[وحيد]

صح السنتكم جميعاً
خاويت السراب اللي يخيلي غدير....وبطيت ظامي من مشاوير الأيام

[العدالروي]

آآمال يحفظها ملف التفاكير=ماتت قبل لاينفذ النور منهااا
راحت وخلت لزمان المعاذير=ولت وراع الشوق ماجاز عنها
احلامنا اللي غيبتها المقادير=غابت وغيبها الزمن في كفنهاااا

[ابن شلال]

اه ياللي منك لي كم مده مهايم*** كني الذيب الاشهب في ديار المجاعه

[العدالروي]

عهدي بساعات الوناسه والافراح=قبل ثلاث اسنين اخر وناسه
كن الزمن من دونها مسدل وشاح=ويصّب حزني بين كاسه وكاسه
في نظرتي كل البشر حولي اشباح=والقلب لبسته همومي مقاسه
يافرحةٍ في ناظري برقها لاح=بينك وبين القلب حطوا حراسه

[بروفسور الشعر]

على جدار الزمن تلقا خرابيشي - مكتوبه بدم بدر معيتق قراها

[وحيد]

هانت وهان اللي من البعد مجروح....ربي كتب لي عقب الشقى اسعد الخلق

[العدالروي]

لقيت نفسي بين دم البدر وعناد الوحيد=وانا لاطالعت لوحيد اقول مايشبه بدر
مابين اساميهم صفاه ولاأرتباطاً لوبعيد=وعد الروى عدا الدفاع ومرّ واصبح منفرد
تكتيك لاصحاب الفكر اللي يعرفون القصيد=اللي على الطاير يحللها قبل تذهب هدر
ياهوووه ياعيال الرجال اللي يعدوكم رصيد=اللي مباديهم تسامت فوق ماتنزل حدر
أما تعالوا في كلام إيصّحي العقل البليد=والا مرور بصمت أخير احيان من ضرب الصدر

[وحيد]

صح لسااااانك وعتلى شااااااااانك قصيده جزله من شاعر فحل
درر قصيدك ماتقـدر بالاثمـان.....حكمه ووهبه من حكيماً مثالي
مريت في شاطي كريمين الأيمان .....وبشربعزك ياكريم السبالي
يفهم على حرفك بشوف الاعيان....وويوكد المفهوم لوكان عالي
والصمت لوشفته في بعض الاحيان....يفجر قلوب ماتحمل زوالي
والهرج لوطالت مباديه نسيان.....تاخذ من المقسوم لوكنت غالي