[النمر1012]

لبيه كلمه هـزت اقصـى كيانـي
وساقتني لطيفك وانا مغرم(ن) فيـك


لبيـه بشفاهـك لهـا طعـم ثانـي
لامرت بطعم العسل بيـن اشافيـك


يومـك نطقتيهـا شعـرت بأمانـي
حسيت قلبي صار في راحة يديك !


زاد الفرح والشوق ثوبـه كسانـي
تحركت الاغصان في قلب مغليك !!


ياسيـدة قافـي وكـل المعـانـي
لاقبل سواد الليـل دايـم اطريـك


لايابعد من عـاش بيـن المحانـي
القلب بيتـك جعـل ربـي يخليـك


ضامي حنانك وانتي اروي حنانـي
وصفوة غلا من صافي الحب بهديك


هاتي من اوقـات السعـاده ثوانـي
واعطيك عمرا" ضاع سبـة تغليـك


واخر كلام(ن) ينذكر مـن لسانـي
لبيك يالبيـك . . لبيـك . . لبيـك

[الـشـقـاوي]

أنا ما أبي من الدنيا سوى لحظة لقى وحده
أبي أطيح من طولي على صدرگ وتحضني..
تعبت أشدبگ حبل الشوق وأمده..
أبي أشكي على صدرگ عطش هالحب !!
أرويني .. دخيلگ لاتخليني
ترى صبري وصل حده..
أهيم بعالمگ طفل أمانه لاتخليني..

[ذبحني غروركـ]

ماعلموك ...!
إني أحتريـــك ...

[الـشـقـاوي]

كلمآ اشتـدّ اللـّون الأسود

في سمـآء دنيـتي !

تفـاءلـت أكثـر

لأنـي على يقيـن بأن القـادم

هو الفجـر

[وحيد]

حاولت أخـف من شوقي له لكنه ماهو بسيط
طيفه أبد ما يفارق عيوني ودومه للقلب ينطاق
×××
يا رفيع المقام لك ما بين الناس شـانٍ سليط
وان شفتك يا نظر عيني تبرق في عيني ابراق
×××
كلمتك ما تنرد يا كامل الأوصاف بس لا تشيط
لي تحداك في كلمتك وفكر يعاندك ندمه حرّاق
×××

[أمـــير بـكلمتي]

راقي بذوقك وقلبك بالوفاء راقي

وطيبتك لو وزعت عالناس تكفيها

شلتك بعيني وشلت الحب باعماقي

والروح من الشوق غنت لك اغانيها

يادوحه غرامي وزهر الحب باوراقي

تضماك عيني وشوفك بس يسقيها

احمل خفوقي واسافر لك باشواقي

وأغلف لك اجمل مشاعر حب واهديها

[ذبحني غروركـ]

السكوت احيان أشبه بالذهب
دام هرجك لا يودي ولا يجيب..

والكلام احيان له فعل الحدب
لا قطعت بحد نصله كل عيـب..

ما ورثت الحزن لو فيني نشب
ولا ورثت الضيق والهم الكئيب..

ما ورثت إلا المكارم و النسـب
من جدودٍ فعلها سقم الحريـب..

[نوماس5]

فمان الله يا حب وقف ما كمل المشوار
عرفنا مفرق الدربين مانحتاج تكميله

تباعدنا بلا موعد ولا شكوى ولا أسرار

خلاصنا وأنتهينا من شقى الحب وغرابيله

بقت بس المعزه بيننا ماكن شيء صار

وصرنا أغراب عقب الود يادنيا من انتي له

وإذا صدفه جمعت مابيننا في شارع الأقدار

بيصير الكل منا بس شوف العين كافي له

غريبه لعبة الدنيا وأعرف ان الزمن غدار

ولكن هذه الدنيا ولا تنفع بها الحيله

فمان الله ياقصة غرام اصبحت تذكار

صنعها الحب في لحظه ولا كمل مراسيله....