[سعد بن عادي]

مدخل

الشعر خله لي وخل [ السهر ] لي
.......... إرتاح / من هم الآرق و الكتابه !

صفحه جديده ..،
.......... تـنـفتـح بيننا ( اليوم )
والركن اساساً صار صفحه جديده !

و دامك على ..،
.... قولك لك سنين ( محروم )
فـ ابشر بـ صوت الذكريات التليده !

منا و فينا ..،
.... وانطوت صفحة ( اللوم )
صفحه مجيده لـ الحروف المجيده !

يكفيني ..،
.. اني كنت لك [ حب محتوم ]
واول حبيبا ، كان فـ اول قصيده !

و يكفيني ..،
.. انك كنت لي [ حب مقسوم ]
و عساك تبقى لـ السنينالمديده !

صفحه ..،
ولك فيها من اشواقي ( علوم )
ابكـتـب اللي بـ الحكي ما اجيده !

تابع ..،
ولا تطري ابد كلمة ( هموم )
بـ اكتب لك حروفي وانا المستفيدي!

• مخرج ..................................

ولا عاد تحمل من هموم الشعر شي .........
اصلاً حروفي مع حروفك [ تشابه ]

[سعد بن عادي]

قذفك الله من وجه الحياه وشـل رجلينـك
يا مهلك شعب طاهر دينه الاسلام والمَلـه
على وجهك يكبك وسط نار وتكتف ايدينك
مساحتها تجي كبر البلاد اللي انت محتلـه
تموت وينفخ الله فيك روح وشعبها يهينك
وترجع وسط نارك تسحب الرجلين من شله
لا ياشعـب حنـا ندعـي الله الله ايعينـك
ولو طال الصبر اسيوفك بتصير من سلـه

[سعد بن عادي]

انتظارك هنا شي كبير وقياسي
......................... يجعل الشعر في غاية هواه ومزاجه

انته اغلى نفر في كل ربعي وناسي
.........................منك شعري مع الجمهور حقق رواجه

قبل لا اكون متناسي ولا اكون ناسي
.........................انتظر لا تروح ابعيد لك فيه حاجه
انت قمة مواني مجد وانته مراسي
.........................بحر الامجاد .. وانته سيرته وانتهاجه

[سعد بن عادي]

حي ذا العين / ولا حي قلبٍ فطين
وحي ذا الاسم /ولا حي ذا العايله
تحت رحمتك / يخضع / كل بيتٍ سمين
لو حروفه /على بعد السماء/ طايله
اعترف لك /لو المعنى بصدري دفين
ولو دموعة على خد الورق /سايله
جيت /تاخذ مفاتيح /المداخل عوين
وبان نور المدينه / واصبحت / هايله
وش يفيد / الكلام / الي محته السنين
بوح الابيات /ياعذب اللنبا حايله
وان قلبت الضمير/ وباح كل الكنين
قلت لك بالمونث / نايله / نايله
يرتعش / معك جسم/ وتنبهر فيك عين
وتصبح ، اغصان قلبي / كلها مايله

[سعد بن عادي]

الشعر ( ثورة مشاعر ) في حدود الوطـن
لاصار صدري ( وطن ) والشعر ملكيّتـه
ومظاهرات المشاعر .. لو خَذَنْ مآ عَطَـنْ
ياخْذْن جهد الشعور .. بشحـذ فكريتـه
وأنا حروفي على جروحي سوات القطن ،
واحيان تحييّ جروح الها دهـر : ميّتـه ،،
يآ كمّ مرة كتبته لـو طعونـي سطـن ،،
جيت بشموخـي و وجهنـي بْجاهيتـه ،
أبطّن اللي ظهر / واظهّر اللـي بطـن ،،
هذا ضميري.. وهفواته .. و عفويتـه ،،
أمشي دروب الغلا .. لو ما رجولي وطن ..
إلا على الشوك ، واتحمّل عنـا جيتـه ..
يآسود الأيام ! أبطت جيته ما فطـن!! ..
إني بشمسـه و طمعـان بـذرا فيّتـه ..
ومالي ياكود الحروف اللي عليّ قلطـن ..
آهاود البعد / ليـت القـرب ماريّتـه ..
وأنا غريب ولقى في وسط صدره وطن ..
وان ثار صدره شعور .. تثـور قافيتـه ..

.
.
.
.
.

[سعد بن عادي]

آنجذب لك كل يوم آكثـر مـن اللـي قبلـه

ودي آعرف وش مصيري ف..آخر الرزنامه !

اسمك يحرك شعوري واسمعه واطـرب لـه

ملهم وآسمك لحالـه مكتفـي ب.. آلهامـه

كنت ادور قلـب مثلـك لاكتبـت اكتـب لـه

وطاح شعري في حضـورك داخـل الدوامـه

من جهة وشلون يملـك قلبـك ويقـرب لـه

ومن جهة وشلون ماتوضح خطـوط آقلامـه

[سعد بن عادي]

انا اكثر الناس ضيقه مع شروق الصباح

وانا اكثر الناس فرحه لاتعـدى ونمـت

راح عمري وماجاني من النـاس راح

ولابقى الا كلام يفرقه صـوت صمـت

ماعاد أدور من الايـام غيـر الفـلاح

وانا اعرف ان الفلاح برمته لألتزمـت

كم مره اهز صدري بالتعب ليـن طـاح

وكم ليلة افرح بذنب ولا ارتكتبه ندمـت

[سعد بن عادي]

يا بحر جيتك وانا اعرفك صباحك صباح

اصدق صباحك من الضيقـه وتصبيحهـا

تفرد لي الموج وافـرد للسعـاده جنـاح

وأطير همـوم صـدري عـن ملاويحهـا

اجيك منهك من الدنيـا وكلـي جـراح

واروح دنيـاي مانـي مـن مجاريحهـا !

يا بحر كم لـالاماني في ضميـر النجـاح

يا خوفي احلامي البيضاء ذهـب ريحهـا

ان كانها يا بحـر خلـف المجـال المتـاح

عجـل بهـا ليلـةٍ تضـوي مصابيحهـا

وان كانها ما تجي من دون جهد وكفـاج

انـا الصعيبـات شاحتنـي مشاويحهـا

اقدم لها من ثقل وادعـي لهـا بالصـلاح

وتروح روحت عرب تنقـل مسابيحهـا

يا بحر ما جيتك اشكي من كفوف الشحاح

جابتني الصيحه اللي موجك يصيحهـا !!