[ام جوانا]

اهداء للموجودين

لبيه يا لبيه روحي تلبي
في كل نبضي في شراين وعروق
مجنون شفتك شوفتك جننت بي
كان السما تحتي وهالارض من فوق


مرسال شوقك اشتياقي لعبي
كأنك سرقت العقل ماعطيتني حقوق
ياليت تدري كم مسافات حبي
ماشفت حالتي من محبتك مسروق


شرقي اشوفك وان تقبلت غربي
ماغيرك انته ذوق بعروقي يروق
اشتاق لك واشتاق شوفك بقربي
انته هنايه يابعد كل مخلوق


ان قلتلي مشتاق ريقي شرق بي
وش عاد حالي كيف صاير من الشوق
حبك حبيبي ماخذن كل حبي
امر عليه لو على قطع العنوق

[فواز الدواي]

اليا اشتعلنا مثل نار الصواريخ ..,, واليا بردنا ثلج نازل بديره

هماتنا مثل الجبال الشواميخ ..,, وقت التواضع كالنفوس الفقيره

[الراسى]

أنـــــــا الذي من شوف الأحبــــــــاب محــــرومـ
والله يكافي شر زلات الاقـــــــــــــــــــــــــدامـ


قبل امس مع ربعـــــــــي سواليف وعلــــــــومـ
واليوم طاويني هواجيس واحـــــــــــــــــــــلامـ


أضحـــك ضحى قبل أمس وابكي ضحى اليــومـ
يــــــــــا مسرع دورات الليالي والايــــــــــــــامـ

[عبدالله]

لاواهني من عاش عمره مطوٌع

يتبع كتاب الله وسنة نبيٌه

يمشي على درب السلف ماينوٌع

امجنب دروب البدع والخطيٌه

درب الصحابه احكم دروب واروع

أهل الهمم أهل النفوس الوفيٌه

منهو سلك به آمنٍ مايروٌع

ويوم القيامه في منازل عليٌه

[راعي الشلفا]

ينبت على شعري زبيدي ورقروق ^^^ وماني من اللي يتبعون السواويق

وان كان لشعار معنى وصندوق ^^^ عندي ترى مفتاح كل الصناديق

ياهاجسي سوق المعاني لهم سوق ^^^ وانحت على صخر القصايد طواريق

[العريض]

احساس بالغربه ورعشه بالاطراف=اشيا تغيب وتولد اشيا جديده
جميع ماحولك اخذ شكل الاطياف=وللذاكره ترجع مواقف بعيده
وتفتح لك ابواب وتعرض لك اوصاف=وتسرج لك حياد الخيال العنيده
وتطلع لك افكار تخوفك وتخاف=وتحيط بك افكار دنيا سعيده
وتصير وانت انسان مرهف وشفاف=الكون كله يجتمع داخل ايده
حالي غريبه ماتوصف وتنشاف=من عاش فيها شاف فرصه وحيده
قدومها فجأة تفاصيلها اسراف= والوانها واثارها بالقصيده

احمد الناصر الاحمد

[مبارك الشويلع]

ان كان منزالك على راس مرقاب .. انا توسطت النجوم الشواهيق

لــــــ..... نادر

[مبارك الشويلع]

ودنـا بالطيـب بـس الدهـر جحـاد طيـب
............. كـل مـا تخلـص مـع النـاس كنـك تغشهـا
يـدك لامـدت وفـاء لاتحـرى وش تجيـب
.............. كـان جاتـك سالمـه حـب يــدك وخشـهـا
كـل ماشبـيـت نــار المحـبـه مــع حبـيـب
............. قـــام يـسـحـل فـــي مشاهـيـبـهـا ويـرشـهــا
وكل ما واجهت لك فالزمن وجه غريب
.............. مـثـل مـاقـال المـثـل دام تـمـشـي مـشـهـا
وذمــةٍ ماهـيـب تـنـدار للـحـق المـصـيـب
............... جـعـل قـشـاش الحـطـب لاســرح يقتشـهـا

لـــــــ...... سعد بن جدلان