[PILOT]

مبروك لمنتخبنا فوزه على منتخب السعوديه الشقيقه وحصوله على كأس الخليج للمره العاشره


اوووووووووووه ياالازرق

العب بالساحه

ياكـــــــــــويــــــت


؟

[PILOT]

كان فيه نكته تقول

سئلوا هندي جم ولد عندك قال عندي 4
قالوله شلون 4 وانت اول ماجيت عندك بس واحد وصارلك الحين 5 سنوات مارحت الهند

رد عليهم وقال اخو مالنا موجود هو سوي بجا
حنا كنا نضحك ونقول ياخبل الهندي وعلى بالنا أنها نكته
السالفه طلعت صج مونكته
الحمدالله على نعمه الاسلام

وعلى الرابط هذا راح تعرف انها ديانه عند السيخ

http://bani-3abs.net/aa/showthread.php?p=1981346#post1981346

هذا رابط القصه

:)
؟

[PILOT]

سياسه تكميم الافواه وحجر الاراء هذي سياسه ضعيفه

كل انسان مسوي نفسه عالم زمانه على باله ان هو اللى يفهم والناس ماتفهم

يمكن مايعجبنى كلامك ولااتفق معاه لكن مومعناة هذا انى ابغضك او ألغي

رأيك وشخصيتك

بالعكس راح اناقشك واحاول اوصلك قناعتي واذا ماأعجبك كلامي

راح احترم رأيك حتى لومااتفق معاه ولانى ملزم اخذ برأيك لكن ملزم انى احترم رأيك ولااهمشه.

وحنا العرب مشكلتنا مانحترم أراء بعض اذا الشخص مومتفق معاى بالرأي

معناته انه ضدي؟؟؟ ويتم محاربته ويتم استخدام السلطه لتهميش أراءه

اللهم اشفي عقول المسلمين

أمين
؟

[PILOT]

صحيح ان النفط انتشلنا من الصحراء ومن رعاة غنم الى دول متحضره ونملك جميع ماتوصلت اليه التكنولوجيا الحديثه.

لكن للأسف ماتزال عقليه رعاة الاغنام متأصله فينا ولايملك القطيع من أمره شيئا


وين مايروح مرياع الغنم تتبعه

اهداء لكل مرياع
مااقدر والنبي اودعك......خذنى يامرياع معك
وين ماتروح حنا نتبعك......حتي لوصعدت القمر
يامرياع خذنا معك

:)

؟

[PILOT]

الزمن 2004

المكان دوله الامارات العربية المتحدة

كنت بدوره جويه مدتها 5 شهور تقريبا بدولة الامارات

اتصل علي الله يذكره بالخير الوزير السابق عيد هذال النصافي وكان عنده لقاء في قناة العربيه وقال انه جاى الامارات لمده يومين قلت ابرك الساعات

المهم كشخت وضبطت السبعه وتهندست اخر هندسه ورحت انتظره بالفندق اللى راح يسكن فيه وكان الوقت تقريبا 10 مساء وقاعد باللوبي انتظر ابوبسعود يجئ من المطار وكان فيه حريم كبار بالعمر اماراتيات

ومع الحريم بناتهن واعمار بناتهن تقريبا بالعشرينات وكانوا توهم طالعين من صاله الفندق عندهم عرس وينتظرون السايق او احد عيالهم ياخذهم

المهم اتصل علي ابوسعود وقالى وينك قلت انا باللوبي

قلت له انت وينك قالى انا واقف جدام الفندق


المهم طلعت حق ابوسعود امشي بسرعه والفندق فيه باب بالنص اللى يفتر وتلف معاه لين تطلع وفيه باب ثاني جانبي

انا من السرعه على بالى الباب الجانبي مفتوح لان الجام حده نظيييييييييييف

المهم رحت بطلع من الباب الجانبي والا أرقع الجام بوجهي رقعه ردتنى متر ورا وطحت على ظهري وعقالى مثل التاير يفتر وطاح بعيد وحسيت خشمي انسكر ( ااااه ياخشمي طرا على الموقف تذكرت العوار) :)

وانا طايح سمعت ضحك الحريم وضحك اللى باللوبي والهندي اللى واقف عند الباب المهم قمت واخذت عقالى وقلت للهندي ليش هذا جام زياده نظيف :) وطلعت والا ابوسعود بوجهي قالى اشفيك علمته باللى صار
قالى عسي ماتعورت قلت له مادري احس ان خشمي منفرش من رقعه الجام :)


الدرس من الموقف

فتح عيونك وانت تمشي

واعرف ان بيبان الفنادق حيل نظيفه مومثل بيبان بيوتنا كلها مدبغه

:)

؟

[PILOT]

تـمـر الايآم والشهـور لنبـدآ سنـة جديدة

ونطـوي سنـة مرت بكل مافيها من ذكريات

في كل سنـة تختلف مشاعرنا وآحاسيسنا

فقد مرت السنة بالعديد من الذكريآت

المؤلمة والجميلة

والتي كان لها الاثر الكبير في نفوسنا

ولايسعنا عند نهاية كل عام سوى آن نتمنى

لانفسنا ولمن نحب سنة مليئة بالافراح

والحب وندعـو الله ان يرحم احبابنا واهلنا اللذين فقدناهم ونسئل الله لهم الرحمه والمغفره

ونسئل الله رب العالمين بأن يشفي مرضانا ومرضي المسلمين وان يشفيهم ويمتعهم ويمتعنا بالصحه والعافيه

♥
ارجوا من الله آن يجعلها سنة مليئة بالافراح والمسرات على المسلمين

♥

لقد مرت سنه 1434هـ بحلوها ومرها

وانا اعتذر لكل انسان جرحته بكلمه او زعلته من غير قصد مني

فما أحتاجه منكم هو ان تعذروني وتسامحوني ان كنت غلطت بحق احد فيكم

واللهم اشهد انى سامحت كل انسان اخطأ او اساء لى او اغتابنى اكراما لوجهك الكريم

نصيحه اخويه

كل يوم ينتهي تنطوي صفحته ولاتفتح هذي الصفحه الا في يوم القيامه
تفتح في يوم الحساب حتى تحاسب على الاعمال اللى عملتها في هذي الصفحه
وكل يوم يمر من حياتنا يعتبر صفحه لن تفتح الا يوم الحساب
فاجعل يااخي ويااختى في كل صفحه استغفار لن يكلفك شئ وانت تنتظر موعد عند الدكتور او مراجعه او بالسياره استغفر لن تخسر شئ ففي هذا اليوم لما تفتح الصفحه ويكون فيها ذنوب فاذا كان في صفحتك استغفار فأنها سوف تمحي ذنوب هذا اليوم

اللهم اجعلنا من الذين يسمعون القول ويتبعون احسنه

؟

؟

[PILOT]

صارلي فتره ماشبكت اشغلتنى الاختبارات الله لايشغلنا الا بطاعتة

مكان تواجدي الان قاعه الدرجه الاولي في مطار جون كينيدي JFK Airport في مدينه نيويورك الساعه 12:15 بتوقيت مدينه نيويورك باقي تقريبا 9 ساعات وبعدها تعلن الخطوط الجويه الكويتيه عن اقلاع رحلتها 118J المتجهه الى الكويت.

الحمدالله خلصت اختبارات الكورس الاول والحين اجازه الكريسماس 16 يوم ان شاء الله اقضيها في ربوع الكويت الحبيبه.

من كثر مااحاتى امتحان القياده والحرب الالكترونيه كنت اقول يارب مايجي يوم الأربعاء وبعدين اقول ودي يجي الجمعه يوم السفر قبل الاربعاء متروع من امتحان القياده والحرب الالكترونيه تقريبا معطينا 28 كتاب واقل كتاب 150 صفحه طبعا كتاب ابو 150 صفحه هذا اتنقش فيه اسنانك يعنى وقت الفراغ اطقطق فيه لان باقي الكتب على الف صفحه. لعنبوه الكاتب منين يجيب الكلام شلون كتب الالف صفحه وانا عشان اكتب بحث بالكتاب افتح فمي 4 ساعات وبعدها اكتب كلمتين واقول خلاص كافي كلمتين خلنى اخذ استراحه :).

الاسبوع اللى فات من كثر المذاكره احس ان عيونى طاحت بحظني الله لايخيب تعبنا ان شاء الله.

مادري ليش في هذي اللحظه طرت على اغنيه

انا رديت لعيونج انا رديت

ولج حنيت مثل مايحن حمام البيت (يعنى تراني وطني )

طول عمري على بالى عبدالكريم عبدالقادر يغني الاغنيه حق حبيبته توني دريت ان الاغنيه وطنيه حق الكويت :)

؟

[PILOT]

السلام عليكم ورحمه الله وبركاته

بقي 4 ايام من الاجازه وتخلص, مرت بسرعه الاجازه , لكن الحمدالله شفنا الاهل والربع وكلهم طيبين وصحه وسلامه

كل ديوانيه بالديره ادشها تسولف بالسياسه حتى الهندي بالدوانيه يقول شرطه طقي كويتي مافيه جين هادا كلام خربوط

وبالاجازه هذي تعرفت على عضو بالمنتدي طلع جاري يم بيتى لما ناديته باسمه تروع ابن الحلال على باله مباحث :)

؟