[سعد بن عادي]

يا حلو عيونك اللي من حلاها كل عرق ٍ فاق

لها تأثير واضح فالقلوب .. ورمشها دآمي

نعم جيتك من اللهفه على شوفك وانا مشتاق

اكحل بك عيون ٍ دايماً تلمحك قدآمي

لا تسألني عن احساسي معك بالذات كيف انساق

تعال اسأل عيوني كيف تشبع منك فـاحلامي

[سعد بن عادي]

.


يا روس الاقلام /لا ضاعت يدين الشريف
وش فايده / لو هزم حملك متون الورق
تلتف الانظـار/من حول الدقاق الصخيف
ما كنه الا بشاير نور شمس ٍ شرق
الله واكبر على الدنيا / وفصل الخريف
ما كن ربي خلقه/ الا يحت الورق
علمني الوقت كيف القى لنفسي مصيف
وعلمته /انه جحود / ولا عطاني سرق
سمو حرفي /ما اشوفه في عيون الكفيف
همول .مزن ٍ على متن الدياجي برق

[سعد بن عادي]

.

.

الزمان ان حد نفسي على اقصاها
علموه ان الجبل ما احتّرك ثابت
لو هزمها الليل واقفت مطاياها
ما تسيل دموع عيني ليا غابت
سيدة حرفي / وانا كلي اضماها
لا استّمد الصبر من عرقها النابت
لا تنفسها القصيد/ وتمناها
وانحى لي هاجس الشعر ما خابت
كن خطواتي مع الوقت تجفاها
شمعة ٍ ولعتها شوق / ما ذابت
كيف تلقاني / وانا كيف بلقاها
لا التطم موج البحر يمها / هابت
ابتعد عنها / غلا / واتحراها
والامل مفقود والنفس /ما طابت
ضاعت /احلامي / وانا اجمع بقاياها
كني الي مد دلوه / ولا جابت

[سعد بن عادي]

.
.

لاهب ريحك يا سماء الشوق مرسول = ماجور يا هم ٍ بقلبي طويته
طبع التمني يا رحا الوقت مقتول =ما عشت في رجوى الامل واحتريته
لو ينكسر بي حاجز الصمت للقول= بعض الكلام اخجل منه لا حكيته
حتى لو امسي تاية الفكر مشغول=همي مع اشراقة صباحي نسيته
ما ترجم احساس المشاعر / رجى زول=ولا كل حرف ٍ بنتشي لا قريته
الليل ترسم وحشته حب مجهول = لا تعّبت الخطوه / وانا ما لقيته
اقسم برب ٍ جمّع الجمر واللول =مع مشرب الماء/ في مكان ٍ ضميته
اني مع السجه مسرح على طول= ولا فيه ليل ٍ موحش الا سريته
اصبحت ما ادري من عن القلب مسؤل =والمشكله ما ادري من اللي عطيته
وانا لو القاني من الحول للحول =قدام يحويني / زماني حويته

[سعد بن عادي]

.

.

الشال/ واالسلسال/ والدبدوب
يا لليل/ حدثني عن البارح
لحظةٍ فيها الشموع ا/تذوب
يوم القمر جنبي /وانا سارح
ما عدت افكر/ كيف انا مسلوب
اخاف من صبحي / وانا جارح
اقول /يمكن اني جنيت/ اذنوب
لو الزمان لوضعنا / شارح

[سعد بن عادي]

.

اسف/ ما هو قصدي/ ولا ودي اجرحك= انا ليا حبيت / فيني طبيعه
اتجسّدك / واتنفسّك / واتوشحك=وتصير من بين البشر فـ /الطليعه
وتغيب عن ناظر عيوني / وانا المحك= لاشفت دقآت المعلق /سريعه
في خاطري / من خاطري/ ودي انصحك= لا غبت / خل القلب عندك وديعه
وان كان ما صنته / تراني مسامحك= لكن ترا حفظ الامانه /شريعه

[سعد بن عادي]

.

.

اسدل علي الصمت/ ياساتر الليل
جنيت / من شر الصداقه / ندامه
غنيت/في راس الطويله مواويل
عسى السلامه / تنشري بالسلامه
يارب جنبني هل القال / والقيل
في طاعتك / حتى تقوم القيامه
في مهجتي /حرفٍ عسف داخلي خيل
يطيح/ مع دربه ثمانين هآمه
اسوق/من نبع المشاعر /فناجيل
مضمونها من طيب ذات وكرامه
اخذ من الوقت المقفي تفاصيل
واشوف فـ انصآف / الليالي علامه
تذوب شمعه/ في رجا نور قنديل
ويهز غصن الباسقات /الحمامه
ما كل من يزرع/يشوف المحاصيل
وشمس الضحى يمكن تضيع/ ابـ غمامه



,

[سعد بن عادي]

نخيتك ياعظيم..تهز عرش المعضلـه وتطيـح

تصاغر لين تصبح فالوجود اشبه بـلا شيـه

كريم ومدتك للي كسته الضايقـه ترويـح

ومغفرتك لراع الذنب من شمس الخطا فيـه

انا عبدك واعبدك واكثر التهليل والتسبيـح

خضوعي لك عسى تغفر خطاي وتدمح السيه