[العريض]

عدّيت في مرقب ٍ و الليل ممسينـي

بديار غُرب ٍ لعلّ السيـل مـا جاهـا


أضحك مع اللي ضحك و الهمّ طاويني

طيّة شنون العرب لا قطّـروا ماهـا


وراك ما تزعجيـن الدمـع ياعينـي

على هنوف ٍ جديد اللبـس يزهاهـا


هبّت هبوب الشمال و بردها شينـي

ما تدفي النـار لـو حنـا شعلناهـا


ما يدفي إلا حشا مريوشـة العينـي

و إليا عطشنا شربنـا مـن ثناياهـا


ابو عيـون ٍ ليـا سلهـم تناجينـي

ياقرد عين المشقّـا كيـف يقواهـا


يا شبه وضحى فتـاة ٍ دلّهـا زينـي

داجت على عقلة ٍو الـورد ماجاهـا


يا علّ من شار بالفرقى عمى العيني

مخباط صمعاً جليل الفخـذ يشظاهـا


جعله حسير ٍ كسير ٍ و راكبه دينـي

و أتلى حلالـه ذلـول ٍ راح يطلاهـا


وتبقى من اجمل القصائد القديمه

[مبارك الشويلع]

يايبه( محمد) اذا يبغـى نظيـري
............ ياخذ اعيونـي ولونـي اعانـي
يايبه هالـورع خلانـي اطيـري
............ بغلاه اللي ذبحنـي فـي مكانـي


يايبـه ابغيـه لونـه فقـيـري
........... يلتفت ويقول من منكـم نخانـي

لــــ.... فواز الدواي

[مبارك الشويلع]

ولافي حدود الكرامه مـزح
......... اصحى تعدى الحدود اصحى
ماقريبك في سمانا صبـح
.......... واللي سكر غيظ لايصحـى
والله مالـك ورانـا ربـح
........... وأنا ولد راعي الوضحـى

لـــــ... مساعد ربيع الرشيدي

[مبارك الشويلع]

عـزالله انـا مـن الدنيـا تعلمنـا
........... درس صعيب على التلميذ نسيانـه
الله يجيب الصديـق اللـي يعلمنـا
.......... ابنشده عن (غريب) وحال عربانـه
لولاه فـي بيـت جدانـه مطمنـا
.......... ياوسع صدري عليه فبيت جدانـه
لو قصدنا البعـد مرينـا وسلمنـا
........... مير البـلا شوفـة الديـان ديانـه

لـــــــــ.... عيد بن مربح

[مبارك الشويلع]

نبا نصلي ركعتيـن استخـارة
.......... ونسلم الموضوع رب السماوات
لولاالحلاوه ماعرفنـا المـرارة
......... ولولااللعانه مااكتشفنا الحركات
ولولا الحوايج مانبيع بخسـارة
......... ولولا التعاسة ماعرفنا المسرات
ولولا الكسر ماقد عرفنا الجبارة
.......... ولولاالتركد كان اكلنا المطبات
وكلن حسب عقلة يصدر قرارة
........ وكلن يحب المال والعز والذات
وكل الحرايق مبتداها شـراره
............ وكل العجيز كانن اول بنيـات
ولولا البرودة ماعرفنا الحرارة
......... ولولا البدايه ما وصلنا النهايات

لــــــــ....... عيد بن مربح

[مبارك الشويلع]

مسلمن سنـى ومومـن بربـه ماكفـر
............ كل ماوسوسلـه ابليـس سمـى ولعنـه
يحفض امن المصحف الى تيسر واقتـدر
........... من حديث المصطفى من صحيحه واحسنه

لــــــ..... راشد رباح

[مبارك الشويلع]

ياوجد حالي وجود اللي بـه الخلـه
........... اختل عقلـه وهـو قـرمٍ ورجالـي
عقله تغيـر ولايـدري عـن الزلـه
........... من عقب ماهو تكانه صابـه هبالـي

او وجد من دمع عينه بالحزن هلـه
............ على رفيقـه يهـل الدمـع همالـي
رفيقـه اللـي يحبـه دوم مامـلـه
............ عن دنيته غاب جاه الموت طوالـي
مؤمن ونفسي تحب اللي قسمـه الله
........... سبحان من يمتلـك بيديـه الاجالـي

لــــــــ.... فواز الدوي

[مبارك الشويلع]

البارحه يـوم انـا سهـران
........ والهـم ميـه علـى مـيّـه
اذكر وأراجع زمان ٍ كـان
......... فيـه الحبايـب علـى نيّـه

ما اكون انا (بدر ابن نوران)
.......... أن كان ما خذتهـااا حميّـه !
لا لزمت قمت له سكران !
........... سكـرة شجاعـه رشيديّـه
ولا اعميتها مانـي بندمـان
.......... مندم على أوضـاع همليّـه
بالعكس أضحك وأنا طربان
........... وبراسـي الفيـن جنيّـه !!

لــــــــــ.... بدر نوران