[النمر1012]

اتوب ... والله يالغلا مقدر اتوب
هالحب سجن وصار قلبي اسيره
اسير من كل الخيارات مسلـوب
خيار واحد .. مقدر اختار غيـره
يعني انا مالي سوى دربك دروب
بُعدك قفار .. ووصلك العذب ديره
جيتك ولو حبك غدى كله ذنـوب
جيت اقترف ذنبك بشرّه وخيـره
تدرين ماغيرك بهالقلب محبـوب
ومافي حياتي غير سيرتك سيره
اهواك احبك اعشقك موت واذوب
واضيع بك وتضيع منك البصيره
يامالكه قلبي من الصوب للصوب
يافاتنـه ياسـاحـره يامثـيـره
لو تدخلين القلب تلقين مكتـوب
( املاك صاحبة السمو الأميره )
القلب ملكك يابعد كـل رعبـوب
والصك بسمك بس انا مستعيـره

[سيوف بني عبس]

هذا المكان اللي بقى حي مامات
لاجتـنـي الضيقه تـوجهت يمه

جلست به لو هي دقايق ولحظات
وريحت قلب (ن) وارث (ن) همه

[النمر1012]

بس علموه انـي علـى عهـد الأحبـاب
وانـي لمـوت ولاقطعـت الرجـى بــه
وانـي لخلـي صورتـه بيـن الأهـداب
يمكـن بيـوم اقـراء بطيـفـه اجـابـه

[سيوف بني عبس]

ودّي أطقطق على الكيبـورد واتْسلّى
عسـاني القى معاكم مــايسلينــي


مـره أجيكم سعيـد وخـاطـري فلّـى
ومـره أجيكم ودمعـي فـي طرف عيني

[النمر1012]

كلمه بكلمه لين ركبت علينا
ماندري ان الحب ياناس هلّون
على طريق اهل المحبه مشينا
على قواعد راسيه مابها ظنون

[ذبحني غروركـ]

كاسٍ مليته بالوفـا لا تكـبه ..
........... خله يبلل بالوصل يابس الريــق

صبه بقلبي ثم ملّه وصبه ..
........... وإن كان ودك غـرّق القلب تغريـق

دام الهـوى راسي وراسك يهبه ..
........... خـذ سجةِ ترى زمـانك توافـيق

ترى حلاة العمر مع من تحبه ..
........... شخص يريدك عن جميع المخاليق !

[ناصر الرشيدي]

اقتباس من مشاركة النمر1012 ابعتذر دام الخطأ غير مقصود ودامك تعرفي قيمتك سامحيني سوالفي جت فلسفة شخص مقرود ولاتخدعك حكاية الصمت فيني قبل امس عدّت هم .. مامنها فود ماحركك دمع الشقا وافهميني خليت شانك بينهم ماله حدود قصايدي مادمت فيها تزيني والله لخليهم على شعري شهود مادمت حي ٍ والقلم في يديني لاصار دربي من قبل معك مسدود لاتستهين بشاعرك ياضنيني حبك وطن بالقلب ماهو ب محدود شيّد مبانيه الغلا في حنيني

رائع يالنمر ولامست الجرح
واسمح لي /
هي لها منّي مع باقه من الحب والتقدير

[النمر1012]

لبى قلب اللي عذبني بصوت ٍ حلو ترنيمـه حبيب ٍ لا طرو اسمه يزين الكـون بعيونـي
لبى روح ٍ غدت بيتي صفاها يشبـه الغيمـه ووفاها وابل ٍ امطر علي وانبـت غصونـي
حياة ٍ مـا بهـا غالـي تأكـد مالهـا قيمـه مثل ارض اليباس اللي بلا روح وبلا لونـي
لك انتي يا اغلى انسانه فؤاد ٍ منك توسيمـه فؤاد ٍ لو كتب يعجز يوصّف كـل مكنونـي
يا ارق احساس بالدنيا وجوب ٍ منّا تكريمـه ونهديه الغلى أشكال عزيز ودوم مصيونـي
على ايدك عرفت الشوق ومنْك اتقنت تعليمه إلا منـك تدللتـي اضيـع بلحظـة جنونـي
اذا غبتي احس الكون تغيّـر بـه مفاهيمـه غريب وتايه بديره واحس النـاس باعونـي
سرحت بفكري من بعدك لقيت بجوّه تعتيمـه ولقيت الناس ما قدروا عن غيابـك ينسونـي