[النمر1012]

احبه والمطر يشهد وقطراته بدون اللون
احبه كثر ما ناجى عليلٍ ربه العالي
احبه في سكات الليل وشمعه تشعل المكنون
احبه كيف ما احبه وفي حلي وترحالي
لانه صاحب افكاري ونبضه من الخفوق يكون
لانه شهرزاد الفكر وخلٍ طيفه يبقالي

[ذبحني غروركـ]

تدري وش إلي بالهوى يتلف الروح
لا صرت تزرع حب مع شخص جاحد

وتدري وش اللي لاحصل يخجل البوح
حبك لـ واحد مات في حب واحد !

[النمر1012]

لا تفارق نظر عيني وقرب صوبي خطواتك
امسح بيدي الدمعات واحرك يا هنا شجونك
عيني في هدب عينك يا شوقي لنظراتك
احبك كيف ما حبك تغير لوني بلونك
تدلل يا عديل الروح تبعثر عشقي بشتاتك
يا حرف الضمى لبيه تخيل عشقي من دونك

[ذبحني غروركـ]

واجهني و طالع عيوني و كلّمني
رسايل الهاتف الجوّال ما آبيها

و ان كان به حاجةٍ تمنعْك علّمني
أحسن و لا تلعب بنفسي طواريها !

[النمر1012]

يـالـلـي تـسـوم الـعـمـر قـلـي عـلـى كـم
بـبـيـع عـمـري كـانـهــا هـمـلـتـنــي


دون الــغــلا مـحـســوبــةٍ ســـاسٍ ودم
يـاقــو قـلـبــك لامـتــى حـارمـتـنــي


يـاعـم لـو أشـكـي لــك الـحــال يـاعــم
بـتـصـيـح بـالـيـهـا وهـي بـالـيـتـنــي


يـامـسـويـه دلــة غـلانــا عـلــى ســم
يـاحـبـنـي لـلـمـوت يـامـقـهـويـتـنــي

[ذبحني غروركـ]

يباريني خياله واستحي منه واصد العين
اداري خاطره واصد عيني عن مشاهيها

وفاه مقيد شوفي وانا وافي ومن وافين
وغلاه يعن روحي لاتلفت صوب داعيها

[النمر1012]

اجمع شتات الوجد والقلب ملهـود
واعبق لك ورود الشقا من قصيدي
يا من سكنت الروح والاجر مفقود
وحجزت لك منّي جناح الوريـدي
واستسلم المكـان لعيونـك السـود
وسهوم عينك للمشاعـر تصيـدي
فرشت لك لب الحشا باجمل ورورد
وعطرت لك جو الغـرام بْنشيـدي

[ذبحني غروركـ]

واليوم ضاقت بي من الجال للجال
فرقاك تقصم ظهر وتحز و تلوع

لوجيت شفت الحال ماسرك الحال
في غيبتك ضايق وحاير ومفجوع