[ساره الرشيدي]

ياليتني طيرً الى من جـزع طـار
لعلي أنسى ضيقتـي فـي مطيـري
قاعده وأحس ان الفضا خمسة امتـار
من ضيق صدرً ماسـلا بالمسيـري
اعزف على عودي وغني بالشعـار
واشكي على نجوم السما من عشيري

[النمر1012]

ماعشت محتاج واللي خذت كفاني
ولاطلبت آدمي رحمة ولا رأفة


واللي خلق خالد أجمل وأعذب الحاني
والبسه طهر البراءة والبسه ظرفه


إني من الضيق كني لابس أكفاني
والأرض في عيني امست كنها غرفه


ماجيت داشر أنا داشر من احزاني
وقلوب ناس اصبحت مستوحشه صلفه


عالم يسبون مامرو على لساني
يعني مجرد أسـامي جات بالصدفه


نا اللي قدام لو كلٍ تعداني
انا المدى من يهز من المدى كتـفه


ماهمني أي احد والشمس ميداني
والنجم بيتي وحد الغيم لي شرفه


وطز في مجتمع ابله وشهواني
حقود شامت ونصفه كاره لـــ... نصفه

[ذبحني غروركـ]

اسري مع هاجوس فكـري لحالـي ،،
وارحل عن ديار الغلا كل ما اخطيت ،،
واسامر اهل الليل واشكي الغالـي ،،
وارقى على نار الضما كل ما مسيت !

[ساره الرشيدي]

يقـوٍل أكتبي يالغـنج بأسمك الصحيح ,,
بنآت القبآيل تفتخرٍ بأسم أهآليهآ ..
وٍأقوٍل اللقب يكفي مع الرٍمزٍ وٍالتلميح ,,
لاصآرٍ القبآيل وٍدهـآ تكـتم أبنيهآ ..
وٍأنآ بنت قرٍم وٍأفتخرٍ بأسمي الصحيح ,,
وٍلي لآبه أرٍفع شموخي بطآرٍيهآ ..
وٍلكن ضرٍوٍفي مآنعتني عن التوٍضيح ,,
وٍتقآليـدنآ شحـت عليـنآ بـأسآميهآ ..

[ذبحني غروركـ]

مسكين .[ ماتلقى ]. مشخص " لحالتك "
ظنك جميع " الناس " تفلت .[ رسنها ].

اعقل ترا " ماني " بناقص .[ جهالتك ].
محبتك .[ ذله ]. وانا شوم " عنها "

[النمر1012]

الحظ مايل والعنا مهتويني
وعن حبنا وشلون أرد المضره


ضدي الزمن والحظ مع عاذليني
إن قمت مره طحت مره ومره

[فـدعة بني رشيد]

انا مــثل النجــــوم العاليه ماطالها نصـــاب ..
وانا مثـل الجبـــال الراسـيه تثـبت مبانيـها..

وانا بنت الأصـول ومنسبي من طيب الأنساب ..
ومن يفـــكر بحفـــرة خـبث حتماً بدفــنه فيها ..

[النمر1012]

انا ياصاحبي مارد عيني للقطا لاحام
من رجال على العدوان يالغالي سلاطيني
توكل في دروب ياعشيري تتعب الاقدام
بتبطي وانت يالغالي تذكر كيف تاتيني
ولاكن كان ودك لاتعود لو تمر اعوام
انا ياصاحبي مارد عيني لبو قلبيني