[مرضي الداموك]

كن الدقيقه يـوم لا غبـت عنـي=وإن صرت جنبي صار يومي دقيقه
مدري علام الوقت فيـك إمتحنـي=إن صرت نا ويـاك بـدل طريقـه

[الهنوف]

انا حسمت الامر خالص ومحسوم ...قررت أحبك خلهم وش يقولون ...
ماابيك يوم وتنتهي لحظة اليوم ...ابيك دايم تفتح القلب وتمون ...
ماابيك ساعة طيش ابعشقك دوم ...قلبي لحافك والغطا رمش وعيون ...
بعثر حبيبك مثل ماتطلع النجوم ...أنت القمر مايشبهك كل مزيون ...

[حلا الرشايده]

حظي واعرفه مايجي عند يمناي .... الوقت غربلني وانا اقول : خيــره !

[مرضي الداموك]

الشوق يكبر وحبك والغـلا يكبـر=شف ودك اللي خذاني وين وداني
من لهفتي للوصال وريحةالعنبـر=قام يتلعثم حنيـن القلـب بلسانـي
اخاف ابيـن غلاتـك ثـم تتكبـر=واخاف ابين صبر قلبي وتنسانـي

[صقر عبس]

الليل والذكرى وعـزف المواويـل
هي مابقى لي منك ياماض الاشواق
والوجد والترحال والهـم والويـل
معها المشاعر دوم في ضم وعناق
ياصاحبي ذكـراك والبـن والهيـل
هي راس مالي ثابته وسط الاعماق
بيني وبينـك غمـةٍ كنهـا الليـل
يالله عسى تنزاح في وقت الاشراق
عل وعسى ينـزاح هـم الغرابيـل
اللي سكن قلبٍ معنّا وبـه ضـاق
ليت المسافه مثل شرب الفناجيـل
والاكما حـرفٍ كتبتـه فـالاوراق
لجيك لو أنه قضـا منـي الحيـل
ماهمني لو اتعب الحـال والسـاق
وليت الليالي مع هوانـا تساهيـل
ياساكنٍ بالعين في وسـط لاحـداق
مير الأماني شيء والواقع مهيـل
والبعد قاتـل والزمـن دوم بـواق
رغم البعاد ورغم كثـر الاقاويـل
رغم الجفا والصد لازلـت مشتـاق
ياصاحبـي مبـدأ ولافيـه تبديـل
حبك ثبت بالقلـب والبعـد حـرّاق
مير اطلب الله فاللقـا والمواصيـل
يمكن تزين الحال وانّبـل الاريـاق

[الهنوف]

يالله عسى عمرك من الحزن خااالي وحلم رسمته تهتني به وترتاح

[مرضي الداموك]

ياليت تَاقَف على حالـي=وتْشُوف وشلون شوقي لك
أو ليت لحظـه تَهَيَّالـي=وأقول كلمه ياحبي لـك!

[الســـامري]

انا والليل والعبره وجرح وخاطر مكســــور


ونفس من هجير البعد والحرمان مكسوره


وقلب ظامي لشوفك ولا يروي ضماه بحور


وعين تحتري لحظه غياب الطيف وحظروه



وناراً تنطفي مره ومره تشتعل وتثـــــور



واقول النار مقدوره وهي ماهي بمقـــدوره







الســــــــــــــــــــــــــامري