[الحجاج ابن يوسف]

لاضااق صدري يالغلا قلت وين أنت = تعبت أطــــالع في صـوورنا القــديمه

[النمر1012]

الا يا طير وش نوحك كسير ونازفٍ مجروح من اللي ناويٍ قتلك بقصد الـروح ينهيهـا
اشوفك طايحٍ بالدرب لا حـي ولا مذبـوح وجروحك وان بدت للناس تحاول انت تخفيها
الا يا طير لو جرحك يطوّل يندمـل ويـروح وانا جروحي من الايام ما يسكت مناديهـا
تعودت العذاب وكسرة الخاطر وكثر النـوح ولا عادت معي تفرق عن ايامـي لياليهـا
اقضي العمر في غربه لعل الفجر يوم يلوح وذاك الفجر ما بيّن وشمسي فـي تواليهـا
ابي هالوقت لو يرحم يخفف جوره المفضوح وينسى النفس لو ساعه افكر كيف اسليهـا
الا يا طير يا مهاجر هجرت غابتك والـدوح الا بالله تاخذنـي حيـاة الـذّل مـا ابغيهـا
ابي حريتي مثلك ما دام الجو لـك مفتـوح اذا من ضاقت الدنيا اهاجـر فـي نواحيهـا
ادور حب ما يرجي لحبي غايه ومصلـوح يحب الروح لاجل الروح ما يمكـن يعنّيهـا
يحس بها اذا تعبت ولو ما هيضـت للبـوح يدفيهـا اذا بـردت ويمنـع حـرّ صاليهـا
ويسقيها اذا ظميت حنان الحب بالمسمـوح واحس الطعم للدنيا قبل ما ارحـل واخليهـا
ترى قلبٍ بليّا حب جمادٍ ما عـرف للـروح وبدون الحب هالدنيا جحيمٍ صعب لاضيهـا

[الحجاج ابن يوسف]

لالالا تقوول البعد أمرره سهل= كم محب تعــّذب من فراق الأحبه

[ساره الرشيدي]

زرعت ورده وليتني قبل مزرعها
في روض مشتل نشدت الروض من هو له

[النمر1012]

والليالي من تجاربهـن يمـا درسنـي = درسٍ قبلي ارجال وعلـمٍ قبلـي ارجالـي

علمني رفقة الطيب ورفقة ضحك سنـي = وعلمني كيف اسوي غترتي والبس اعقالـي

وعلمني من صديق الضيق لمني حدنـي = ومن يدفيني ليا هبـت نسانيـس الشمالـي

بس ياهل المعرفه سود الليالي عيبهنـي = ماتوريك القلوب الحاقـدات مـن الخوالـي

والله اني من رجالٍ بالمعرفه والله انـي = ربعي اهل الطيب واهل الجود راقين المعالي

اكتبي في صفحة التاريخ يالاقلام عنـي = ان ربعي فى المواقف كنهم صـم الجبالـي

افتخر فيهم ومن زود الفخر والله لانـي = ليه مافخر فى الرجال اللي كريمين السبالي

بس عيبك يالليالي مامشيتي حسب ظني = ولو ساْلت اكيدوالله ماحداً جـاوب سؤالـي

ويابيوت الشعر لن غنيت بالله طاوعني = بتسلى بك وابنسـى بالقصايـد ماجرالـي

كنت اغامر في كثير من الامور وعذبني = وشلت حملٍ فى النهايه ياجماعـه مايشالـي

بس ابشركم تجاريب الليالـي درسنـي = استفت من التجارب علمـو سـود الليالـي

[ذبحني غروركـ]

وانـا الـلي مـن تـفارقنا وأنـا ماغمضت لي عين
غـريـبة!! كل حـلـم يـمـر بـرقادي تـزورينه"
"والاغـرب..كيف أحـلم الحلم،وارجع واحلمه بعدين؟
قـبـل يـومين،شفتك بـالمنام..وقمت مـن حـينه!"
"ونـمت أمـس،ورجع نـفس الـمنام اللي قبل يومين

[النمر1012]

0مع صوت الرعد اسمع صدى صوته ينادينـي ومن صوته فزع كلي بدون اشعر على شانه

تخيلته شكى جور الزمـان اللـي مشقينـي وجيت اسابق الخطوه وروح الحـب ضميانـه

تخيلتـه ومـن صوتـه يموتنـي ويحيينـي وانا لي فزعةٍ قشره ولـو طـوّل بهجرانـه

على شانه ومن طيف الحبيب اللـي مخلينـي نسيت انه بصداتـه حـرق قلبـي وشريانـه

انا منسى سنين الحب لو ضاعـت عناوينـي مدام انه سهر ليله سهرت الوقـت وازمانـه

انا منسى هذاك اللـي علـى نفسـه يبدينـي الا ياوقت ومن ظرف الزمان اللـي تحدانـه

الا ياوقـت ابـه شـيٍ يصبحنـي يمسينـي حروف الشعر تلعب بي على شانه وشفقانـه

وانا راضي بأمـر الله ولـو انـه يجازينـي وانا مؤمن بأمـر الله سبحـان الله سبحانـه

دخيل الله وامـان الله ولـو انتـي تخونينـي انا اسف على الكلمه ولو قلـت لـك خوانـه

ولو انتـي تخونينـي تـرى طيفـك مكفينـي ولو.. كلمه.. لوّ اعربها على شطري بلا خانه

وذا طيفك عبر اضحـك لأن طيفـك يسلينـي لأن. طيفك يسليني تصيـر النفـس سكرانـه

ولا أصحى من السكره مدام الزيـن يبارينـي ياكيف أصحى ولي قلبٍ يهيـم بحـب خلانـه

انا منساك لو تنسـى ولـو انتـي تهجرينـي انا منهو طمس كلمة هجر في بحـر نسيانـه

على سنة رسول الله وفيـت الحـق ووفينـي انا مسلم ولي هيبـه وشـرع الديـن قرأنـه

انا شلتك على راسي ونظرة حب فـي عينـي تحملّتك ومن يقـدر يشيـل طويـق بمتانـه

انا ماجيت الك شاكـي ولـو انتـي تحبينـي صدى صوتك يناديني مـع البـراق وامزانـه

ومن صوتك فزع كلي ذكرت الحب وسنينـي ذكرتك والغـلا باقـي ورح الحـب هيمانـه

انا صوتك انا حبـك مـدام انتـي عشقتينـي انا عيني على طيفك وطول الوقـت سهرانـه

ومثل ما أبتـدي لابـد لـي كلمـه تنهينـي على صوتك ومن صوتك لقيت النفس فرحانه

انا قلت البيـوت وعدّهـا بالظبـط عشرينـي يقوله من وهبه الله شعـر..لا..ورث جدانـه

[ذبحني غروركـ]

أجيك من حر الزعل فاقد الرَّاي
مابيك تَسْمَع غير صوت النهايه

ولِيمَنْ وصَلْتك شفت بِعْيونك رْضَاي
قُمْت أَعتذر كِنْ الخطا هو خطايه