[أحاسيس]

عطني مبرّر لـ الضياع .. وهمـّـي اللي ما غفا ..
والضيقه .. اللي كل ما أخفيتها .. ترجع .. تبين ..!

واعطيك ..( قــ ــلب ٍ ) لا سألته عنْـك .. تأتأ واكتفا ..
بـ( الخفقه ) اللي لا خطرت فـ بالي .. تشتاق وتلين ..!

[سيوف بني عبس]

ماعمر الزمن حقق بخاطري شي
حكم القدر جعل العوض بمقبلات الليالي

[النمر1012]

لبى قلب اللي عذبني بصوت ٍ حلو ترنيمـه حبيب ٍ لا طرو اسمه يزين الكـون بعيونـي
لبى روح ٍ غدت بيتي صفاها يشبـه الغيمـه ووفاها وابل ٍ امطر علي وانبـت غصونـي
حياة ٍ مـا بهـا غالـي تأكـد مالهـا قيمـه مثل ارض اليباس اللي بلا روح وبلا لونـي
لك انتي يا اغلى انسانه فؤاد ٍ منك توسيمـه فؤاد ٍ لو كتب يعجز يوصّف كـل مكنونـي
يا ارق احساس بالدنيا وجوب ٍ منّا تكريمـه ونهديه الغلى أشكال عزيز ودوم مصيونـي

[سيوف بني عبس]

تولعت بــك والله كـتب لـي علـى فرقــاك
حسبي علــى الحظ الردي كأنه اشقانـــي

[النمر1012]

اذا غبتي احس الكون تغيّـر بـه مفاهيمـه
غريب وتايه بديره واحس النـاس باعونـي
سرحت بفكري من بعدك لقيت بجوّه تعتيمـه
ولقيت الناس ما قدروا عن غيابـك ينسونـي
رجعت لواقعي بصرخه يا ريمه انتي يا ريمه
دخيلـك لاتخلينـه خفـوق ٍ فيـك مفتونـي
خفوق ٍ لك من اوتاره عزف اروع تقاسيمـه
وبحروف ٍ لجل عينك تغنت بأجمل لحونـي
لبى قلبك بعد عمري لبى روح ٍ كما الغيمـه
حبيب ٍ لا طرو ذكره يزين الكـون بعيونـي

[سيوف بني عبس]

يامعدى المرقاب خله لمشتاق**وخر وخل معذب القلب يرقا
ياليت ربى ماخلق حب وفراق**والا خلق حبن على غير فرقا

[النمر1012]

والله إني في غيابك مثـل مجنـون ٍ ذكرتـه
يوم خلته الحبيبـه قـام ينـادي الكـل سعـاد
يا غلى الدنيا فديتك هـذا حبـي لـك وهبتـه
لا قديم ٍ قـد ملكنـي ولا بعـد ربـع ٍ جـداد
كان لي ذرة معز ّه هاتي قلـب ٍ قـد عشقتـه
عيشيني فـي سعـاده بالرضـى او بالعنـاد
راضي في حبك حياتي لو عذابي منك ذقتـه
راضي ابحلوك ومرك راضي لو جرحك وداد

[سيوف بني عبس]

ياسحابات اشتياقي امطري براحة يديه.. اكتبي له إني دايم افقده وأوله عليه