[عايض بن صالح]

معذور اخوي ابو ثنين وطرحك لهذا الموضوع اروع من القصايد فيه

تقبل تحياتي وتقديري

[منصور]

خوفو من الشباب يابنات
هذي الصوره تنقل المعاناه
لاتجربين وتصيرين في شتات
وتذكرين يوما ماتبين طرياه
انتبهي من الذئاب وصيري كاالصابرات
ولاتصير حياتك مثل سود الايام

[أبو نوح]

هذه مشاركتي وأشكر أبو اثنين على هذا الموضوع

صورةٍ مرّة ومرّة بكل الأصعده=لو مصير العمر يفنى ولا خلّد حدا
صورةٍ منها تقطّع جميع الأفئده=صورة اللي تشرب الحزن من قاصي مدا
طفلةٍ تجرعت فقد من حبّت يده=ساعةٍ ماللبشر من مفر ولا جدا
كل ماحسّت بخوفٍ ازبنته بلحده=تشتكي له والنتيجه يجاوبها الصدا
يوم شافت كل الابواب عنها موصده=ولو تنادي ماسمع من تناديه الندا
التجت للواحد اللي عباده تعبده=كافل الارزاق في حكمه وحكمه بدا
هازم الأحزاب والجند صادق بوعده=حاميٍ بيته من الفيل وجيوش العدا

أبو نوح

مضيان عواد

[ابواثنين]

اقتباس من مشاركة أبو نوح هذه مشاركتي وأشكر أبو اثنين على هذا الموضوع صورةٍ مرّة ومرّة بكل الأصعده=لو مصير العمر يفنى ولا خلّد حدا صورةٍ منها تقطّع جميع الأفئده=صورة اللي تشرب الحزن من قاصي مدا طفلةٍ تجرعت فقد من حبّت يده=ساعةٍ ماللبشر من مفر ولا جدا كل ماحسّت بخوفٍ ازبنته بلحده=تشتكي له والنتيجه يجاوبها الصدا يوم شافت كل الابواب عنها موصده=ولو تنادي ماسمع من تناديه الندا التجت للواحد اللي عباده تعبده=كافل الارزاق في حكمه وحكمه بدا هازم الأحزاب والجند صادق بوعده=حاميٍ بيته من الفيل وجيوش العدا أبو نوح مضيان عواد

صح اللسانك يابونوح
قصيده جميله من شاعر مبدع
وباتتظار باقي الشعراء

[معيوف ابن زهيميل]

قلبي اللي جض بضلوعه على صورة يتيمة= كن معلوقه من اللي شاف ضاربته خناجر
صورة ٍ هزت شعوري من هزيمة في هزيمة= مااستطعت أقاوم العبرة ولاهز المشاعر
كيف أقوام والأسى يصلا على قلبي جحيمه = وين أغض الطرف عنها ويش أخلي ويش أناظر
صورة الطفلة على قبر أمها ضيم وجريمة = لعنبو من جابها من المدرسة يم المقابر
أرفعوا كُف الضراعة ياهل أقلوبٍ رحيمة= بالدعاء للي على قبر أمها تهل العبا ير
يجبر الله كسرها ويفْرجْ لها البلوى العظيمة = أرحم الله حالها من ما وطأها من المخاطر
والله إنه لايوفق راعي النفس الأليمة= يوم راح أيصور الطفلة وهي وسط المقابر

المعذرة الصورة مؤثرة جداً

[ناصر خنيفر]

صورتن منها وقف شعر القلوب اللي رحيمه=دمع عيني من سببها مثل همال السحايب
ياوسيع المد لطفك بالهنوف اللي يتيمه=ارعها برعايتك ياواحدن مانته بغايب
عود الجسم ٍ من الفرقا غداء مثل الهشيمه= انت ابو من ماتت امه غيركم ماحدن بثايب
انت راع الجود ولاحسان واليمنا الكريمه= ارحم ابرجمتك من بنيت على قبره نصايب
كلبونا عارفين اليتم عاقبته وخيمه= مار ماحدن يعترص في فعل وهاب الوهايب

المعذر اخي كتبت البيوت على عجل اشكرك

[بنت العبسي]

الصورة قوية والله تقطع القلب



ولكن!!!




لي عودة بإذن الله

[ناصر خنيفر]

صورتن منها وقف شعر القلوب اللي رحيمه=دمع عيني من سببها مثل همال السحايب
ياوسيع المد لطفك بالهنوف اللي يتيمه=ارعها برعايتك ياواحدن مانته بغايب
عود الجسم ٍ من الفرقا غداء مثل الهشيمه= انت ابو من ماتت امه غيركم ماحدن بثايب
انت راع الجود ولاحسان واليمنا الكريمه= ارحم ابرجمتك من بنيت على قبره نصايب
كلبونا عارفين اليتم عاقبته وخيمه= مار ماحدن يعترص في فعل وهاب الوهايب
غافلينن بالحياه وعيشت الدنيا العقيمه= مانفكر وين راحم متعبت عوص النجايب
ماحسبنا حساب يوم ٍ يحرق العاصي جحيمه= والمنايا ماتفرق بين مولودن وشايب