ورغم اختلال معادلات الموازين
وطيش القلم في مفردات الكتابة
تبقين في خفاق نبض الشرايين
وأبقى على عهدٍ .. لبستي ثيابه
وسرٍ كتبنا مفرداته.. على الطين
في ذمتي .. ما فيه حيٍ درابه

[النمر1012]

الروح توله .. والأحاسيس توله
والحب لعنة صاحبت كل الأجيال
قومي العبي عيشي حياة الطفولة
عيشي حياتك والعبي مثل الأطفال
بدري على هم العقل يا مهبولة
العقل في سنك يسمونه هبال
بدري على هم السنين العجولة
بدري على حملٍ تجي فوقه أحمال
عيشي جنون السن عرضه بطوله
هموم الليالي يا بعد همي طوال
أبيك طفلة بابتسامة خجولة
وأبيك حلمٍ كنت أعيشه ولازال
وأبيك علمٍ وأفتخر يوم أقوله
وأبيك صيحة .. لحظة النصر تنقال
وأبيك شعرٍ لا سمعوه شهدوله
وابي المعاني في بحر شعرك ثقال
وأبيك بيتٍ كلهم صفقوله
خوضي بحور الشعر في كل الأشكال
وخوذي على مشاعر القلب جوله
وتبختري ما دامك بحضرة رجال
لكن تعالي .. واسمعي يا مهبولة
مثلي .. فلا حبك بها الكون رجّال

[النمر1012]

ليت الغلا من بيننا خافين دوم
ولايعرفه بالناس قاصي وداني
ارسل لك ابياتي على حزة النوم
وترسل لي اعجابك بكل المعاني
واشكي لك همومي وتشكي من هموم
واصبر عشانك يوم تصبر عشاني
ويصير حبك داخل القلب مقسوم
متوزع(ن) من بين كل المحاني
ويكون جاشك بحر(ن) وفيه انا اعوم
في هاجسك مااغيب لو هي ثواني
واليا تواعدنا بليل(ن) به نجومه
مايشبهك الا سهيل اليماني
واشيد في روج(ن) على الفم مرسوم
وتقول خلقه ربي اللي عطاني
وتنظرني بعينك وترمي لي سهوم
واصرخ فديت اللي بعينه رماني
لاتنصدم مني ولا تبدي اللوم
هذي ترى ياصاحبي كود اماني
يمكن مع الايام لي حظ(ن) يقوم
وتضحك لي الدنيا .. ويضحك زماني
اقولها وانا من الوقت مضيوم
الله يجازي وقتي اللي ضماني
لاصرت من عشق الغنادير محروم
احسن اعيش (الحلم) لو فيه اعاني
ههههههه عجبتني قلت خلني اسدحها هنا فكاه وتمني واماني واحلام مماهن اسامي معاني هههههه

[النمر1012]

مرحبا قالها قلبي شعور وشرحته
الوله لو قريتي شعري اول سطوره
يارهانٍ تحديت الظروف وربحته
في زمانٍ على العشاق ياكبر جوره
كم رايٍ عصيته..كم شعورٍ جرحته
في وصالك سعيت ولاسمعت المشوره
كم خطأ لجل وصلك ياغناتي دمحته
لين قلبك بعطفي يرتوي من غروره
كم من عيد مر بغيبتك مافرحته
يوم كلٍ بيوم العيد زايد سروره
شوقي يزيد بغيابك..حشا ماذبحته
ياملاكٍ تغيب بعذرها ومعذوره
بعدك الدار غربه والكرى مااسترحته
اسهر الليل لين الفجر يعلن ضهوره
وان سألتي غرامي..من لبعدك منحته
وان سألتي عن القلب ومصيره واموره
إخذي اصدق حقيقة والاجابات بحته
من بَعَدك المشاعر غايبة ومحظوره
واعرفي..قلبي لغيرك ترى مافتحته
حُرّ في كل مملك غير قلبي ل(.....)
قلت بخفي غرامي لك..ولكن فضحته
دايم اسمك على شفاهي وبالعين صورة
في حنانك غطست وبحر عطفك سبحته
ياغرام..ارسي اليا غصت بأعمق بحوره

[النمر1012]

يسعد مسا غيبتك والله يسعدني
يامن تحاول تجيب من الجفا راسي
أشبع غرورك وهم بس لاتهددني
ان كان بأسك قوي يقولك باسي
عامين مرن ولاودك تشاهدني
قاسي ولكن بلاك الله في قاسي
اخذ العهد بالتحدي بس توعدني
انك بيوم الهزيمه قد ما تقاسي
ببعدك عن عالمي من قبل تبعدني
احساسك المرما يمشي مع احساسي
عاندتني لاما تقدر تعاندني
انفاسك تضيق ماضيُقت بانفاسي
يامن تحاول بنار الصد توقدني
اخذ السهر لك وانا بارتاح بنعاسي
واسولف لمن فيك والله كان حاسدني
ماتت عيون الغلا بيدين حراسي
ولاعاد لك طاري(ن)همه يراودني
هذا الجزا بابتعادك ياكبر افلاسي
تبي الصراحه غيابك صار يسعدني
وارتاح في غيبتك ياصاحبي راسي

[النمر1012]

ياشيٍ خذاني ماقدرت ارّده
وآه ياشيٍ خذيته غربتي وبلادي
سيف ابو حدّين هذا حدّه وذا حّده
طعنته منّا ومنّا وين خالد غادي
ان تقّدم جات ضّده وان تراجع ضّده
علقةٍ واللي كلاها ماحدر للوادي
كّن ليله في عيونه طرقةٍ ممتّده
لاانتهى ليل الخلايق توّ ليله بادي
سدّه بعيد وظلام الليل بيّح سدّه
لين عرّض به على النزّال والشدّادي
بين هاذيّه وذيّه ودّه وماودّه
آخر التاريخ هجري واوّله ميلادي
والغرير اللي بلاني في عطاه ومّده
جاهلٍ مغزاه في وادي وانافي وادي
من رضاه اليا عناده ماوصلت لحدّه
لو مهلني كان يغني عن رضاي عنادي
بالبرا يلعب على قلبي وهو من جدّه
مرٍ اموالي ومرٍ فيه غلّ معادي
وان نهرته عاقبتني دمعةٍ في خدّه
لانثرها كنُه ينثر موتي لميلادي
مترفٍ ماهوب في حال القسا والشِدّه
عنق ريمٍ ينحني لي لاقدحت زنادي
من غلاه اشفق عليه اجوّده واهدّه
وان تعديته لحقني يستشفّ مرادي
وين اصّد ولاطرالي ماقويت الصدّه
مايناديني وكنه بالصياح ينادي

[النمر1012]

عسا ماحصل منا على الطيبين اقصور
وعسانا نجي قد المشاريه ونشره
وعسانا على ضن النشاما وساع اصدور
وعس ماحد ن مناس يكشف لنا غره
وعسا مايحل اليل لسود بدال النور
وعسا وقتنا خيره يجينى قبل شره
الا يارفيقي ودي انشدك يالمنعور
على ماحصل من صوبكم مره او مره
اطنش بعض لحيان وقولك معذور
لكن طالت المده وهذي لكم مره
وحنا صداقتنا على العز تلعب دور
على السلم لول ماعشقت عالم الذره
ولن كان شايف من طرفنا جفا وقصور
افشره علي ياصاحبي قبل ماشره