[عايض بن صالح]

اقتباس من مشاركة عيد بن عبيد ( سلايل عبس ) اهداء من الشاعر غالب ابو كتيفه الي قبيلة بني رشيد خص بها " ساحة الشعر الاخبارية " وقد كان لنا شرف نشرها مرحبين بكل من يحملون مشاعر الوفاء لاخواننا واخوانهم من جميع القبائل العربية . الدعوة اللي من سلايل عبس ما عنها صدود=ربع ٍ على طيب السلوم تزورنا ونزورها بني رشيد اهل الفعول الغرّ من عهد الجدود=تستاهل السبعين نعم غيابها وحضورها ما يعتقب ليل ونهار وما يهز الغصن نود=سلام يا شقر الحرار اللي هناك وكورها سلام ياللي ضيفكم يقلط على شطّ القعود=ياهل الكرم والجود في يسر السنين وجورها ياهل القصور اللي بها كيف ٍ يدار وطيب عود=وياهل دلال ٍ ما تبات ولا تبات نجورها رجالكم ما له حدود وطيبكم ماله حدود=قبيلة ٍ تاريخها يذكر و يذكر دورها خويكم يرقى سنود وجاركم يرقى سنود=اجواد و الاجواد دايم ما تضيق صدورها انتم حزام اللي من الايام مونس له لهود=لا نوّخت به سابقه فوق الصفاه بزورها وانتم مطانيخ الرجال اللي مواقفكم تكود=وانتم مصابيح الظروف ليا احتكم ديجورها وانا من عتيبه حماة البل ليا ذلّ الشرود=يوم السباع من الجثث تاكل وتترك سورها نفخر بطيب فعولنا والعود في عين الحسود=فعل ٍ مثل شمس النهار ليا تجلّى نورها فعولنا يوم الفتيل يشب من قدح الزنود=نقلط على دهم الجموع بما يفج نحورها حنا عتيبه في نواصي خيلنا النصر معقود=ليا تنادوا يا النشاما شلفكم و ظهورها نمشي بنمراً نوّها يمطر وعارضها يقود=نمراً يصيب الضلع هزّه من وحم طابورها هذي حقايق و الحقايق ما يغيرها جحود=صيّورها تبقى على مرّ الدهر صيّورها يا عيد سلم لي على ربعك عساهم فالوجود=والله يديم افراحها والله يديم سرورها بني رشيد اهل الفعول الغرّ من عهد الجدود=تستاهل السبعين نعم غيابها وحضورها الشاعر غالب ابو كتيفه " ساحة الشعر الاخبارية خاص " المصدر صحيفة ساحة الشعر الاخبارية http://www.y-poetry.com/articles.php?action=show&id=82

صح الله السانك ياغالب ابو كتيفه على هذه الجزله

وبيض الله وجهك يابو مشاعل جهودك رائعه يالذيب

انتضر مني الرد على غالب ابو كتيفه

تحياتي الك يابو مشاعل

[هامة العز]

صح لسان الشاعر بيض الله وجهه
مشكور ياعيد على النقل

[ناصر خنيفر]

نشكر شاعر عتيبه ونشكر ناقل القصيده

[ابوصالح لرشيدي]

صح لسان ابو كتيفه وماعليهم زود ربعه عتيبه

ولاهنت يابومشاعل على النقل وعلومك كلها طيب...

[قسورة الغاب]

ارجو من المشرفين تعديل البيت رقم 16

(علي العموود) ان جيتنا بنية وفاء حصلت فوود

والصحيح ( علي العمووم )

ولاهنتم