[نايف ابن عليثه]

لو تآقف الدنيآ علىَ [ الحٌب الأول ]
. . . . . . . . . . . . مآ شفت في وجَه البسيطه ولآ حيّ !

حتى لو إنَه ف المعآليق [ طوّل ]
. . . . . . . . . . . . يدوَر وقته ’ لييين يصبَح ولآ شيّ !

[سند الداموك]

طـآرق البعـد يوجعنـي وجسمـي نحيـل
..... ( وآعـذابـي ) ليـآ دق الضـلوع وطـرق !

هكذا كل صبـح .. وهكـذا كل ليــل
....... احتفـي بـه شعـور .. ويحتفـيّ بـي أرق

ارغبـك كل ما اذكـر حآجـز المستحيـل
..... والمحـك / كل ما شـع ّ الصباح ..وشـرق

وافقــدك كـل مـادورت ظـل ٍ ظليـل
....... ارتمـي به ليـا مـن ( حـزن روحي برق ) ،

والله انك ليا سولفـت لـو بالقليـل
...... [ تبــرد اطـراف جسمي كلها وآعـرق

[راعي الكرم]

طرد السراب لمن يحَسْبه ماء .. ما هي مشكله
المشكله .. طرد السراب لمن يعَرْف إنّه سراب

[دانه]

ياصدري اللي من الضيقه تقوم وتطيح ,, تكفى اقهر العاذلين بضيقتك وابتسم
عطني طرب غصب عن كف الزمان الشحيح ,, وانا باواعدك واعاهدك واقسم قسم
لعطيك رجلٍ ليا منه وقف ما يزيح ,, لو تقسم صفوف خلق الله ما ينقسم

[العميل السري]

صوت البدر كم صوت غيرك تركناه=ياللي مكانك في سمانا تعلّى

[دانه]

يعني من قلّ المصايب صاب هـذا الصـدر ضيـق
ولاّ يعـنـي مــن حــلاة الـحــظ وعْـلــوّ المـكـانـه




ذي حياتي من مضيقٍ .. في مضيقٍ .. في مضيق
ولـو بحثـت الصبـر فينـي مـا أجـد للصبـر خانـه



عادتي .. لا ضقت ادوّر "حضـن وعيـون الرفيـق"
مشكله .. لا صار ضيقـي منـه واحزانـي عشانـه!



يوم قال: اسمح لي برجـع وانـت كمّـل هالطريـق
لازم تـقـدّر .. وتنـسـى .. ننتـهـي كــل ٍ وشـانــه



قلت: صبـرك .. يرحـم الله والدينـك ..مـا أطيـق
ماني ناقص فوق جرح اقدارنـا .. جـرح الخيانـه



حاجتـي لـك حـاجـة الأيـتـام .. وايـديـن الغـريـق
طالبك طلبه .. ترانـي أعشقـك .. صُـون الأمانـه



وراح مــا كـنّـه سمعـنـي والتـفـت لـفـتـة طـلـيـق
وقـال: أخيـراً مـا بغينـا .. وللفـراق اطلـق عنانـه



عنـدهـا أدركــت فـعــلاً قـيـمـة الـحــب العـتـيـق
وقلـت: هـذي آخرتهـا .. مـا تـجـاوزت امتحـانـه



ضيق صدر وجرح قلب ودمع عين ونشْـف ريـق
هـذا كـل اللـي جنيـت ومـا قـدرت اجنـي حنـانـه



أستـر لنفسـي أعيـش بضنْـك واحــزان وحـريـق
ولا أمـوت مـن القهـر وتكـون موتتـهـا .. جبـانـه



طالمـا بينـي وبيـن الـمـوت .. مــا حـاجـه تعـيـق
غير خوفـي مـن غضـب ربـي وانـا مُسلـم بالديانـه



يارقيق الشكل .. وش خليت لاحساسـي الرقيـق؟
كـود صـدمـه .. نـارهـا نــار .. ولعانتـهـا لعـانـه



لا نويـت امسـح جميـع اوراقـي الأولـى .. أفيـق
وانصدم في واقعـي المُـزري وفـي قسـوة زمانـه



مدري .. كنّ الحزن فيني شاف لـه نِعـم الصديـق
مـدري .. يمكـن كنـت فعـلاً كفـو للحـزن وتكانـه



والـفـرح .. كالـثـوب لـكـن يـبـدو انّــه مــا يلـيـق
دام لبْـسـه لايّ خـاسـر مــا وراه .. الا الإهـانــه



آآآه ياحزنـي ترفّـق .. صاحـبـك جـرحـه عمـيـق
أشهـد انّــك يارفـيـق العـمـر .. طيّـحـت الميـانـه



مثلـي مثـل اللـي يراهـن خلْـق ربّـي فـي عشـيـق
والبلا راهـن .. ويـدري خاسـر العشـق ورهانـه



ويعني من قلّ الخساير صاب ذاك الصدر ضيـق
يكفي .. لا هالوقت وقته .. ولا مكانه هـو مكانه

[العميل السري]

البارحـه نمـت ولا جـاك مـا جـانـ=ان كنت ضايـق ترانـي ضايـق بشـدهـ


كل مـا آتذكـر غـرام مـات واشقانـي=لعنـت ابـو ساعـة الايـام والـصـدهـ


*أول على شـان اشوفـك تبكـي اعيانـي=والحين لا والله مـا عـاد لـي شـدهـ

ولا جاك مني مسـج مـا يبطـي الثانـي=والحين مـن بينهـم يـا مطـول المـدهـ
لا تلومنـي عنـك لا صكيـت بيبـانـي=تـرى محبـك ظروفـه وقفـت ضــدهـ

ماهـو علـى شانـك ولا هـو علشانـي=لكـن علشـان قلبن وآقعـه هـدهـ

اذا نسيتـك يـا جـعـل الله يبـلانـي=بيتك بوسط الحشا..ماعاش مـن هـدهـ

كانك تعانـي .. ترانـي مثلـك آعانـي=وكانك تمل الصبر..صبري وصل حـدهـ


لا ناموا الناس طيفك يا الغـلا .. جانـي=مـره يحـد الضـلـوع ومــره .. آحــدهـ

[ابوتركي ناصر]

نعيب زماننا والعيب فينا ومالزماننا عيبا سوانا
ونهجو ذا الزمان بغير حقا ولو نطق الزمان لنا هجانا