[النمر1012]

مرحبا ترحيبة الصدق ! لامن قبلو
حزت فيها الرجاوي صحت بهايجه

[النمر1012]

[النمر1012]

[النمر1012]

[النمر1012]

منهج حياتي معك في الحب تكفيري
وأكبر مثل بعت كل الناس بأسبابك
وغنّيت لك وأهتفت بسمك جماهيري
وين أنت طوّلت؟ ليه الشوق ماجابك؟؟!!

[النمر1012]

ودّي بك.. وابيك.. واباك ..وابغـاك جمّعتهـا لرضـاك واختـار فيـهـا
شف ويش منها يتبع احكاك ورضـاك واللي لك اسقي مسمعـك لا ضميهـا
غديت (افر)احكاي واسايـر احكـاك وانـا تشّـرف لكنتـي واهتويـهـا
مضمونهـا ودي بشوفتـك واهـواك ياللي دروب اهل الـردى مـا تجيهـا
صانك ولـي امـرك وحبـك وداراك ولاقـدر ردع الحـظـوظ ومجيـهـا
نفسـك مهذبهـا وعـز الله ربّــاك مايدري ان جيـش الهيـام يغزيهـا
والله قسم يبلاك بـي وانـت يبـلاك باللي سواتي فـي العـرب يرتجيهـا
محبة (ن ) ذربه من القلـب تكسـاك محبة (ن) صـدق الهـوى يكتسيهـا
يامرك قلبـك بالوفـا لـي وتنهـاك ناس (ن) على لاماك تفـرك يديهـا
رزين عقـل ومـن مزايـا مزايـاك نفسـك تحـب وعفتـك تمتطيـهـا
وتطيع عقل (ن) ما بعد زل واغـواك مشاعرك تعصـاه ..وانـت تعصيهـا
ماشفـت منـك الا عيونـك ويمنـاك محبـة (ن) راع الـردى مـا يبيهـا
يقبـض فـوادي لا تخيلـت فرقـاك ياشف عين (ن) ما سـواك يعنيهـا
وياعزوة اخوانك ومطلـب هـذولاك نـاس (ن) محبـة والـدك تدعيهـا
ناس (ن) تخدم ابيـك كلـه لعينـاك وهو يحسـب ان الله عليـه يهديهـا
ياجعلها تفدى علـى الارض ماطـاك والله بمـن هـو مثلـهـا يبتليـهـا
لكـن لعـب فـي ياوليفـي تـغّـلاك ونفسي غلاك من الصـدود يحديهـا
تبطـي علـي وانـا هنـا واتحـراك وكبدي لواهيـب الصبـر تشتويهـا
اجمّع علومـك امـن هنـاك وهنـاك والله لو انهـا تنشـرى لا اشتريهـا
وعذرك (انا لاهي) يا ويش اللي الهاك لاهـي ومر(ن)منـت لاهـي تليهـا
كانك مشكك في الوفـا والغـلا هـااك جوالـي اقـر القائمـه كـل ابيـهـا
رقمك مع الصـادر ولا وارد اسـواك والناس في اللي ( لم يـرد عليهـا ).
وايـاك واياني...وايـانـي ايــاك من غيبة (ن) من دون عذر يحميهـا

[النمر1012]

[النمر1012]

الحب كلمة نقولها في سهاله
لكنها لوتدخل القلب شيصير
تلقى الفرح ساكن مدينه وواله
يشعل شموعك في اليالي ا لدياجير
كلمه لها معنى وراها دلاله
والبعض ردّدها على غيرتقدير
تغسل مواجع من يعاني ف/حاله
تجبرخواطرتعتني بالمكاسير
فيها العطا ينساب ويطيب فاله
يطفي لهيب الجمرينبت ازاهير
والحب مثل الما وصافي زلاله
يحيي يباس العود غردبه الطير
كلمة تغرق صاحبك للثماله
نشوان قسم نشوته للطوابير
وان قالها بعض الاوادم جماله
صعبه تجي للقلب ما تدخل تحير
بعض العرب بارد شعوره وداله
متبلّد الاحساس مايدري بالغير
ناس(ن)تحب لجل الطمع والنذاله
تنصب حبايلها على صبح وعصير
حب(ن)يذل النفس دوّربداله
حبّ(ن)يحلّق بك مع عالمٍ غير