[صويلح الصالح]

لا حول ولا قوة إلا بالله
وجزاك الله كل خير

[رشيديه و أفتخر*]

لا حول ولا قوة الا بالله

جزاكم الله خير .

[ولـد الـقـصـيـم]

جزاك الله خير يا ابو عيسى بس انا منزل موضوع من قبل وانت شايفه عن نفس الفكره وبالاخير موضوعك تعطونه بنر وموضوعي تزلبونه ؟


عشانك من الاداره وانا مجرد عضو عادي ؟


هذا رابط موضوعي http://www.bani-3abs.net/aa/showthread.php?t=109944&page=2

[ابومالك]

لا حول ولا قوة إلا بالله
وجزاك الله كل خير

[بن هادي الرشيدي]

جزاكم الله خير وصلتني رساله من أحد الإخوه الذين نتوسم فيه الخير ولا نزكي على الله أحد.

وهي كالتالي(( الوجبه للشخص بالصومال 16هلله فقط الندوه العالميه الراجحي
؟؟؟؟؟؟؟؟؟؟؟؟؟؟؟؟؟؟؟؟؟؟؟

تقبل الله منا ومنكم ارسلها لغيرك تنعم بأجر من تصدق بسببها))

[أبو عيسى]

اقتباس من مشاركة بن هادي الرشيدي جزاكم الله خير وصلتني رساله من أحد الإخوه الذين نتوسم فيه الخير ولا نزكي على الله أحد.

اقتباس من مشاركة بن هادي الرشيدي وهي كالتالي(( الوجبه للشخص بالصومال 16هلله فقط الندوه العالميه الراجحي ؟؟؟؟؟؟؟؟؟؟؟؟؟؟؟؟؟؟؟؟؟؟؟ تقبل الله منا ومنكم ارسلها لغيرك تنعم بأجر من تصدق بسببها))

أخي بن هادي الرقم الذي أشرت إليه سبق وإن تم إعلانه في جريدة عكاظ وتم تداوله عبر الرسائل النصيه وبعد يوم من إعلانه تم التنويه عنه بنفس الجريده إن هذا الرقم لايخص الندوه العالميه وبناءً على ذلك نحن لانسمح بتداول أي رقم مهما كان مصدره إلا أن يكون مصرح من الجهات المختصه ومعلن بوسائل الإعلام الرسميه وذلك نظراً لكثرة النصب والاحتيال واستعطاف الناس بمثل هذه الظروف.. من أراد ان يتبرع عليه التوجه لمكاتب هيئة الأغاثه الإسلاميه أو مكاتب الندوه العالميه كما ذكرنا في الموضوع وأفضل التبرعات الأشياء العينيه كالملابس والتمر والرز وحليب الاطفال ... أما أرقام الحسابات ممنوع تداولها منعاً صريحاً ... هذا ماتم إيضاحه وبالله التوفيق

[أبو عيسى]

أخي بندر الصامل تم نسخ موضوعك للفائده جزاك الله خير الجزاء

كل عام وانتم بخير ومبروك عليكم الشهر والله يجعلنا من صوامه وقوامه


ادري دخلتوا الموضوع تحسبونه فزعه لامر خاص بالقبيله ، بس الشي الي انا اطرحه بموضوعي هذا اكبر بكثير من الامور القبليه او الوطنيه او غيرها ، هذا امر خاص في ديننا وبأنسانيتنا ،

ديننا الاسلامي الي حثنا على تكاتف المسلمين ومساعدتهم لبعضهم البعض ،



قال الرسول صلى الله عليه وسلم (( مثل المؤمنين في توادهم وتراحمهم وتعاطفهم مثل الجسد الواحد إذا اشتكي منه عضو تداعي له سائر الجسد بالسهر والحمى )) رواه البخاري ومسلم


وعن جابر بن عبد الله رضي الله عنهما عن النَّبيّ صلى الله عليه وسلم أنه قال: (إن من موجبات المغفرة إدخالك السرور على أخيك المسلم: إشباع جوعته وتنفيس كربته).


وعن أبي سعيد الخدري رضي الله عنه أن النَّبيّ صلى الله عليه وسلم قال: (إيمّا مسلم كسا مسلماً ثوباً على عري كساه الله من خضر الجنة، وأيما مسلم أطعم مسلماً على جوع أطعمه الله من ثمار الجنة، وأيما مسلم سقى مسلماً على ظمأ سقاه الله من الرحيق المختوم) أي خمر الجنة.



الكل يدري بالوضع المؤلم والمأساوي الي يعيشه اخواننا المسلمين بالصومال ،من فقر لايصدق واعداد الوفيات بعشرات الاف واكثر ، تخيلوا وفيات بسبب الجوع ، وحنا هنا بالسعوديه وباقي دول الخليج ، نختار افضل الاكل وندفع بالوجبه الوحده اسعار خياليه ، واذا جانا الضيف ذبينا له خير الحيل وماهمتنا الاسعار عشان الواحد يبيض وجهه عند ربعه وعند ضيفه ، وهذي مانقول فيها شي ، بس الحين نبي الدعم الحين ، لاخواننا المسلمين بالصومال ، الي الواحد مايقدر يحصل لقمه ياكلها ويسد جوعه فيها ، اقسم بالله شفت صور تخلي العاقل مهبول ، صور تخلي الواحد يبكي غصب ، للوضع الي يعيشونه اخواننا بالصومال


تكفوووون ياعيال عمي وتكفون ياعيال القبايل والعوايل ، تكفون يالبدو ، وتكفون الحضر في السعوديه والكويت وقطر وكل الدول الخليحيه والعربيه والاسلاميه وكل صاحب ضمير حي


صوره وحده بس للمجاعه ، واخترت الصوره الي تبين حجم المجاعه بس ماتبين الكارثه الحقيقيه لاني اخترت اخف صوره عشان مشاعركم





شفتوا حجم المأساه الي يعيشونها اهل الصومال ؟


طريقة التبرع لاهل السعوديه

الذهاب شخصيا الى مقر الندوه العالميه للشباب الاسلامي والمتواجده في كل مناطق المملكه (( يعني مافيه عذر لاحد )) كل واحد يروح ويتبرع بالي يقدر عليه . وتذكروا انكم بتنقذون اطفال وشياب وعجايز وشباب وشابات من الموت بسبب الجوع ، لاتتأخرون تبرعوا وانقذوا الارواح الي تنتظركم .


طريقة التبرع لاهل الكويت

سهله جدا ، بالدخول الى موقع العون المباشر عبر هذا الرابط http://direct-aid.org/ والتبرع بكل سهوله عن طريق الانترنت .



تذكروا ان كل لحظه تتأخر فيها ، تموت فيها ارواح ، كانت تنتظر مساعدتكم لسد جوعهم فقط ، لاتتعذر بالمبلغ ، اي مبلغ تقدر تتبرع فيه ، تبرع فيه ، تبرعنا من قبل لدعم شعراء وخرابيط مالها سنع ، الحين لازم نتبرع لدعم ناس عشان يعيشون فقط ( ياكبر الفرق بين الثنتين )


ولمشاهدة الصور الحقيقيه والفيديوهات للمأساه بشكلها الحقيقي ، الرجاء متابعة قناة بداية وقناة الصحراء وقناة صفا


اتمنى من الاداره الكريمه وضع بنر كبير عشان يكتب لنا الله الاجر جميعا ونقدر نجمع اكبر دعم ممكن

لاتنسون الصومال
لاتنسون الصومال
لاتنسون الصومال
لاتنسون الصومال
لاتنسون الصومال



وسامحوني على عدم التنسيق بالموضوع بس والله هذا الي بالقلب من بعد ماشفت المناظر المحزنه والمأساويه ، الله يفك كربتهم ويعينهم




اخوكم : بندر بن صامل الرشيدي ( ولد القصيم )

[الصقر الشرقي]

ان لله وانا اليه راجعون
الله يكون في عونهم ويرزقهم
اللهم لك الحمد والشكر على مانحن فيه من نعمة وامن واستقرار
لكن هل هناك حساب معتمد لمجاعة الصومال