[سعد بن عادي]

تعال نقرأ بصمت .. بوح الشفايف

ونخلّي التعليق لـ عيونك السود !

وأقول لك وش شفت؟ وتقول شايف ..

اللي ما كنت اصدق يكون موجود !

واقرأ فـ عيونك خوف ، لو هنّ رهايف ..

من مات سبّة طعنهن ، مات محسود !!

تخاف تفقدني ، وانا معك عايف ..

كل البشر ، وآقول والحب في زود ..

مادام قلبي تحتضنه النحايف ..

تأكد إن الحب ماهو بـ مفقود !

[سعد بن عادي]

,

يـاروح وردات الجنايـن .. وأصـل فـوّاح العطـور
يا اول غلا .. واكمل حلا .. واجمل هوى.. واكبر قدر
ياجاذبيـة فاتنـات العـصـر .. لا كــل العـصـور
ياشاعـرة قلـبً مـن إحساسـه معـك قـال الشعـر
اليا حضرتـي .. تنقلـب دنيـاي مـع ذاك الحضـور
ينزل مطر .. ينفح زهر .. يَسكب عطر.. يطلـع ثمـر
تتبـدل الاشيـا بأشـيـا / كــل هالدنـيـا تــدور
ماعاد أقّلـد فالبشـر / مـن غـاب والا مـن حضـر
ودي أبيّـن لـك شعـورً مـا تسـاوى بـه شعـور
شـيً عجـزت اخفيـه مابيـن الحنـايـا والـصـدر
آحبك .. ومُغرم بحبك .. وآعشقـك .. ليـن النشـور
ولاجيت أبيّن ..( أشعر أن احساسي المرهف قصر ) .!

[سعد بن عادي]

موعود بالأفراح يا موطن الخيـر

و أبشر بخير و مَقدَم الخير قـادم

هذي نـذوره فالبسيطـه نواويـر

وفـأجواك مسمّر السحاب يتـرادم

جانا البشيـر محمـلاً بالتباشيـر

وأحتلـت البسمـه وجيـه الأوادم

صقر العروبه غير .. واطلالته غير

باني وطن .. مايقرب حماه هـادم

للشعب فيّض بالعطاء دون تقصير

و للمسجدين موفّي النذر .. خـادم

فاللين وصفه يعجز أسمى التعابير

وفالعسر راسً مايهـاب المصـادم

من خلفه نوّقف صفوف و طوابيـر

ومن خلفنا العالم .. و حنا المقادم

بقلوبنا حبه ماهو ( سـراً ببيـر )

واضح وبيّن فـي عيـون البنـادم

يزيد حبه بيـن حشمـه و تقديـر

ودوم يتجدد بالغـلا .. مـا تقـادم

واليوم جاك بخير يا موطن الخيـر

وعدنـا نغنـي للفـرح ونتنـادم

[سعد بن عادي]

ترى لولا الحيا... والله ..لا اقول لك.. كنت وكنت
وابين لـك ..علـومٍ خافيـه ..ماأنتـه بخابرهـا
وافصل لك ثيابك.. فوق جسمك ..بالمتر والسنت
واعلمك بمكانك ..بيـن ..صاغرهـا.. وكابرهـا
ولكن.. حشمه لغيرك.. وتقديرٍ ماهوب ..الك انت
نصحيه... والجنايز.. خلها ..داخـل ..مقابرهـا

[سعد بن عادي]

تاريخك يهددك .. انا ليـه اهـددك؟؟!!
مالي لـزومٍ بـاي شخـصٍ ... مهـدد
تكبـر ولكـن الليـالـي ... تـجـددك
وتعيش وانته مـع فعولـك ... تجـدد
من غير اقول اسمك .. ومن غير احددك
سكـر مجـال الهـرج ..قـدام احـدد

[سعد بن عادي]

حنـا ليـا جـات اللـوازم فاللـوازم مانغـيـب

لـو حقنـا ينقـص نكمـل للرجـال حقوقـهـا

بوجيهنـا ندخـل ونطلـع لـو روابعنـا تخيـب

وان قلة الوزنـه تركناهـا ... وعفنـا سوقهـا

ياللي تطالبنا ترى مـا انـت بحسيـب ولاطليـب

رجلك .. على درب السعه لن طعت شوري سوقها

العـام تزهمنـا وحنـا كـل ماتـزهـم نجـيـب

يوم العباه اللـي علـى ظهـرك وسـاع فتوقهـا

واليوم تسمعنا وتسفهنـا .. عجايـب ياعجيـب

والشجره اللي كنـت تزبنهـا قطعـت عروقهـا

لو نكشف الصندوق ونجيب الخبر راسك يشيـب

لكـن تريـح واتـرك الأسـرار فـي صندوقهـا

[سعد بن عادي]

نواياك بانت من كلامـك بـدون جـدال

عرفت الهدف والرمي وانكشفت الصوره

ولا عندي اللي بخسره معك ف/ اية حال

تساهيل وان صعبت مع الوقت مقـدوره

انا ضامن المخراج قبل اضمن المدخـال

لو ان الخفايا تخرج الرجل مـن طـوره

مضت لي ليال وباقـيٍ بالطريـق ليـال

تحـت دبـرة الله والمخاليـق مأمـوره

[سعد بن عادي]

على جآل البحر تركض وبان الخافي الملفوت
عليها خآم من نوع الحرير اسلوكه ادقاقه
تذكرني :بذاك الريمي الي ما يداني الصوت
مذير لا سمع صوت التفق / قام وركز ساقه
انا ما الوم عبدالله بحرفه . يوم جاه الموت
اعرف ان الهوى جمرة غضى للصدر حراقه
تعرض لي وانا سالي / وفاض احساسي المكبوت
وبغيت اهدي عبير الورد / لكن شفتها باقه
انا ما ادري على الرمان /ولا خاطري بالتوت
الا منهو يبلغها /تجي تعطيني اذواقه