[هدير الموج]

قالوا قصيدك كله افراق
وشفيك ماترحم معاليق جووفك

قلت العذر والجوف يحرق بالاوراق
ياقلب خلك مادرو وش ظرووفك

[هدير الموج]

لاهنت ياخلن نسا الحب لاهنت
شفني علي قو المفارق صبوري

امدلك عن منت الناس يابنت
وانتي ولا مره فهمتي شعوري

[هدير الموج]

لا تعتذر عن غيبتك ، ( مالك لوى)
دام البرودة فـ الغرام اجتاحْتك

كنّا سوى ، والحين ما حنّا سوى
انا نويت ارتاح ، وانت | براحتك

[هدير الموج]

قارون سجّل له مع الناس تاريخ
معروف في ماله ولا صار حاكم ،
وغلاي ماهي بنت حاكم ولا شيخ
وسجّلتها بالقلـب شيخـة غـلاكم ،

[هدير الموج]

محادثاتك كلها (ضيق وعذاب)
وش حيلت اللي من حنانك ماشبع
توقيت فرقانا معي بالواتس اب
اخر ظهور العام (تسع الا ربع )

[هدير الموج]

الحب مثل (المطر) والرزق مقسوم
وانا مع الحظ ماعندي حصانه
عندي لك علوم وأنت علومك علوم
أكبر من الحب وحدود الميانه

[هدير الموج]

ليلة وداعك شاحبه مابها روح
يوم القمر في وقتها هل ' دمعه '

الغيم يرجف والهوا لجلنا ينوح
ودمعات عيني تنسكب فوق شمعه

[هدير الموج]

يلي تركتي داخل الجوف غصه !
مابي عذر منك ولا بـ سمع / الرد

بينك وبين البرد موقف وقصه !
البرد قاسي وانتي اقسى من البرد