[هذيان]

مليت أسولف غربتي واقلّب أوراق الحنين
................ وآحس في صمتي بشر تحكي وطال سكاتها !!

يا موطني مالك عذر لو غبت تكفي حاجتين !
................أهديت لك كل السنين : واهديتني | دمعاتها .!!!

[ذبحني غروركـ]

م تشبهون الا المطر اول الصيف
.. ... ... .. .. هيضتوآ احساس العطا / وم عطيتوآ

[هذيان]

مدري وش آقول عن حزنك وأنا جنبك
ومدري وش آقول عن عذرك قبل تبدأ

ومدري وش آقول عن صدك وأنا آحبك
هـي [ مسألة وقت ] ولا [ مسألة مبدأ ]

[ذبحني غروركـ]

أقطع ضمآكـ .. وبلّ ريقـكـ .. بـ شوفي
وأرو آلعروق .. آللي من آلبعد جفّت

مآبيكـ تستمتع . . . وتقرأ حروفي .!
وتقول : تسلم لي .. (كفّت ووفّت )

أبيكـ / . . تحرق كل عرق .. بـ جوفي
آللي من آحسآسكـ وشوقكـ ..تدفّـت

تفركـ كفوفكـ .. فوق رآحت كفوفي
" لله در " أهل آلهوىآ .. / لآأستخفّت *!

[هذيان]

آخر أيام الجفا ماعاد فيني أي روح
...................صرت أنا وإياه والليل وعذابي أربعه

والحنين اللي سكنّي قال تكفى لا تروح
..................للأسف حتى دموعي ما قوت لو تمنعه

آه يالناي الحزين اللي عزف لحن الجروح
.................ما لقى له من يجيب ومالقى من يسمعه

الصدى يبعد ونبعد وين ما روّح نروح
...............نمشي والحزن المسافة والهموم الأمتعه

أنا يا قلبي يأست وما بقى عندي طموح
...............والهوا ما جا على ما تشتهيه الأشرعه

فالحشا رعشة خفوق وطاري الفرقا يلوح
...............يوووه ياسرع الدقايق يوم جيت أودعه

راح بأعذاره وأنا اللي ما بقالي غير بوح
......................مع بقايا ذكريات وشمعتين مولّعه

كل ما لديت عنّه قام خفاقي ينوح
..............يشتكي ذاك الحنين اللي خذا قلبي معه

[ذبحني غروركـ]

مالت الأغصان للريح وتثنت
ومابقالي غير...\ همك والعنا
وصوت ذكرى نعنبوها يوم غنت
{...ياحبيبي وينك انتا ووين انا !

[هذيان]

لا ! يا الطريق اللي تمنيت تاليه
..........مالي و مالك يا الطريق إختصرتك

و لا ! يا الغرام اللي تمنيت حاليه
..........كبرت في قلبي و مت و قبرتك !

قلبٍ فقد راعيه و إحتاج راعيه
..........ليا بقى به عرق ينبض / شكرتك

[ذبحني غروركـ]

جيتك غريب اغراه نور المدينه
يتبع بصيص النور مع ظلمة الليل
مل الهدوء ومل جو السكينه
ملت عيونه نجمة الصبح وسهيل
شفني غريب وضاعت اجمل سنينه
من دلة همومي شربت الفناجيل