[النمر1012]

قالت من انت ؟ وقلت مجموعة انسان
من كل ضـد و ضـد تلقيـن فينـي

فيني نهار و ليل و افراح و احـزان
أضحك و دمعي حايرٍ وسـط عينـي

فيني بداية وقـت و نهايـة أزمـان
أشتاق باكر و أعطي أمسي حنينـي

و أسقي قلوب الناس عشقٍ و ضميان
و أهدي حيارَى الدَّرب و احتار ويني

و احاوم صقور الهوا حـوم نشـوان
و اسيّـل الوديـان دمـعٍ حزيـنـي

في عيني اليمنى من الـورد بستـان
وفي عيني اليسرى عجاج السنينـي

تهزمني النّجلا و انـا نـد فرسـان
و اخفي طعونـي و المحبَّـه تبينـي

و إن ما عرفتيني فلانـي بزعـلان
حتَّـى أنـا ترانـي أحتـرت فينـي

[ذيب الـعـثـمـور]

لا ضاق صدري بزعجك=واتصل فيك والله يعينك كل ماضاق صدري
لاتسأليني لا تقولين وشفيك=انا عن حالتي يابنت مدري

[برق الوسم]

ياضايق الصدر بالله وسع الخاطر=دنياك يازين ماتستاهل الضيقه

[رواية]

إنما الدنيا كظل زائل ... أو كضيف بات ليلاً فأرتحل

أو كطيف قد يراه نائم ... أو كبرق لاح في أفق الأمل

[عنقود البدو]

يآرب سآمحني على " الكذب " يآرب وإغفر لي ذنوبي على كثر مآ أخطيت يآكثر مآأكتب في قصيدي عن الحب وإلآ الحقيقه .. " مآبعد يوم حبيـت "

[النمر1012]

ياما جرحتنا وذبحتنا سواليف
والكل جرّّد يم صدرنا سيوفه
ضقنا الملامة من جميع الأصانيف
دارت بنا الأقدار يا هي حسوفه
كنّا على ما قيل نمشي على الكيف
في دنيةٍ كانت علينا عطوفه
ما ندري بالمخشوش وسط اللفاليف
والصّاحب المحبوب ضدنا نشوفه
نضحك غصب مرّات من ذلك الزّيف
طاح الجمل والنّاس تبقي حتوفه
يومٍ معانا الخير كلٍ لنا يضيف
واليوم شفنا سد وجبال وطوفه
قلنا الأمر ساعات يمكن صواديف
والأجودي المعروف محدٍ يعوفه
ودنا بحسن الظّن من غيمة الصّيف
ودنا نزيح الشّك ونجز صوفه
ما نابنا والله غير التكاليف
منهو بنا يا الله يروف روفه
بانت سوالف ناس كانوا معاريف
أضحوا كما شيطان يا شين شوفه
سود الليالي ما بها من تخاويف
نور الضحى أحيان ياتيك خوفه
السّيل يجرف أخضر ويابس الليف
والواقع المهزوز صرنا ضيوفه
من عقب محنا أسياد صرنا مواقيف
واللي نبيه معين طاوي كفوفه
صمنا عن الروحات والنّاس تأليف
أقلامهم تكتب علينا ما نعوفه
آهٍ نعم والله من عالم الجيف
أزمة ذمم واخلاق ما هي معروفه
صرنا بلم متيوح لاحم على السّيف
عن عاتي الأمواج محدٍ يحوفه
وش باقي حتى نقول أو نقدر نضيف
وذي خيلنا المحتار طوّل وقوفه
يا الله وبعد يا الله يا عون لضعيف
عبدك تعب يا الله فرّج ظروفه

[غزلآن]

أغــرق { شهـيد } ولآ أمـوت عطشـآن .,

طيحـه شمـوخ ., ولآ وقـوف /..أمتمـآيل !

[النمر1012]

ساعه اللي تطالعها مابين الحين والحين
لاتشغلك والهوى نديمنا
والليل توّه



وإلا انت لك راي في هذا المسا اللي يجمع اثنين
ماينشغل باله إلا بالهوى من عاش جوّه


والنار في ليلةٍ شتويّه0 اشواق المحبّين
لو كان جمر الغضا ما ادفاك يابردان ضوّه


الفرصه ( الحلم ) لاتصنع لها ريش وجناحين
ان طارت 0 العمر كلّه بعدك اوحشني خلوّه


اما انها اكثر من العامين وإلا حول عامين
وانا الذي شغله اللي يشغله 0 ليته ولوّه


عفواً 0 نواصل حديث الورد 0 قل لي بس من وين
جمعت هالباقتين ونالت اعجابي بقوّه


اثره هنا غير ماهو مثله اللي في البساتين
في بيتنا مزهريه شكلها عندي تشوّه


الله يهنّيك يالمهدى اليه بحب مهدين
ولا يوفّق عواذيلك قليلين المروّه


ادري من اول رساله وجّهتها العين للعين
ما تشبه البارق اللي ما يبلّ القاع نوّه


لكن وش اللي يوقّف ساعة ايدك عند ثنتين
ان كان عندك لهذي حل قل لي ويش هوّه