[نايف ابن عليثه]

في زحمه اوجاعـ صدري من مشاويري !!
... ... شبيت ضوي ولا ادري وينها دياري !!

[سراب الحب]

,’,
.
.
.
أجَاوبْ اللِّي يسْألني عَنْ أخْبَاري وَأقولْ بخير
وأنا لا خِير بغيابكْ .. ولا حَاجَه .. تهنيني
على طاريكْ كِلْ لحظه .. ولا أحتاج للتذكير
حَريصْ القلب ما ينسَى عيونِكْ , لا توصيني
.
.
.
,’,

[النمر1012]

في كل شئ مرتبط فيك مملوح
حتى عيوبك شلتها داخل النون
واطرب لصوت فيه نغمه ومبحوح
وطيف ملازمني ترى وين ماكون
وعطر بقى في كف يمناي له فوح
ولاهتم بالعذال مهما يقولون

[سراب الحب]

بطّلت [أحبّ] وأعيش دنياي مرتاح ..
حتّى الهوى غيّرت فيه اتّجاهي ..
لا حزن لا دمعة ولا ذلّ وجراح ..
لا قلب مشغول ولا فكر ساهي ..
بدّلت كلمات [الغزل] جدّ وصياح ..
ماعاش من يقدر يعكّر مزاجي ..
أباخذ الدّنيا [دلع] ، [لعب] ، و [أفراح] ..
أبغى كذا أعيش دنياي [لاهي] ..

[نايف ابن عليثه]

صبااحك الخير وانت الخير وصباااحه
صباااحك لحااالك ياا اغلى من خلق ربي

[بنت السلاطين]

سوا اللي براسك ولا تذكر اسبـاب ...!!



سوا اللي براسك ولا تذكر اسبـاب
لا صرت بايعني توكـل علـى الله
مابيني وبينـك مشاريـه وعتـاب
شف دربك اللي جيـت منـه تدلـه
ماراح تغلبني لـو الحـب غـلاب
من حضرتك عشـان قلبـي تذلـه
في ذمتي لجعلك عبـره للأحبـاب
لين الخليل يتوب عن جـرح خلـه
زلاتك اللي مانفـع فيهـا احسـاب
لاجيـت اعددهـن ثمانيـن زلـه
احرجتني بين القرايـب والأحبـاب
كن الجفا سيـف بوجهـي تسلـه
ماكنت أقصر فيك من كثر الأعجاب
يومك تساوي عندي الكـون كلـه
كنت القريب وكلهم كانـوا اغـراب
حتى القمر لاغـاب شفتـك محلـه
خلاص لاترجع ترى خاطـري طـاب
الخآطر اللي كنـت عايـش بظلـه
راح واعتبرني واحد اذنـب وتـاب
مانـي بثـوب تلبسـه ثـم تملـه
مايجتمع بالحـب صـادق وكـذاب
رزقي على الله وانت رزقك على الله

[النمر1012]

ضميان أنا لي سنينً والغدير بشفاك
ياحظ ضامي ورد هاك الغدير وشرب
وأهداك وردة غلا وإحساس نبضه معاك
أنا أشهد إنه موفق من لِقلبك قرب
تكفين بلي عروق القلب من عذب ماك
فدوة عيونك هل الأرض العجم والعرب

[أحاسيس]

تعبت أشكي تعبت أبكي تعبت أحكي مآسي الروح . .
قتلني الوقت بصروفه ذبحني وجفف نهاري . .
أخبي علتي وأسكت وأنا في داخلي مذبوح . .
أجامل وأرسم الضحكه وأنا قلبي على ناري . .
أحاول والله يعلم بي أداري دمعتي لا أبوح . .
أداري الجرح وأتجاهل عن اللي ينشد أخباري . .
أقول بخير لكني جريح وفي حشاي جروح . .
صداها لو دفنته يوم يبين سنين بأنظاري . .
صرخت بحسرتي يكفي صرخت بصوتي المبحوح . .
ألا ياوقت وش ذنبي عشان الفيك باعذاري . .
تبعثر حلمي قدامي وغديت بدنيتي منزوح . .
وقفت ولا قدرت أجمع مغير مشتته أفكاري . .
أمني النفس وأخدعها وأقول إن كربتي بتروح . .
وهي والله مولوده قدر فأرحام أقداري . .
قتيل والبقا براسي في دنيا مابها مصلوح . .
قتيل والقهر قاتل من اللي ياخذ بثاري . .
أبا ببقى ضحية وقت أعاني والعنا مجروح . .
دعيت اللي خلق يرحم رجيته ربي الباري . .
أبي أسعد أنا بلحظه قبل نزعه توافي الروح . .
قبل مارحل عن الدنيا وأروح لاخر دياري . .
أنا بحمل صديد الجرح في باقي وقتي المسموح . .
وإذا وافتني القدره ترى هالبيت تذكاري . .
رثاني دمعي الطاهر في صمته مارضي بالنوح . .
رثتني قسوة الدنيا ورثتني حتى أشعاري . .
وجزت اللي ذبح قلبي وعشته بالخفا مشروح . .
لجل ماضعف بعين اللي نشدني كيفها أخباري . .