[الـشـقـاوي]

في هالزمن تقدر تقول ان المثلث مستقيم
.. .. .. وشي طبيعي لو تقيس الدائرهـ بالمسطرهـ
وش بقى دام الرّجال تنقّل علوم الحريم
.. .. .. يعني عادي يوم ألخبط بين رجّال ومرهـ

[ذبحني غروركـ]

صوّت حبيبي وقبـل أقـول ياعونـك ...
شكا جروحه ورحت اشكي له اطعونـي...

[النمر1012]

ياصاحبي لاتحسب البعـد صـده
ماأقوى على فرقاك يانور عينـي
لك في خفوقي ياضنينـي مـوده
يتعب على تشتيتهـا الحاسدينـي
ولك في خفوقي فيضةٍ مجرهـده
خضراء من الحب العفيف الدفيني
حبٍ بناه الصدق والوقـت شـده
رغم الظروف القاسيـه مايلينـي
وش ذوقّ العاشق مـرار الملـده
والعشق مايخلا مـن الحاجتينـي
يضيـع وده بيـن تحقيـق وده..
وبين الكلام الشين والحاسدينـي
ياصاحبي والشوق واصل لحـده
متى على الله نطفي الجمرتيني؟!
ونبي سياج من الغـرام ونهـده
هبالنـا مالـه مجـال ووزينـي
يقوله اللي بيـح الشـوق سـده
يامال فرقا العيـن يالمسلمينـي!!

[الـشـقـاوي]

أطيش وأهدى ويرتفع فالدم سهم الانفعال
وتفترّ موجات الفكر والوقت تمشي ساعته

والناس ماتدري وش اللي ينتظرها فالليال

ودنيا العنا من هو تعلّق في طرفها باعته

[ذبحني غروركـ]

واللي خلق ظلما الليالي في العيون الهاجعه
اني من الحرمــان اتســائل وحرماني جواب
يــوم الوداع تخيـلي مــالي حبيـب اوادعــه
محروم انا وتخيلي محروم حتى من العذاب

[النمر1012]

ياتباشير المطـر وقـت الغـرام
ياعقيد القوم في حرب العيـون
من صميم القلب بأهديك السـلام
وللوعود/وللهموم/وللـحـزون..
ومن جنون الشوق بأهديك الغمام
ياأولّ الخطوات في درب الجنون
ياحبيبي طيـرّ أسـراب الحمـام
وأعلن اللي ودك أنه لي يكـون
............؟؟؟؟؟؟؟@

[ذبحني غروركـ]

يا صاحبي بس يكفيني

الهرج ما يثنى العازم

اقولها وانت توحينـى

جاملتك اكثر من اللازم

[الـشـقـاوي]

ياقلب طالـت قسوتـك وأنـت ليّـن
في قسوتك ياقلب ويش انت لاقي !؟


اللي تعـدّى عمـر ماهـوب هيّـن
والعالم الله كم مـن العمـر باقـي !


يمكن يطول .. ويمكن اليـوم أعيّـن
موتي .. ويبكون الحبايـب فراقـي


وش عاد أسوي وسط قبري وأزيّن ؟!
لاجفت عروق .. وعيون .. وسواقي


لا عاد بـه فرصـة عشـان آتحيّـن
ولا عاد به زفـرة وأفـك اختناقـي


باكـر وكـل اللـي سترتـه يبيّـن
وانا علـى هالحـال ميّـس وهاقـي


مـدري متـى يهدينـي الله وأديّـن
وأكف عن بعض المشاوير ساقـي !