[ناصر خنيفر]

طيب طيب

العيون تشوف واذني مافيها صقه= وحبلنا مع ربعنا والولي دايم جويد
وانطح الرجال بالوجه دايم مادرقه= وما انا راع المهيل وعن فنجالي تحيد

[فيصل الرشيدي]

العيون تشوف واذني مافيهـا صقـه====وحبلنا مع ربعنا والولي دايم جويـد
وانطح الرجال بالوجه دايـم مادرقـه====وما انا راع المهيل وعن فنجالي تحيد


الله الله يالعمده عاشوا عاشوا

[ناصر خنيفر]

بيض الله وجهك يافيصل على المتابعه وبيض الله وجه ابو خالد اسهرناه وهو عليه دوام ولكن تصبحون على خير ياوجيه الخير والجايات اخير من ارايحات

[فيصل الرشيدي]

وجهك ابيض

ولاهنت ويعطيك العافية


ونوم العوافي وتلقى خير يا رب

[أنكسارحلم]

اقتباس من مشاركة ناصر خنيفر طيب طيب العيون تشوف واذني مافيها صقه= وحبلنا مع ربعنا والولي دايم جويد وانطح الرجال بالوجه دايم مادرقه= وما انا راع المهيل وعن فنجالي تحيد

اسمع.....اسمع

علم اللي محزمه فيه مليان فشقه=لايحسبنه لامنه ملا المحزم يصيد
وشرب الفنجال والمر في وسطه ذقه=يالعلك بعد شربه تفيد وتستفيد

[ناصر خنيفر]

طيب طيب

علم يرضينا وعلمك ياناصر نفهقه = والله اني رجل اعاند ليا شفت العنيد
صاحبي ناصر تجهد ولا الله وفقه = صارسيفه من خشب وهو بالماضي حديد

[فيصل الرشيدي]

صاحبي ناصـر تجهـد ولا الله وفقـه====صارسيفه من خشب وهو بالماضي حديد

عاش عاش العمده

ما عرفنا لكم بترقدون والا تواصلون هههههههههههه

[ناصر خنيفر]

يابا خالد بيض الله وجهك والطاروق انتها وتصبح على خير