[سعد بن عادي]

لاضاع معروفك مع فلان وفـلان

الرجل ما يندّم على شـي فاتـه

لن الندم مثل الجفا بين الأخوان

أن طال ما تضمن رخا مقبلاتـه

خذها وانا عمّك من طوال الأيمان

قبل الجمل يظهر عليكـم لهاتـه

أنا الذي ضحّى بعمره على شان

يحيي قلوبٍ ساهمت فـي وفاتـه

[سعد بن عادي]

ياوازع الحزن لاتطـرق للاحسـاس بـاب

اتركنـي اواجـه اقـداري بعـذر ٍ سميـن

لاتدفع الروح في لحظة غضـب لارتكـاب

ما يجعل الخـوف يمـلا مقبـلات السنيـن

تعبت من غلظة الواقـع وصـوت العـذاب

مامل ّ ميسوره الاسمـاع فـي كـل حيـن

مدري لاني توقيّـت الخطـا .. بالصـواب

ولا لاني عـن الشـك .. اعتليـت اليقيـن

لا الوصل يقدر ينسينـي حديـث الغيـاب

ولا اجمـل الصبـر يقتـاد المعاليـق لـيـن

القى لقيمة سؤالـي عنـد غيـري جـواب

يعطيني الحق في بيع اعـذب الصمـت ديـن

غريب واحاول اكسـر حاجـز الاغتـراب

في كـل مايدحـم الواقـع بجمـب ٍ متيـن

عن ساير الركب من بدري عقلت الركـاب

واخترت بعد النظر مذهب .. والاخلاص دين

وش ذنبي ان طالت آمالي حدود السحـاب

او فكري اناخ رحلـه فـي ذرى الفرقديـن

ياما على قسـوة ايامـي بسطـت الجنـاب

وياما على الجرح مـررت احترامـي بليـن

حتى اصدق ظنوني الي طاح دونـي وخـاب

ادليت له دلو ماء .. ما ادليت له دلـو طيـن

ياوازع الحزن خذ مالـذّ لأمـرك وطـاب

الله على ماامتلكـت مـن المشاعـر يعيـن

لوان في النفـس حيـل ومتّسـع للعتـاب

صنعت للعذر وجـه .. وللمشاريـه عيـن

صعب اني اظما واشوف الماء وريث السراب

والاصعب ارضي غروري في كـلا الحالتيـن

[سعد بن عادي]

مشكور . يالبارق اللي ما صدق نوّه
صحيح ما العن من الهقوه .. ليا خانت
ما عاد فيها حيا وانعدمت ( الخوّه )
الناس جاها بلا . ونفوسها شانت
ما كنت ابي شي .. كان الدافع . مروّه
وعهود عاهدت فيها نفسي . وصانت
دون الخوي ما ذخرت لوقتي وسوّه
شف وشكثر .. شالت متوني ولا لآنت
مانيب ندمان .. مير الجرح يا ( قوّه )
عزاي ياكم رجال من ( الوفا ) عانت
يا صاحبي .. كان باقي لي طلب .. سوّه
اللي حصل شي هين !! هقوه و خانت
لا جيت ( بير ) الصداقه ( دمّه ) او ( طوّه )
هانت لك اشياء بس ( النفس ) ما هانت

::

[سعد بن عادي]

.
.
.

والله أن الصد جرحٍ مـن الـوزن الثقيـل
كل جهـدٍ فـي مداواتـه يـروّح سـدى
غابت نجوم السما تيـه والمسـرى طويـل
وأنت صوتٍ غاب صوته وضاع مع الصدى
والحقيقه ماعلى الوقـت شـيٍ مستحيـل
كل مـا راحـت علينـا تعذرنـا فـدى

.
.
.

[سعد بن عادي]

تاهت خطاوينا .. ولاعاد ندري
الحق وين .. ووجهة اقدامنا وين !
احد ٍ مغرد خارج السرب بدري
واحد ٍ يفكر .. كيف غرد الى الحين ؟

[سعد بن عادي]

كثير ..،
من شعري ماهو منكتب فيك
تنفيس عن بعض الحزن و " الكآبه "

و تفائل ..،
آحيان ، وخيال ٍ يناديك !
و آحيـان لـ مْجرد ( جنون الكتابه )

ولو إني ..،
أدري بـ إن شعري يوفّيك !
( حقك ) كتبت لك و قتلت الرتابه

لكنّ ..،
حبك فوق وصف ٍ يجاريك
أحبـك بـ ( صمتٍ ) يزيد الصبابه !

( لك حق ..،
تزعل ثم لك حق نرضيك )
زعلك أنا وشلون مـ احسب حسابه ؟

ماتدري ..،
اني كل مـ أغيب أداريك
يا واحـدٍ ربي ، وهبك [ المهــابه ]

اشتاق لك ..،
واشتاق حتى لـ طاريك
لكـنـّي آحيانـا ً ( أخاف ) اقترابه !

عندي ..،
مبادئ تختلف عن مباديك
حتى و لو قالوا كثير [ نْتشابه ]

غريب ..،
طبعي مثل غربة [ لياليك ]
يا حلوك ويا حلو معك الغرابه
يا حلوك ويا حلو معك الغرابه

[سعد بن عادي]

رد آلخبر يآ سآقي آلدمـع .. عنـي

من يطرد أفرآح آلليآلـي .. وجدهـآ

أصبر مدآم آلجرح فينـي .. و منـي

و إرفق على عيـنٍ جفآهـآ رقدهـآ

الله يجآزي من عطيـت .. و خذلنـي

و أقفى عن دروب آلغرآم .. و جحدهآ

غآب و تمآدى بـ/ آلغيآب .. و غبني

روّح و أخذ معه آلحيـآه و رغدهـآ

خـلآ حيآتـي بيـن هـم و تـدنـي

يوم آلمحآني صبرهـآ مـآ حمدهـآ

مآغير أصب امن آلمدآمع .. و أدنـي

و أصيح من ظلم آلسنين .. و نكدهـآ

ليت آلموآجع لآ سـرْن مـآ يجنّـي

و آللقى مرآبيع آلسعـآده .. بعدهـآ

[سعد بن عادي]

لـو كـل دمـعٍ ليـآ جبنـآه .. رد آلبعيـد

مآ كآن شفت آلمحآجـر جفـت دموعهـآ

رآح أكثر آلعمر و إجروح آلحنآيآ .. تزيـد

يآ مل روحٍ تنـوح .. و لآ هـدآ روعهـآ

وين أنت .. مآني على فرقى عيونك .. سعيد

أزريت أكن آلمدآمـع فيـك .. و آفوعهـآ

لولآي أعوم آلقصآيد .. في بحرهآ و أجيـد

يمدي عروق آلخفآيآ .. طآحـت ضلوعهـآ

تعآل يآ قلبـة أيآمـي .. و كـل آلرصيـد

آلعين تضمى .. و نفسـي كآفـرٍ جوعهـآ