[برق الوسم]

اقتباس من مشاركة زلزال الرعود اثرك علم توميبه ارياح الصبا فوق العمود=وأليا ارتخى حبل الوصل مع الاحبه تقطعه الذيب يتستغفل ولايستغفل اوجيه الاسود= اما الثعالب كل شيء ٍغير جايز تجمعه

[ناصر خنيفر]

الله الله عاشو وعاش المجاهد الاكبر زلزال الرعود

[جحدر]

يامنتظر لو تنتظر لازم يبيحن السدود=ماهو صحيح إنك تبا تبقى مع الناس إمٌعه

انته فعلت الفعلة اللي ترفع الراس وتزود=وأنا لعينك قمت تقدير ورفعت القبعة

[زلزال الرعود]

اقتباس من مشاركة جحدر يامنتظر لو تنتظر لازم يبيحن السدود=ماهو صحيح إنك تبا تبقى مع الناس إمٌعه انته فعلت الفعلة اللي ترفع الراس وتزود=وأنا لعينك قمت تقدير ورفعت القبعة

ماهو صحيح ان الزلازل مايصحن الرقود= لكان لاتخطف جناح الكبتر ألا مقلعه
المسلم اللي مايوالي للنصارى واليهود=لو عاش ضيق اخير من كفر ٍ يعيشه في سعه

[زلزال الرعود]

اقتباس من مشاركة ناصر خنيفر الله الله عاشو وعاش المجاهد الاكبر زلزال الرعود

حياك الله يالعمدة
وش معنى المجاهد الاكبر
هداك الله حتى الهرج تحط فيه معاني

[جحدر]

كنت أحسب إنك تكشف الأجسام من تحت اللحود=وانته تعديت الزبيدية وهيٌ مصلعة

هالحين دقق في حساباتك لعلك بالوجود=لاتعتذر وتقول عادية وغلطة مطبعة

[سرحان]

السلام عليكم ورحمة الله وبركاته

عاشو عاشو طاروق ناري
واصلو الله لايهينكم

[زلزال الرعود]

اقتباس من مشاركة جحدر كنت أحسب إنك تكشف الأجسام من تحت اللحود=وانته تعديت الزبيدية وهيٌ مصلعة هالحين دقق في حساباتك لعلك بالوجود=لاتعتذر وتقول عادية وغلطة مطبعة

شفت الزبيدي مير ازله .لأنه بحثل الحسود= خله لبو منقار ٍ اقصر من زقيم القوبعه
اشعيل ماهمه رغاء الفاطر ومكباع القعود=فتش قوافيك الآخيره من ثلاثه لـــربعه