[تأبط شراً]

ههههههههههههههههههههههههههههههههههههه

[هاوي شعر]

الاخوان يالرقاص كلامه صحيح ماهي شهاده وهم شعراء ولكن ابراهيم طافت عليه وعادي لو يطوف المعنى او اطوف عليه مع شاعر زي الرياحي ماعليه ملام وابراهيم شاعر نفس شعراء القبيله الباقين بس الاسلوب والصوت يختلف واذا فيه اختلف بسيط لايذكر استثناء الشاعر الكبير اطال الله في عمره عيد بن مربح ام الباقين مستواهم نفس مستواء ابراهيم اقل من عادي جميعههم وانا اتكلم عن الشعر فقط ام الباقي ونعم فيهم بس الشعر وخاصه شعراء المحاوره ماعندك احد الواحد يلعب عشرين سنه قبيلته الله وبله تعرفه والشاعر رايح يطلع غصبن على الراضي والزعلان مهما كان الامر طالع الشاعر طالع والي يطلعه ماهو ربعه اللي يطلعه شعره في ناس يقولون الشاعر يطلعونه ربعه ولله لو ربعك تقف معاك وانت ماتنفع ماتنفع الشعر ماهو بالقوه ياخوان الشعر موهبه والشعراء يختلفون فيهم القوي والضعيف نفس الانديه نفس لاعبين الكوره فيهم لمحترف وفي غير ذلك هذه وجه نظر والله اعلم والايام تبين الخافي مهماكان الامر

[بركات]

اقتباس من مشاركة شلاش الرقاص هذه المحــاورة بين الشاعرين الكبيرين الغنيين عن التعريف وهـمـا : الشاعر/ابراهيم عليان الرقاص الرشيدي والشاعر /فيصل الرياحي البقمي ,,,,,,,[/color [color="darkred"]]ابراهيم عليان : الليلة الملعبه فيــــــــــــــها زيادة كلام لكن يالله على ظلـــــــم الليالي تعين *** لو حاكم الغرب يافيصل رضا بالسلام ماشبت النار بالضفة ولا فـــي جنين فيصل الرياحي: الليلة الملعبة فــيها رجــــــــــــال ونظام وإن كنت زعلان مالك غير سمن وسمين *** السالفة سالفة في حــــرب والا سلام لابد يوم(ن) تــــــرفرف راية المسلمين ابراهيم عليان: المــــــــــــــوهبه ماتخفى ياعزيز المقام واللي زعل لازم(ن)ترضيه جرد السنين *** انا ادري انك زعيم القوم شيخ الــــجهام مالي معك غير نقد الكاش ماهـــو بدين فيصل الرياحي: فغير فيصل الطاروق قائلا : ياصحيبي يا ابراهيم يازين الكلام شد حيلك خل بقعاء تولــــع نارها *** المخايل خيلت مير عجل والهمام انت راعي قبة العيد والا جــارها ابراهيم عليان: ياصحيب المجتمع ياولد شيخ الجهام والله إن الروس دايم طوال اشبارها *** والله اني معك لو يذن الفجر الامام مير دور من حسين العلوم اشوارها فيصل الرياحي: الصقور صقور ماترتخي مــــثل الحمام بارك الله في صقور(ن)طوال اشبارها *** لاتحرك من محلك ولبسك الوســـــــام كل لحيه ياعميلي لها مــــــقـــــــدارها ابراهيم عليان: كان ابو وجهين مايدري ان الشام شام حفرة الحساد ياقع بـــــــــــــها حفارها *** الشهادة منك فخري وعـــــزي ياسلام بارك الله في نجوم السماء وشــعارها فيصل الرياحي: لاتلفت خل من نـــــــام في نومه ينام المدينه كيف ضاقت عــــــــلى زوارها *** مالقينا في قبـــــــور البقيع الا العظام وانت مثل الحية اللي تـــهوش بغارها ابراهيم عليان: المدينة وسطها قبر مرحــــــوم العظام مادخل فيها الخواجه ولاقــــــــد زارها ######################### وانتهت المحاورة ويستحق شاعرناالشاعر/ابراهيم عليان الرشيدي هذه الشهادة من شاعر عملاق بمكانه فيصل الرياحي ونتمنى له التوفيق ,,,,

شلاش تلك المحاوره شهاده من الرياحي بإن ابراهيم كما سبق وقال الزلزال و السبع الضاري..


المشكله تعرف لماذا !!!!!!!!!


لإن اصحاب الحفل يتكفلون بإحضار شاعر كبير ومشهور ولكن يإتون بشعراء من جماعتهم وربعهم وهم ليسوا بالمستوى ولا يقال لهم شعراء حتى عند ربعهم
ليسوا شعراء لكي يشتهرون وليتهم واحد او اثنين بل في بعض الإحيان يإصلون
الى العشرين شاعر...متواجدين لكي يلعبوا ويقولوا لعب مع الشاعر فلان!!!!!!!!


والشاعر المقابل يسحب فيهم على راحته ولا يفهمون ولا يدرون ماذا قال لهم..



على سبيل المثال في احد الحفلات مع الرياحي

شاعر من هؤلاء يقول في احد بيوته



يالرياحي لا تشبهني في الحيوان اللي ياكل في الضلع



البيت في الطريقه هذه ولكن لست حافظه كامل وفي نظر اصحابه بإنه شاعر علم !!!!!!!!


وكذلك في احد الحفلات شاعر اخر لما طفشوه المستشعرين من كثرهم


طلع في موال وقال..وهو راشد السحيمي



ياااااا الطيور الطايره بلغي سلامي على ثنيان***يااا بني عبس ابي شاعر يليق بمقامي




وشكرأأأأأ

[شلاش الرقاص]

لــلاهــمــيـــه

بيت الرياحي لابراهيم عليان شهااااااااااادة صريحة بمعنى الكلمة
وانا بعد هذا الجدال تاكدته من الشاعر نفسة ومن فيصل الرياحي نفسه ومن دحيم الخياري نفسةالذي حضر هذه الحفلة وكلهم قالو هذا البيت يعتبر شهادة ويكفي كلام الرياحي نفسة بعد ماذكرته بالبيت طلب مني المحاورة كاملة فاخبرته بها كاملة وقال شهادة صريحة .


واللي عنده كلام ياشباب يوفره لنفسه
والسلام

وتقبلوني بصدر رحب

[JljJjJl]

مالقينا في قبـــــــور البقيع الا العظام=وانت مثل الحية اللي تـــهوش بغارها

مارأيك أن تتصل على الرياحي ودحيم وتسألهم هل هذا البيت شهادة من الرياحي لنجم أبان أم لا؟؟

[المحيــــط]

ابراهيم عليان

ياصحيب المجتمع ياولد شيخ الجهام
والله إن الروس دايم طوال اشبارها

فيصل
الصقور صقور ماترتخي مــــثل الحمام
بارك الله في صقور(ن)طوال اشبارها ... سرت يالرياحي

......................................

ابراهيم

والله اني معك لو يذن الفجر الامام
مير دور من حسين العلوم اشوارها

فيصل

لاتحرك من محلك ولبسك الوســـــــام
كل لحيه ياعميلي لها مــــــقـــــــدارها

اما بالبيوت هذي مثل لما قال شلاش فعلن واضحه لان ابراهيم قال انا وياك لين صلاه الفجر

ورد عليه الرياحي وقاله استريح في محلك وعطيك الوسام بس خلنا نلعب مع الشعراء الاخرين وكل لحيه لها مقدارها

هذا راي وتقبلو مروري

[شلاش الرقاص]

اقتباس من مشاركة المحيــــط ابراهيم عليان ياصحيب المجتمع ياولد شيخ الجهام والله إن الروس دايم طوال اشبارها فيصل الصقور صقور ماترتخي مــــثل الحمام بارك الله في صقور(ن)طوال اشبارها ... سرت يالرياحي ...................................... ابراهيم والله اني معك لو يذن الفجر الامام مير دور من حسين العلوم اشوارها فيصل لاتحرك من محلك ولبسك الوســـــــام كل لحيه ياعميلي لها مــــــقـــــــدارها اما بالبيوت هذي مثل لما قال شلاش فعلن واضحه لان ابراهيم قال انا وياك لين صلاه الفجر ورد عليه الرياحي وقاله استريح في محلك وعطيك الوسام بس خلنا نلعب مع الشعراء الاخرين وكل لحيه لها مقدارها هذا راي وتقبلو مروري

والله اني معك لو يذن الفجر الامام
مير دور من حسين العلوم اشوارها


هذا البيت خدع فيه ابراهيم الرياحي عندما ساله في البداية قبل هذا البيت بقوله :
المخايل خيلت مير عجل والهمام
انت راعي قبه العيد والا جارها

يعني الصفوف صفت وازدحمت بتلك الحفله لابراهيم
هل انت رشيدي من اهل الحفل او من جيرانهم

لان ابراهيم بدى مع الرياحي بدون ترحيب ولاسلام فاحتار الرياحي هل هو رشيدي او لا فقال له ابراهيم
والله اني معك لو يذن الفجر الامام
مير دور من حسين العلوم اشوارها


يعني حط رجلك وعطنا علومك يالرياحي و لم يجيبه على سواله


وبعد شهادة الرياحي له قال ابراهيم:

كان ابو وجهين مايدري ان الشام شام
حفرة الحساد ياقع بها حــــــــــــفارها

يعني انني رشيدي فانتبه قبل قوووووول اي شي

وتفسيرك لها بهذه الطريقه خطا


وتقبل توضيحي بصدر رحب
ياااااالــــــــــــــــــمـــــــــحيط
ومشكوووووووور على المشاركة

[شلاش الرقاص]

وترقبو

محاورة الشاعرين :
ابراهيم عليان الرشيدي
وتركي2000

وانواع التسحيب بتركي