[تعبت منك]

جوع قلبي لو تشكّى ما أكـل غيـر العـذاب
بذر حلمي مات ضامي و الهوايـل تزرعـه


الشكاوي عند ظالـم مالهـا صـوتٍ يجـاب
والتجارب ما تفيدك ان خلـت مـن زوبعـه


و المبادئ لو تهاوت مـا بقـى للعـز بـاب
و المصايب ان تخاوت قـد تجـي متجمعـه


من لمس شمس المعزه موطنه فوق السحـاب
و من غلب شهوات نفسه ف / الشهامه تصنعه


ليت كل عاشق تمنى ما انجرح قلبه و خـاب
وليت كـل مفقـود يقـدر فاقـده يسترجعـه


من رحلتي عن دياري في ذهاب ابـلا ايـاب
افتقد عمري وجوده و احتـرق حلمـي معـه


شاب في زهرة ربيعه مات في عمر الشبـاب
يوم غبتي عن عيوني ذاق عمـري مصرعـه


وش تقولي في حبيبٍ يرتجي حظـن التـراب
ما قدر يقضي حياته في عمر ما انتـي معـه


شاهدٍ مالـه هويـه يشهـد اوجـاع الغيـاب
كان يشهد ضد حضـوري و الدلايـل مقنعـه


غبت كلّي يوم غبتي و اللقـا ليـل اغتـراب
وانكسر وجـه الحقيقـه و استـزال الأقنعـه


اتركيني وسـط نـاري أحتـرق بيـن اللهاب
واذكرينـي قلـب سافـر دون ياخـذ أمتعـه


ولو طرى لك مع هيامك حرف يتوسد كتـاب
امسحي ألحـان فكـره لأن مـا بـه منفعـه


واحذري طيش الهوى لو مدمعه شد الركـاب
وان سهرتي .. لا تنامي بين دمعـه موجعـه


وان تظني تاج عشقي لبسـك أحلـى الثيـاب
ما نصفتي من تمنـى قصـر عـزك يرفعـه


لك طريقك / لي طريقي / واللقا كله صعـاب
دام غيري نال قربـك .. ليـه دربـك أتبعـه


هالمواجع لك هدايا و لا ابـي منـك جـواب
وان بغيتي تذبحينـي ارسلـي لـي زوبعـه


عاشق ٍ محكوك قلبه كيـف يقـوى هالعتـاب
وش يفيده ان مسحتـي مـن عيونـه مدمعـه

[تعبت منك]

ماكنت شي وشلون ازعل لفرقاك
عادي وجودك كان وان رحت عادي
جايز اكون اول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مد الايااادي'

[تعبت منك]

البارحه كلها حنين البارحه كنا افترقنا من جديد
البارحه من طولها كنا عمر البارحه عيت تمر !!

[تعبت منك]

دام البقايا جنـون ياغربـة الـروح
صار الجنـون اليـوم كلـه بقايـا
يجمع ثراهم صمت والصمت مجروح
وشتت ثراهم خـوف ذيـك الحنايـا
كل ٍ يبي الثاني به السـر مفظـوح
كل ٍ يشـوف عيـون خلـه مرايـا
كل ٍ لزم صمته يبي كتـاب مفتـوح
لكـن كتـاب العاطفـه لـه مزايـا
دام السؤال اللي معلـق ومطـروح
يطـرد اجاباتـه بذيـك الـزوايـا
يبقى مع الايـام وحروفـه تفـوح
يبقـى ويشغلهـا عقـول البـرايـا

[تعبت منك]

كل ٍ يبي الثاني به السـر مفظـوح
كل ٍ يشـوف عيـون خلـه مرايـا
كل ٍ لزم صمته يبي كتـاب مفتـوح
لكـن كتـاب العاطفـه لـه مزايـا


__________________

[تعبت منك]

على الرجا مازلت ... صابر / وناطر ..
غيرك فلا حرّك كُبر شعرة ٍ فـِيْ ....!!
الحال مِن عقبك (على منت خابر)
الوضع - هو الوضع / ماغيّره شـَيْ...!!
تزعل / تروح / تصد /ترحل /تسافر !! ...
محبتك ، فـالقلب- تبقى كمـا هِـيْ

[تعبت منك]

يالي من غبون الغلا اسقيتني ماكالهف عطش واموت من حر ماكا

انا بحوري مـع ترنـم شفايـاكتهيـج ويـدب الهلـع والهلاكـا

يالي جبين الصبح طلـة محيـاكاذا تفجر فـي ضلامـي سناكـا

ومن انكسار الضو بالما حلايـاكبينك وبينـه بالميـول اشتراكـا

[تعبت منك]

كل ما عانق نظر عينـك قمـر

او لثم خدك شعاع من غـروب

او نسيم هفهف بشعرك سحـر

او تغنى بالهوى صوت طروب

او تبلل كفـك بقطـر المطـر

او تبسم بالسمـا نجـم جنـوب

او ضحك وردٍ على عودِ خضر

او نقل لك نفحة خزامي هبوب

او تهادى موج في شط البحـر

ينشد الراحه بعد يـوم تعـوب

او خيال من قديم امسك حضر

يستفز القلب بالصوت العتـوب

او تجاسر فكر في ليلـة حـذر

يسترد الحلم من درب الهروب

اذكرينـي واستعيدينـي شعـر

صادق المعنى..ولو وقته كذوب