[جحدر]

اعرضت في طريقي صومعة سلحفاه=راسها مرسلٍ يمي عراقيبها

يوم حكيت جنبك في جبال السراه=حملتك حملتك لازم تزوزيبها

[السلطة المنزلة]

ابو ياسر حياك

[عقيد المدرهمات]

ونعم السلطة المنزلة

ونعم جحدر

صح السنتكم

بس لو ابو عوجه موجود

[السلطة المنزلة]

أنت جدرك قزازة مايتقي تقاه=تصبغ لحيتك مير انكشف شيبها
فيك ريشة غراب وفيك ريشة قطاة =والجناحين مدري وش تخفيبها

[جحدر]

وش يعديك حدك ياخبيث اللغاة= رد رجلك بدارك لاتجينيبها

وان تعديت حدك مالك الا الذكاه=لعنبو لحيةٍ تكرمك أشانيبها

[السلطة المنزلة]

أنت مثل البعير اللي يدربي اللهاة=مير رجع لهاتك في لغابيبها
أنت مدري تبي المشعاب والا القناة =يمكن سليم كافيتك مشاعيبها

[جحدر]

أقدر أدخل بفمك من البداية حصااه=لكن أعطيك فرصة مانت ضارييبها

تنقل السيف لكن تضربه في صفاة=لين راحت سيوفك في مثاليبها

وصح الله لسانك يالسلطة المنزلة

وسجل اعجابي

[السلطة المنزلة]

أنت راعي حلال ولاتطلّع زكاة=هاك بروة لونك ماتزكيبها
صاحب الحب يوم يجمّعه مانقاه=والرحى تستدير وتطحن اللي بها

وتصبح على خير
وكذلك سجل اعجابي