[رواية]

اقتباس من مشاركة ألمــــاس مبدعـــــة يــا طيـــف قصــــة رااائعة وبانتظـــــار البــــارت الثــــاني >> متــــابعة

هلا وغلا ألماس سعدت كثيرا بتواجدك

الان سأضع البارت الثاني

[رواية]

(البارت الثاني)


(في بيت أبو سلمان)

في حي راقي يعج بالحياه, تقع فلة أبطال روايتنا هذه والتي تتكون من طابقين ,ملاحق وحديقه كبيره ذات أسوار عاليه

وبوابه واسعه. كانت الساعه الثانيه ظهرا وكما تعلمون فإنها حارقه خاصه في مدينة الرياض.

وقفت( أم سليمان) بالقرب من السلم اللولبي تنادي بصوت عالي "نوف....نويف يا مال العله تعالي"

نوف"يوووووه الحين الواحد ما يقدر ياخذ راحته بهالبيت".نزلت من السلم فتاه طويله ممشوقة القوام تميل الى النحافه

ذات شعر قصير يصل الى أكتافها حيث تموج باللونين الذهبي والرمادي.بدت جميله ببيجامتها السماويه وقد رفعت خصل

من شعرها الحريري بفيونكه سماويه ,وجهها البريئ كان خالي من المكياج إلا من كريم ترطيب..

الأم"لي ساعه وأنا أناديك..وينك؟!"

نوف" يمه يا عمري كنت أقرأ كتاب عن السيره النبويه"<<نصابه

الأم"لا والله ما صدقتي..الا قولي إنك عند النت"<<فاهمتها

نوف"وغلا تك عندي كنت أقرأ"

الأم"المهم تعالي ساعديني بالمطبخ جدك جاي بالطريق"

نوف"يااااااسلام...ميري وجودي وينهم؟!"

الأم"ميري أرسلتها قسم الرجال تنظفه..وجودي تزين فطاير..وأنا أبيك تسوين السلطه الحين ..ما فيه وقت"

نوف"أقول يمه...ندى جايه معهم؟"

الأم"ايه جايه معهم"

نوف بصدمه" يعني تبي تحضر الزواج بكره؟!"

الأم" إيه تحضر والا نسيتي إن ساره بنت عمها مثلها مثلك"

نوف"يووووه ..والله إنها تبي تفضحنا هالقرويه..أكيد ملابسها قديمه أو مو ستايل...عاد حنا عازمين صديقاتنا"

الأم تنهرها"نوف والله ما توقعتك كذا...أجل كيف لو تدرين إنها تبي تسكن عندنا"

صرخت نوف"إيش؟! ليش إن شاء الله؟!"

الأم"البنت تبي تسجل بالكليه...وراح تجلس عندنا تكمل دراستها..البنت ما تعرف أحد بالرياض الا بيت عمها"

نوف"يااااااااا سلام.... وبيت عمي حمد ليش ما تروح لهم؟!"

الأم"جدك قال تجلس عندكم..والله يحييها ...قسم بالله إني فرحت يوم سمعت إنها تبي تكمل دراستها"

نوف بتساؤل" طيب...وين تبي تنام؟!..لا يكون بغرفتي!!"

الأم"مؤقتا إيه..لكن بعدين راح نأثث الغرفه اللي جنب غرفتك ...وتسكن فيها"

نوف"الله يعين"
الأم"إتركي عنك الهرج اللي ما فيه فايده..هاذي بنت عمك حسبت إختك..وبعدين تراها يتيمه"

نوف محاوله إغلاق الموضوع"أنا بروح الحين للمطبخ أزين السلطه"

الأم"ايه جهزي السلطه ترى ما بقى وقت"
************************************************** **********
(في بيت أبو طلال)


في مثل ذلك الوقت وعلى طاولت الغداء كانت الأسره مجتمعه..أبو طلال –طلال-فيصل-ساره-نوره-ونهى بإستثناء أم فيصل

أبو طلال"الحين أمكم وينها؟!"

نهى"يبه تقول ما تبي..جات من السوق تعبانه..أخذت كوب حليب وراحت لغرفتها تنام"

نوره "إيه قاعده تسوي دايت"

ساره بصوت هامس"يا شين اللقافه"

أبو طلال"سوق بعد؟! هذي ما تمل من الفرفرة بين الأسواق"

صمت الكل فقد كان مزاج أبو طلال في تلك اللحظه لا يسمح بالحديث.

بعد فتره وأثناء تناول الطعام تطلع أبو طلال الى ولديه والذان كانا مشغولين بالاكل.

أبو طلال"طلال..فيصل..عمكم قبل شوي إتصل يقول إن جدكم دخل الرياض ..لازم نروح لهم العصر نسلم علي أبوي وإنتم

معي"

طلال وفيصل"إن شاء الله"

نوره"ونااااااااااسه..أكيد ندو ش معاهم"

التفت إليها طلال وعلامة التعجب مرتسمه على وجهه"من هي ندوش؟!"

نوره"هذي بنت عمي...والله من زمان عنها...وشطح فكرها الى فترة الطفوله تحاول البحث عن ملامح بنت عمها بين طيات

الماضي.

فيصل وقد سرح فكره وبانت أطياف إبتسامه على محياه"والله إني من زمان عنها..أذكرها كانت نحيفه وصغيره لكن عيونها

وساع"
نوره"هيه يا أبو الشباب..وين رحت ..ترى ما يجوز تتكلم عنها كذا""

فيصل"بسم الله علي..أكلتيني!!..أنا ما قلت شي خطأ"

ساره"يعني كبرت الحين"

نوره ببلاهه"لا تنتظرك"

طلال وفيصل"هههههههههههههههههههههه"

ساره"نوره وجع...أقصد إنها أكيد هي كبرت"

نوره بإستهبال"أيه رقعيها"
ساره وقد بدت بوادر الغضب على محياها الجميل"نوره اللي أبي أقوله إنها تغيرت مع السنين"

نوره"الحمد لله والشكر...تو أكتشف إن إختي ذكيه"

ساره"نوير ...قسم بالله لو ما تتركين تعليقاتك لأذبحك"

نوره تتظاهر بالحزن" دايم أنا مظلومه بالبيت..على العموم الحمد لله بكره يضفك تركي وتروحين معاه وأفتك منك"<<مو

من قلبها

فيصل بمرح"تصدقين سوير نسيت إن زواجك بكره"

ساره إعتلت وجنيتها حمرة الخجل أخفضت عينيها..وأرسلت نظرت تهديد جانبيه الى نوره.

ساره"الحمد لله شبعت"

أبو طلال فهم الإحراج الذي سببه تعليق نوره..وقد كان طوال الوقت يستمع الى الحديث الدائر بين أبناءه وهو مستمتع.

أبوطلال"وين سيوره ما أكلتي شي؟!"

ساره والحروف تخرج بصعوبه من بين شفتيها"أ..كنت..أ..خلاص شبعت"ثم إنطلقت هاربه من الوجوه المحدق بها.

نوره بنظرات بريئه"يبه عمري حياتي"

أبو طلال"أنا فاهم... النظرات هذي وراها شي"

نوره"أبيك تسمح لي أروح للسوق العصر باقي لي أغراض بسيطه"

أبو طلال بصوت قاطع"لا"

تطلعت نوره الى منقذها الوحيد دائما (طلال) برجاء صامت

طلال فهم إشارة النظرات"إيه تذكرت أنا كنت بروح للسوق..وآخذك معي نوره"

أبو طلال"قلت لا ما تروح..لها شهر وكل يوم تسوق..ما كن لها والي"

إقترب طلال من كرسي أخته (نوره) وهمس في أذنها"ولا يهمك أنا أوديك"

فهمست له"الوالد ما يرضى"

طلال"ولا يهمك خليه علي..لكن محل واحد بس ونطلع"

نوره لم تقتنع بالعرض لكنه أفضل من لا شئ "إن شاء الله"

فيصل كان متابع للحديث الدائر بين نوره وطلال ..ورغم ذلك لم يستوعب ولا كلمه مما يتحدثون عنه"

فيصل"هيه أنتم؟!..في إيش تتهامسون"

نوره.".أبد الله يسلمك كنت أناقش أخوك بآخر التطورات في الشرق الأوسط"

طلال كان يضحك بصمت

فيصل بغضب"تستخفين فيني أنتي ووجهك"

نوره"والله اللي يتدخل فيما لا يعنيه يلقى ما يرضيه"

فيصل"ليتك أنتي اللي زواجك بكره مو ساره..عشان نفتك من وجهك"

نوره بقلبها...ياااااارب من فمك لباب السماء. ثم إستأذنت وذهبت الى غرفتها وكلها شوق لتتحدث مع نوف وتعرف أخبار

ندى وبعد عدة محاولات

فاشله في الإتصال تعبت ندى"أوريك يا نوف...أكيد جالسه سوالف مع ندى ومطنشتني"

********************************************
(في بيت أبو ماجد)

أوقف (ماجد) سيارته ا ل بي ام عند البوابه الداخليه لفيلا رائعه في حي جميل...فتح باب سيارته ووضع قدميه المرهقين

على الأرضيه المرصوفه

بأحجار صغيره..تطلع الى أعلى وقد بان التعب على وجهه بعد عمل مجهد عند إحدى نقاط التفتيش على حدود مدينة

الرياض..وضع نظارته الشمسيه في مكانها داخل السياره ثم سحب خطواته الثقيله يجرها بجهد.

دخل الى الصاله الكبيرة الحجم حيث كان الأثاث الراقي موزع بإبداع في أنحاء الصاله ...نادى بصوت عالي "يمه"

أم ماجد"هلا والله أنت جيت"

ماجد"لا يا الغاليه للحين بالعمل هههههههههههههه"

أم ماجد"ههههههههههههه ما تتوب عن مزحك...شكلك جوعان؟"

ماجد"إلا ميت من الجوع"

أم ماجد "يالله وأنا أمك...غير ملابسك..ويكون الغدا جاهز"

ماجد"طيب بسرعة البرق"

وحين إتجه ماجد الى السلم إستوقفه صوت والدته"ماااجد"

ماجد"هلا يمه"

أم ماجد بنظرات كلها أمل" ايش صار على موضوع البارح"

ماجد وقد فهم المقصد"يمه..وهذا وقته؟!"

أم ماجد"وأنا متى أشوفك عشان أكلمك...أنت الحين متوظف ايش ناقصك"

ماجد"يمه أنا الحين ما أفكر بالزواج..والا تبين الفكه مني هههههههههههههههه"

أم ماجد"يا وليدي ودي أشوف عيالك"

ماجد"إن شاء الله راح تشوفينهم يا الغاليه ..وتكفين لا تفتحين الموضوع..متى ما حبيت أتزوج..جيتك وقلت لك إخطبي لي"

أم ماجد" ومتى يجي اليوم هذا؟!"

ماجد وقد صعد أول السلم"قريب إن شاء الله" توارى طيفه ووالدته تلاحقه بعينها وكلها حزن.

"بووووووووووووووو"

أم ماجد إرتاعت "وجع هند خوفتيني"

هند"هههههههههههههه يا حبي لك يا يمه خوافه"

أم ماجد"أقول هند والله ما تركتي عنك سوالفك إني لأعلم عليك أبوك

هند"هههههههههه يمه والله إني أمزح معاك"

أم ماجد"بغيتي يجيبين لي جلطه وتقولين أمزح..وبعدين شروق البارح تقول إنك كنت لابسه وجه مرعب وطلعتي عليها من

الدولاب وهي تبي تنام

والبنت من الخوف ما نامت إلا الصبح"


هند"هذي يمه بنتك خوافه والا فيه أحد يخاف من وجه دراكولا"

أم ماجد"منهو هذا بعد؟!"

هند"أبد سلامتك هذا واحد من عيال حارتنا"

أم ماجد وقد إنزعجت" وشروق من متى تعرف أحد من عيال الحاره."

أم ماجد"شروووقوووه...تعاااالي"

هند بقلبها" يوووه أبي أكحلها أعميتها خلينا ننسحب أحسن"

إنسحبت هند الى غرفتها بخفه قبل أن ينقلب السحر على الساحر.

شروق"هلا يمه"

أم ماجد"أنتي تعرفين أحد من عيال حارتنا"

شروق"لا أبد...قسم بالله ما قد وصلت عتبت الباب"

أم ماجد علمت حينها أنه أحد مقالب هند..التفتت تبحث عنها فلم تجدها.

الأم"يصير خير يا هند تحسبين إني راح أطوفها لك" إنتشل صوت ماجد الام من سرحانها

ماجد"يمه وين الغدا" نظرت اليه أمه وقد بدل ملابسه الى بيجامه قطنيه وسرح شعره الاسود الكثيف الى الخلف.

أم ماجد"الحين أجهزه" ثم قالت...حسبي الله عليك يا هند..ثم اتجهت مسرعه الى المطبخ.

ماجد"شروق فيه شي صاير؟!"

شروق وهي لا تعلم ما يدور حولها"لا أبد ما فيه شي"

عندها نزل أبو ماجد الى الدور الأرضي"السلام عليكم"

ماجد وشروق"وعليكم السلام ..هلا يبه"

أبو ماجد "هاه جهز الغداء؟"

ماجد"الحين أمي تجهزه"

أبو ماجد"هند وخالد وينهم؟!"

شروق"هند بغرفتها تقول ما تبي غدا لأنها أفطرت متأخر..وخالد نايم بغرفته الى الآن ومو راضي يصحى"

أبو ماجد قطب جبينه" خالد!!هذا إيش سالفته؟!سهر بالليل ونوم بالنهار!!"

ماجد بقلق"ولا يهمك يبه أنا أجلس معه الليله وأشوف ايش سالفته"

قطع حديثهما صوت أم ماجد آتيا من غرفة الأكل...."ياالله الغداء جاااهز"

************************************************** ****
(في بيت أبو سلمان)


نزلت (ندى) من السياره وهي تلتفت حولها وقد بهرها فخامة الفيلا وروعة الحديقه..حيث جذبتها المسطحات الخضراء

يتخللها شجيرات صغيره منسقه وجلسات موزعه حول الحديقه كما إسترعى إنتباهها نافوره رائعة الجمال..فقد كان هذا

المكان بالنسبه لهند كالحلم.

أتاهم صوت متهلل قادم من جهة الفيلا "يااااا هلا والله ياالله إنك تحييهم"

أقبل عليهم عمها بخطوات سريعه وقد إرتسمت على وجهه الودود إبتسامه رائعه.سلم على أبويه ثم إلتفت الى ندى

قائلا"هلا وغلا والله تو نور البيت"

ندى بخجل"الله يسلمك يا عمي"

أبو سلمان"شيلي الغطا يا بنتي..سلمان بالمستشفى ومحمد طالع"

الجد بضيق" ومحمد ما يدري إننا نبي نجي"

أبو سلمان"والله يا الوالد إني من الصبح أدق على جواله وهو مقفل"

الجد"هو للحين ما لقى وظيفه؟"

أبو سلمان"هو لو يدور على وظيفه كان لقى من زمان ..وعنده شركة عمه حاولت أقنعه فيها وهو ما هو راضي

يقتنع..الظاهر معجبته جلسة البيت"

الجد"الله يهديه"

أبو سليمان"يالله ندخل..أهلي ينتظرون داخل كلهم مجتمعين متشوقين لندى ."ثم أعطى ندى نظره حانيه.

إبتسمت ندى بخجل ثم صعدت الدرجات المؤديه الى الفيلا وقلبها يتنافض من الخوف.

إستقبلتهم أم سلمان بترحيب حار طمأن قلب ندى الخائف" ياااااا هلا والله يا الله إنك تحييهم..هذي الساعه المباركه"

سلمت على عميها ثم إلتفتت أم سلمان الى (ندى) وقد بهرها جمالها الأخاذ والخالي من الماكياج"ماشاء الله تبارك الله...الله

يحرصك يا بنتي"

بعد السلام وقع نظر (ندى) على فتاه آيه في الجمال وكانت بدورها تتأملها بشئ من العجب.

أم سلمان"نوف..هذي بنت عمك ندى"

تقدمت اليها نوف ببطء ووجهها صامت لا يوحي بشئ.

نوف"هلا ندى..الله يحييك"

ردت ندى بتردد"هلا والله كيفك نوف"

نظرت نوف بترفع"إنتي إيش شايفه؟!" ..تقدمت رحاب بخجل وسلمت على بنت عمها ندى وقد كانت أفضل إستقبال من

إختها.إنصدمت ندى من ردت فعل بنت عمها فإلتزمت الصمت.

جلست النساء في الصاله بينما إتجه الرجال الى المجلس..وبعد السؤال عن الأحوال وتبادل الأحاديث العامه..في حين كانت

تدار فيه القهوه والشاي والحلى. وقد كانت أم سلمان مضيافه رائعه..في حين كانت نوف تراقب ندى وقد أعجبها جمالها

الأخاذ ورغم بساطة لباسها إلا أنه ذوق..في ذلك

الوقت كانت ندى متعجبه من لباس بنت عمها (نوف) حيث إرتدت تنوره زيتي تصل الى نصف الساق وبلوزه بدون أكمام

أورنج..وكعب عالي بنفس اللون.

قطع تأملاتها صوت عمتها أم سلمان"ندى إنتي بتسجلين في أي قسم بالكليه؟"

ندى"إن شاء الله لغه إنجليزيه"

أم سلمان"ماشاء الله"

الجده بفخر" إيه ندى بنتي جايبه نسبه كبيره بالمدرسه"

أم سليمان"يا ليت نوف مثلك..مجموعها يالله يدخلها جغرافيا"

نوف أزعجتها كلمات أمها"المهم إني أدخل الكليه..أهم شي الشهاده مو التخصص..وبعدين يا ندى ترى الكليه الإنجليزي

مكثف مو مثل عندكم بالقرى ثلاث أرباع المنهج محذوف"

إنصدمت ندى من تهجم نوف عليها وندمت على موافقتها لجدها بالسكن عند عمها...كيف ستتحمل أربع سنوات مع فتاه

أوضحت كرهها من أول لقاء؟!.

إنحرجت أم سلمان من أسلوب بنتها العدواني "أكيد إنكم جوعانين..يالله يا نوف قدامي على المطبخ"

نوف بملل"يمه والشغالات؟!"

أم سلمان"ما أبي مناقشه"

وفي المطبخ كانت الأم تؤنب إبنتها على الأسلوب الغير حضاري والذي قابلت به بنت عمها.

أم سلمان"إنتي إيش قلتي لبنت عمك فضحتينا؟!"

نوف"أنا ما أقصد أحرجها..لكن أنتي أسلوبك لي جاف..من أول يوم لها عندنا وإنتي سب فيني"

الأم"إنتبهي يا نويف بنت عمك بتجلس عندنا والله لو ضايقتيها ليذبحك أبوك"

نوف"خلاص يمه..عشان الست نوف بسكت..لكن شوفي دوري لها غرفه بسرعه..أنا ما أحب أحد ينام معي"

"سلااااااااااااااااااااااااام"

التفتت أم سليمان ونوف الى جهة الصوت لتجدا محمد مستند على الباب بإسترخاء وفي يده تفاحه وقد إرتسمت الامبالاه

على وجهه.

أم سليمان"هلا يمه وينك من الصبح..ندق على جوالك ومقفل..أقلقتنا"

نوف"ما فيه جديد هذي عوايده"

محمد"أقول نويف إنقلعي عن وجهي تراني ماني فاضي لك اليوم"

نوف"أوكي بأبعد عن وجهك..ما أحد يبيني بهالبيت" وتترك المطبخ متجهه الى الصاله.

أم سلمان" محمد وشفيك على إختك"

محمد"يمه بنتك هذي تضيق الصدر..المهم وين الغدا تراني ميت جوووع"

أم سلمان"دقايق ويكون جاهز..الا سلمان ما جا؟"

محمد"نعم وصل وهو في المجلس" وبعد برهه أكمل محمد"يمه بروح أسلم على جدتي بالصاله"

أم سلمان"لحظه ندى بالصاله..إصبر شوي"

محمد بتعجب"وإذا..ماني ولد عمها؟!ماني ما كلها بسلم عليها من بعيد"

أم سلمان" ما قلت شي لكن تنحنح قبل تدخل"

محمد"إن شاء الله"

كانت الجده تحدث نوف عن المزرعه بالديره وعن مواقفها مع جيرانها وندى تستمع الى ذلك بإبتسامه بسيطه.

دخل محمد الصاله وقد نسي وصية والدته فوقعت عيناه على أجمل مخلوقه رآها في حياته.إرتبكت ندى ولبست الغطاء.

أما محمد فقد نسي الزمان والمكان والهدف من دخوله الصاله...أعاد صوابه صوت جدته."هلا والله بمحمد"

تقدم محمد وقبل جدته على رأسها"هلا فيك يا الغاليه" ثم التفت الى ندى مطأطأ الرأس "كيفك ندى؟"

بلعت ندى ريقها مرتين قبل أن تجيب "الحمد لله"

ثم عاد محمد قافلا الى المطبخ وقد ترك قلبه هنالك في الصاله.

حين أتى المساء إتجهت ندى مع إبنة عمها نوف الى غرفة نوف. وحين دخلتها ندى بهرتها بجمال ديكورها وألوانها

والأثاث الذي يغلب عليه اللون الوردي..وقد كان هنالك حمام ملحق بالغرفه.

ندى"غرفتك روعه يا نوف"

إزداد غرور نوف"طبعا هذا ذوقي الخاص"

ندى"واو وعندك كمبيوتر بعد"

نوف بفخر"نعم..وإشتراك إنترنت.لكن هذا الكمبيوتر شخصي"

ندى"عفوا ما كنت أقصد"

التفتت حولها ثم سألت" أنا وين أنام؟"

نوف"على الكنبه هذي..أنا بصراحه ما أحب أحد يشاركني سريري"

ندى"أوكي مو مشكله.."

نوف بشئ من الحقد"أهااا..أنا نسيت إنك متعوده على النوم على الأرض"

ندى وقد صدمها إستقبال نوف ونفورها الغير معقول...رفعت رأسها بكبرياء وقالت"لا يا بنت عمي أنا كانت عندي غرفه

مثلك صحيح إنها قديمه لكنها تعجبني..ولو كنتي ضيفتي جلستك بأفضل مكان فيها"

نوف شعرت أن بنت عمها إنزعجت من تعليقها..غيرت مجرى الحديث"إنتي عندك فستان لزواج ساره بكره"

ندى"نعم إشتريته من المشغل القريب من بيتنا بالديره"

لم تعر نوف إهتماما بالموضوع ولم تعلق إستأذنت ندى لكي تبدل ملابسلها في الحمام..وحين خرجت بعد أن لبست إحدى

بجاماتها الغالية الثمن,وجدت أن ندى قد سبقتها بتبديل لباسها وتمددت على الكنبه.

إتجهت نوف الى سريرها..ثم أطفأت الضوء وقالت "تصبحين على خير" وحلمت بالزواج غدا

ردت عليها ندى"وإنتي من أهله"ثم وضعت يديها تحت خدها وهي تتأمل الظلام...اليوم كان مليئ بالمفاجآت وأكيد سيكون

الغد أكثر مفاجآت.

نهاااااااااااااااايت البااارت

ماذا سيحدث في زواج ساره؟
ماهي المفاجئه التي لم تضع لها ساره أي حساب؟
سلمان واللقاء المحتوووم مع ندى؟
نوره ما الذي كان يشغل فكرها؟
تركي هل كان فتى أحلام ساره؟!
نوف كانت تلك الليله مميزه بالنسبه لها؟

[وشلون مغليك]

يعطيج العافيه

مميزه ومبدعه في البارت الاول والثاني طرح رائع وجميل لايسعني الا أن اقول سعدت بمتصفحكي الرائع تقبلي مرور يتحياتي لكي

[صقيع الشتاء]

عميقة الحِس اسلوب سلس محبب
لاتشعرنا بالملل
كالعادة كعبُك عالي جدا
وروحك كانت تتنفس بين الحروف
فمن يجاريك؟

دام نبضك عطرا يثرينا
خارج القوس/:
((منغمس حد التعايش))

[رواية]

اقتباس من مشاركة الفريدسي2 يعطيج العافيه مميزه ومبدعه في البارت الاول والثاني طرح رائع وجميل لايسعني الا أن اقول سعدت بمتصفحكي الرائع تقبلي مرور يتحياتي لكي

أخي الفريدسي
سعدت كثيرا بتواجدك
ان شاء الله الاجزاء الاخرى ستكون أكثر تميزا وأحداث

[رواية]

اقتباس من مشاركة صقيع الشتاء عميقة الحِس اسلوب سلس محبب لاتشعرنا بالملل كالعادة كعبُك عالي جدا وروحك كانت تتنفس بين الحروف فمن يجاريك؟ دام نبضك عطرا يثرينا خارج القوس/: ((منغمس حد التعايش))

أخي صقيع
سعدت كثيرا بمتابعتك
أردت في هذا البارت أن تتعرفوا على الشخصيات من قرب
لذا لم أفرض عليكم أحداث كبيره
فأنا أريد لروايتي أن تسير بسلاسه لا أن أزج القارئ بالمشاكل
ستكون الأجزاء الأخرى مليئه بالاحداث
أشياء كثيرا بعقلي سوف توضحها حروفي والقلم
دمت بخير

[ادري طيبتي غلطه]

بارت رااااااااااااااااااااااااائع طيوووفه


اعجبتني فيه طريقتك في عرض الشخصيات


وانتظر البارت القادم بكل حماس استعجلي علينا بوه >> متحمسه

[دنياك أنا]

.
.

طيف المشاعر


المميزه حرفآآ ونبضاا

الراقيه بكل ماهو رائع

رواييه جميله ..

بنتظاارك يالغلااااا

..