[كحيلة]

سكـــره..
صح بدنك يالغلا..وشاكرة لك مرورك الي بطعم السكر..
لاخلا ولاعدم يابعدي..

[صياف]

اقتباس من مشاركة كحيلة تدري متى نِعاوِدَ الكَــرَّه احباب؟؟ ونرجع سِواتَ الي يقول خبري خبرك؟؟ لامن شِكَى لك ضيفنا صَكِّة الباب,, والا ظهر فوق الثَّرى شيــبِ جَـــدَّك..

نعم هناك اخطاء في الوزن لكن المصطلج اللغوي جمال هذا القصيدة

عندما نجد الوزن يختلف بعض الشي بسبب كلمة لها مكانة نجد العذر

البيت الاخير عن ميت بيت وهذا وصف الشموخ استطاع او استطاعة الشاعرة تمكينه في ذهن المتلقى

ديما عندما نجد في القصيدة مايوحي الى عزة نفس قايلها نمدحها ونشيد فيها حتى وان كان هناك اخطاء بالوزن

[صياف]

بس وش السالفة ؟ وجدت رد من الشاعر منيف وش السالفة

[سعيد عيد الرشيدي]

اقتباس من مشاركة كحيلة السلام عليكم.. مسااااالخير ان كنتم في حضن المسااا..وصباحكم خير ان شعشع نور شمسكم وحل الدفااا.. حبيت أشارك معكم بأبيات خاااصة.. جعلها تجوووز لكم وتحوووز على رضاكم.. من عِذرها لاقالت الناس كذاب،،، نعم كِذَبت..وحشمتي لساس جدك.. ماعَــرَّت انساب العرب لابس اثياب,,, وماسَــنِّ حَــدَّ لِسنهم كود قَدرك.. دِقَّ النِّـجِر ياسَـيِّد اهلي والاصحاب,, وترك صهيله حادي لصوت رعدك.. قِضَّ الجدايل شعري اليوم لَعَّـــــــاب,, ودي بلعب(ن)ينفض اسموم غدرك.. وخَلَّ الخِصَل لاخالطت رمش الاهداب,, تمحي خيال(ن) مِحتِضِن عيني بَعدَك.. طَنخَه براس الشوق جِبتَه بِمِخلاب,, حِقدِك وصَدِّك وابشــع اسهوم رَدِّك.. هذي النهاية خِذها مِن كَفّي بِحساب,, صَفــــعَه تِمَحلَت خَتمَها وسط خَــدَّك.. ابعِد بِعيــد اتلا المَعاليق مِنصــاب,, يِحرم ملاقى كفوفي بِعناق صَدرك.. تدري متى نِعاوِدَ الكَــرَّه احباب؟؟ ونرجع سِواتَ الي يقول خبري خبرك؟؟ لامن شِكَى لك ضيفنا صَكِّة الباب,, والا ظهر فوق الثَّرى شيــبِ جَـــدَّك.. وسلامتكم..

صح لسانك يالكحيله
قصيده شامخه ويكفي انها من الكحيله
تقبلي مروري وتحياتي





نزل خيام الشوق بنشد الاطناب
اليوم هذا فيه باقول قدرك

لايـازمـن لــوشفتك اليــوم لعـــــآب
والاذن صاحت من شقا سم رعدك

هــون علينا وتـــرك اللــوم وعتــــآب
والسم ينضح يوم انا شوف غدرك

صـدقت فينا كــل شامت وكـــذاب
والنار شبت بين ردي وردك

ناسن تبي فرقاي من غير الاسبـآب
قمت وقاحه والفرح فيه بعدك

اسود مـن الصاجه وقلبه كما غراب
ناسن تدخل بين قربي وقربك

من عقب ماكنتي تعلين الاهضــاب
وجه الفجر لاطل ارسلت ودك

اهدي صباح الخير ياسيد الاحبـآب
وقول ياريم الغلا مين قدك ؟

سبحان من ودى وسبحان من جــآب
هذي النهايه وعرف اليوم قدرك ؟

اما تجي وترد من حولنا البـــآب
ولا ترى باقول خبري وخبـرك

لاشفت شيبن تارسن وجــه الاغــراب
اعرف تراني يومها جيت قربك






صح لسانك اخوي احمد منيف
على هذه المجاراه الرائعه من شاعر رائع
تقبل مروري وتحياتي

[كحيلة]

صيـــــاف..
مرور ولا أورع ..حمل بين كفتيه كل الفائدة من عصارة خبرة في مجال الشعر..
شاكرة لك تقييمك ونقدك البناء للقصيدة..والي بالتأكيد بااخذه بعين الاعتبار..
مرورك يسعدني يالغالي..شااكرة لك اهتمامك..
لاخلا ولاعدم..

[كحيلة]

سعيــد عيــــد الرشيــدي..
كل مشاعر الود والتقدير والاحترام ابعثها لشخصك الكريم على هذا المرور الطيب الذي بالتأكيد أسعد النفــس ..
كل الشكر لك...لاخلا ولاعدم..

[احمد منيف]

ياحياك الله اخوي صــيفاك كل الشكر لك ع الكلام الطيب لكن ...!

انت شاعر كبير وكل شاعر كبير يكون فاهم من غير ايت سؤال وتوقع ان سؤالك من سآلته 90 % ماراح حد يرد عليك سواء مني او من صاحب الموضوع

كل الشكر والتقدير لمرورك الكريم وشهادتك بالقصيدة


كل الشكر لج كحيلة ع الرد القوي وانشالله راح ارد لكن

اعتذر عن التآخير بسبب الضروف :)

[احمد منيف]

مادام شفت السم في لسعت الناب
وعرفت منهو ناوي اليوم غدرك ؟

انفض شليل الشك بالله وش جـــآب
وطير الغلا فكه من احبال وكرك

والحيه اللي من ورانا وتغتــآب
شفها تحت ماطاك تنهــان حدرك

ورقا على متن الوفا والفرح طـآب
وبصبعك بس اشــر وانا اقول امرك

ياسيدي عمر الامل فيك ماخــآب
خذها بلوحت شعر والحين ادرك

لك نايفن بالقلـب للحين ماشــآب
وقبل طعامك لو هي اشواك سدرك

اقرا مراسيلي على صفحة اكتـــآب
مؤمن بحبك والجفا فيــه مشـــرك

خلنا على مزن الهوى نلعب احبــآب
ونعيش في حبك وبضلال شجرك