[النمر1012]

لو الأماني تعطي الرجـال كـل اللـي يبيـه
مانمسـي الا والطموحـات الكبـار مسنّعـه
ولو الظروف تروف واللي يبتلي تحسن اليه
ماكان في كل أربعة أشخاص يِبْلـون أربعـه
هذي حياه يعق بعض الناس فيهـا والديـه
والبعض الآخر لاقطعه أقصى المخاليق افجعه
ياليت تجرا ياخفوق تقول وش حنّـا عليـه
اللي معذّبنا نجـي ضـدّه أو نوقّـف معـه
الوقت مثل الكلمه العوجا على لسان السّفيـه
ميتين في الميّه لها ربكـه وتحـدث قرقعـه
قد قالها راعي المثل وأنا أجزم ان رايه وجيه
الوقت مثل السيف أمـا يقطعـك أو تقطعـه
هذي ثلاث مْن العمر مالَمْسَت ايديني يديـه
ولاقدرت آخذ من لسانه أوأطـرق مسمعـه
أحط عيني في عيونه واستشف الشوق فيـه
وأقصى حدوده لانوى التعبير /تحريك اصبعه
أول الأمر قلت الحيا عايِقْه ومعطّـل مجيـه
وأكيـد ودّه نلتقـي وأشيـا كثيـره تمنعـه
لكن بعد ماقمت أميّز بين وجهـه والوجيـه
ملامْحَه فلّت علـى فرقـاي كـل الأشرعـه
من يومها وآنا أدوّر بين خلـق الله شبيـه
والخافق اللي يشتكي نقص المحبّـه أشبِعَـه
وخْلاصة اللي صار حكمه وافتهمهـا يانبيـه
اللي يحبّك / حبّه أكثر / لكن ان باعك بِعَه

[أحاسيس]

في هالزمـن تقدر تقول ان [ المثلــث } مستقيــَـم !
وشي طبيعـي لو تقيــس // الدائـرة بالمسطره . . ~
وش بقـى دام الرجـال [ تنقل } علـوم الحريـَـم !
يعني عادي يوم // الخبــط بين رجال ومره . . ~

[النمر1012]

فلسفة شاعر يقول عكس مـا لا يفعلـون
حتّى نقطة النهايه في عيونه هـي بدايـا
والحكايه الصغيره مـع كبـار يقـرأون
لو سألتيني جوابي هالحكايه هي روايـا
والجمال اللي أسرني في عيونك يا فتون
لو سألتيني جمالك بسألك وشهو غلايـا؟
أسبقك في كل شيٍ لو تخالفنـا الظنـون
فلسفه كانت أمامي لا و لا صارت ورايا
وإن بغيتي هالصراحه من فؤادي لا تهون
والله إنك في عيوني تسوى عندي هالملايا

[الـشـقـاوي]

ليـتـك تـحـس بلـوعـة الـشـوق فيـنـي
حتى تعرف القلـب وش كثـر يغليـك

[النمر1012]

تبي تعرف العيد لاقالـوا العيـد
انظر دموعي يوم ذكرى غيابك

[سيوف بني عبس]

أقسى صباح العمر صبح .. إنكسارات ..!

إذا صحيت الصبح من حر ...> دمعه ..!

لــيـل قضــيـتــه بين هـم .. و ونـــات ..!

صحيت في خدك من الدمع ...>لمعه ..!

[سحايب]

يآ متآهآت الدروب ( الممحله ) ..
........................وين بآرحل ب الخطآوي للودآع ..
كل درب في عيوني ( اجهله ) ..
......................و كل خطوه في حياتي ل آلضيآع
اآه .. يآ فيني جوآب و اسئله ..
.......................و اآه .. يآ رجفة شعور الإرتيآع
مآ كسرني حمل , و الحمل احمله ..
......................مآ كسرني غير ضحكآت الخدآع !

[سيوف بني عبس]

شي مزعج لو يسآفر من تحب
رتب ثيآب السفر وانت تشوف


الحكي في هذي اللحظه صعب
المشآعر وين ووينك يا حروف