[سعد بن عادي]

.
.

يا وطن شف حالة البؤس بوجيه الشباب
البطاله واضحه.. في عيون الصامتين
ورب مكه.. يعشقونك بلا وزن, وحساب
وصمتهم من زود حبّك.. جعلهم خايفين
إفتح ابواب الوظايف.. ترىَ صوتك مُجاب
لا نخيت اِقلوبهم.. جاك طيب الاكرمين
كلّهم ضدّ العدو.. ضدّ من ينويْ خراب
في رحابك.. وانت تعرف.. وحنّا عارفين
شوف حالتهم قبل يعتريهم إكتئاب
إستَح, اِستَح ياوَطن من وجيه الصامتين
.
.

[سعد بن عادي]

عبير الـورد ، لاتنسـى تلـمّ الخافـق المنثـور

اخاف الريح تسري به ، قبل ما توصـل اطيابـك

وانا مانيب حيّا الله رجل شرقـي ، غرامـه زور

وربي لو نـوى ..نسّـاك حبـه جملـة احبابـك

احاول ، واتمنى ، وارتبك ، واعشق بدون شعور

لكنّي مستحيل اطيح من عينـي ..علـى اهدابـك

وش اسويّ ! ليا كان الزمن قاسي ، وصدري بور

وانا لي عام ، شايل قلبي وواقـف علـى بابـك

[سعد بن عادي]

قلبي خضر وأعترف ماني على النيه
وماني من اللي يتحمل ، زلته وإثمه
مايقدر الرجل يمنع ( طيشه وغيه )
لا جاته الابتسامه من ورى اللثمه !

[سعد بن عادي]

[ سلامتك ] من كل .. ( عارض صحّـي )

يا أغلى البشر و أوفى البشـر .. و أكرمهـا

لي ( أكرمي ) , ولا لـ.. غيري ( شحّـي )

عن كل حاجه فيك , كنت .. [ أحلمها ] !

و إن ضاق [ صدرك ] من همومك .. كحّي

بـ.. أستنشق [ أنفاس التعب ] , و أكتمها..

في [ وسط صدري ] من .. غلاك و شحّـي

على ( خصالك ) .. جعلني .. ما أعدمهـا !

[سعد بن عادي]

يامدلـله :
عندي سؤال بكلمتين .!
يدور في بالي ولا أحدٍ يسمعه
الشاعر اللي في عيونه ( دمعتين ) ..|.. يهلّها .. والاّ .. يخليها - معه .!؟

[سعد بن عادي]

ما عدت ادآري لرغبات البشر والشعور
لو اطرحت في حسابي بالحكي وجمّعت
الوقت دارت رحاتـه والليالـي تـدور
وعيون الايام من هول العبـاد دمعّـت
ما عاد به فرق ما بين الغنـم والنمـور
لو تجتمـع فالحديقـه كلوبهـا رعّـت
تغير الوقت واقفى مـن دبـور لدبـور
شف كيف شفت الثعالب بالذياب طمّعت
وشفت الحمامه تبى الهده سواة الصقور
ما هي على خبرنا ان زاد الحنين سجّعت
وشف الذكاء بالصغار الي تحب الظهور
يا حيلة الله على اكتاف الكبـار طلعّـت

[سعد بن عادي]

وين انت .. عندي من الايام شيٍ كثيـر
جاني بها الوقت ساري... في بطون الليال
تعال .. قلبك كبير .. وعزم قلبك كبير
الحمل ماله مكان .. الا ظهور الجمـال
ياوقتنا تضحك وتبكي .. ووضعك مثير
مدري يثير الجدل .. والا يثير السـؤال
لكن بالمختصر ياوقت .. مافيـك خيـر
ولا فقربك امل .. ولا وراك احتمـال
الا تذل الكريم .. وترفع اسـم الحقيـر
ولا تعرف الحرام .. ولا تعرف الحـلال

[سعد بن عادي]

.
.

هـي عبـرة ٍمـن عيونـي/ تطلـب المستـحـال

لا نـلـت مـنـهـا مـــراد / ولا ابـرحــت نـايـلـه

لا استسلم القلب مع صلف الهوى واستمال

نــادت لكـسـر الـشـمـوخ/ وجـتــك متحـايـلـه

يالصبر وش تحتري / حتـى يضيـق المجـال

لـو مــا افصـحـت عــن هدفـهـا /كنـهـا قايـلـه

تهـشـم الصمـت/مـن جـمـر الحـنـايـا وســـال

يـرفـع مــن الـدمـعـه الـلــي/ للـسـقـوط آيـلــه

واستنـفـر الـبـوح /واهـتـزت بجـوفـي جـبـال

مـن كثـر مـا ابـطـت /ظلـوعـي للعـنـا شايـلـه

اشوفهـا فـي حشـى صـدري ســواد الخـيـال

سحـايـب ٍ/ قـبـل مـــا تـمـطـر وهـــي سـايـلـه

وانا اعرف الظيقـه الـي/ كبـر ثقـب الخـلال

مـهـمــا تـغـاظـيـت عـنــهــا طـايــلــه/ طـايــلــه

لا عاد تكّلف جهّد روحك/ يا صدر الشمال

وش لــون تخـفـي ملامحـهـا /وهــي حـايـلـه

ماهـي علـى شمسنـا اللـي/ قـاربـت لـلـزوال

لا والله الا الـحـظــوظ الــلــي بــعــد مـايــلــه

الــوذ بحـمـاك يــا ربـــي عـلــى كـــل حـــال

عـــن نـيــة تـقـطـع افـجــوج الــخــلا عـايـلــه