[نوماس5]

كسرت كل أبواب وصلك من الطرق** وغيرك طرق قلبي ولا نيب صوبه
واللي يريد الوصل يامكثر الطرق** لو وقفوا كل العرب في دروبه

[نقطه]

يانوف انا من ضيقتي جاني هبوط
راسي ذبحني لين مارحت الطبيب

يقول لي : يابنت من كثر الضغوط ؟
واقول لا والله من جرح الحبيب

[السهل الصعب]

تدري وش اللي مايخليني انساك .... رقمك اذا شفته تذكرت زولك
ولا انت راحتبك تدابير الــفلاك....مني خذاك الوقت مانيب حوالك

[عبدالله العايد]

لاضاق صدري قلت مطولك ياليل

الله يعين اللي مفارق حبيبه

[النمر1012]

تعبنا يالصدور الكابتـه مـن لعبـة الاوهـام
يمرّ الليـل فـي بـال الضريـر ولاتعزوابـه
على طرس الشقا جفّت محابر ريشة الاقـلام
وعاشق ماينام الليل ونـوّ الغيـم ماصابـه
تناسى وافتكر بانّه ذكر مامرّ بـه مـن عـام
مجاهيم الليال اللّي تجيـد اللعـب باعصابـه
نفى كل البلاد ولالفـح وجـه النفـاه انسـام
يلوذ عن المدينه واشتعل قنديل فـي غيابـه
ألا ياجرهد الايام اتـوق ايـام عقـب ايـام
لوادي يزرع الغيمـه رذاذ وتـورق اعشابـه
شبح نون العيون بعيد قبل النـوم والالجـام
وبالٍ لو غطـاه الليـل شـبّ البـرد بثيابـه
كشف برق الظلام جروح مانامت مع الاحـلام
على ضفّة غـرامٍ مركـب الاحـلام ماجابـه
حبيبي وانت جنّه غير جنّـة كافـل الايتـام
انا ويّاك في الدنيـا كمـا وسطـى وسبّابـه
رحلت مع الهدد طيـرٍ وليّـه ذود وَرْد حيـام
على جال الظما مدري دهور الصيـف تنتابـه
اموت الليل في غيابك واعيش الصبح قبل ينام
تحت جوّ الحنين اللّي كسـاه الليـل جلبابـه
غريب وعاشق الغربـه مـع الآلام ماينـلام
يجي منّا ,, يجي منّا ,, ولَنّ الوضع متشابـه
تراجيد الحياه ,, من القـدر مامثلـت بافـلام
يهَزْع لها قويّ الباس , لو , له روح وثّابـه
كتبت الغيم , وانفاسي زهور , ونبضي الالهام
تركت النّاس جنب ,, ولاوقفت الاّ على بابـه
تعبناياالغصون النابتـه مـن مرفـأ الانغـام
يطيح من الورق دمعه ,, وريح الوجد يبقابه

[نقطه]

أبطيت عني وأشوفك ماتكلمني ،

,,,,,,,,,,, ماتدري إني أشوف النور من نورك !
أبكي غيابك عشان أغريك ترحمني ..
........
....... مدري متى تستخير وتعتق غرورك ؟
ماني معاتبك بس أبغاك تفهمني ،
...... حسسني إنك تبيني وإتبع اشعورك .!
وان كان تبغى فراقي لاتعلمني ..
......... خلك مقفي وانا بتأمل حضورك

[النمر1012]

هلا يا نجْمةٍ عيني .. تراقبها كثير أزمان
هلا يا نسْمةٍ راحتْ زمان .. وردّها سامر
هلا يا كلْمةٍ فكْري .. يناديها : أسير .!وكان
يسافر . عن معانيها بعيد .. وينتظر باكر
غرامٍ جفّت غصونه .. تبسّم للمطر ولهان
وصيفٍ ما رحل راضي .. رحيله ما كسر خاطر
سريت بكل مافيني .. من آمالٍ تجي .. لانسان
عساي ألحق مداه اللي .. بقيت بأوّله ساهر
يكم عينٍ قرت بوحي . تحس إني بخيل لسان!
وانا رغم الحكي فيني .! عجزت أوصف كرم ناظر
عرفت أبعد عيون أكرم .. من عيونٍ لها عنوان
وهي الأقرب .. ولا خافت تقول بصمتها : آمر
سألت الذنب . كان إنّه لقى .. فالتّجربة برهان
وتاه بعذره الواهي .. يدوّر له على .. عاذر
وأعاصير الحزن . مرّت . سوالف تشبه النسيان
شتاتي !.. جمّعه نورٍ .. حماه الواحد القادر
أكيد أفرح .. ولكنّي بديت أفْرح ..كثير أحيان
لأنّي لا بغيت أحكي .. سبقني بالنّظر حاضر
هلا بك يا لْفرح نجمٍ .. ضياه يحرّك الوجدان
هلا بك كثر ما لامس .. تراب الأرض من طاهر
هلا بك والجديد أجمل نشيدٍ .. فالسّما يزدان
لعشقٍ .. سافرت روحه .. زمان وردّها سااامر

[سيوف بني عبس]

ياشوق دنيا ماصفت لي على الكيف
من يوم غاب اللي معه كنت سالي..
محبتي له صافيه مابها زيف
حب ومعزه والغلا قلت غالي..
اول مع يواليوم جاني كما الضيف
لا همه اخباري ولا كيف حالي..