[بنت السلاطين]

صباحكم جوري وكاااادي

كانك نويت المفارق قصدك التوبه


الله يرجع عليك أكبر شياطينك

[النمر1012]

صباحكم نور وسرور منورين

دام التظاهر يغيرها قلوب البشر
برفع شعار (( التظلّم )) لين تتغيري
وان كان ما حن قلبش لي .. اببقى شهر
في ساحه الحب .. اهيجنها على السامري
واكتب بلوحات ( لا للبُعد ) ( لا للهجِر )
( ولا لظلم الحبايب لو جري ما جري )
وبيأيّدوني .. منو مثلي بقلبه قهر
ونصير ( جمهور ) يدري فيه لي ما دري

[بنت السلاطين]

صبااااحك أحلى00*_^

عساه يرده اللي رد ركان بن حثليـن

من التـرك لديـاره وللـي يتحرونـه

هذاك ان رجع عقب البطا ناذر نذريـن

اني اسامحه واني مع الوقت ما اخوانه

[النمر1012]

بسّ لو تبغي الصراحه والاكيد
لهفتي لك .. مالها حدود ومدا
من شغفها .. لو بناديه ايّ حيد
ردّ (( يالبيه )) ويجيب الندا
ومن صدِقها .. لو دعت للخير سيد
أظلم الظّلام .. صدّق واهتدى
شوف حتى الفرح باين فالقصيد
من كتبتك .. فرحهم ماله مدى
فرحهم .. فاق الفرح في يوم عيد
فرح محكومين من عفو العدا
بسّ لا تَحسب نسيتك لو بعيد
ما يضيع الحب فالنشمي سُدى

[بنت السلاطين]

قلبي حديد .. وجمجمة راسي .. اسمنت
ومشاعـري ماهيـب للحـط والشـيـل


مدري من اللي صكّني بعينـه .. ولِنـت
وخلاّني اشرب من ( غسول الفناجيل ! )

[النمر1012]

ترى ماهو كلام بطيب نكهه
لو اخسر دنيتي لجّلك وجاهي
لأنك غير .. شوفي فيك .. نقهه
وصوتك يسحب الآمي وآهي
ويكفي لا ضحكت وقلت (( هه هه ))
اصير اسعد من اللي فالملاهي
ولكنّك معي عايش بنزهه
على كيفك تجي لو ماْ انت ساهي
دخيلك .. شوف كيف العشق فقهه
تعمّق فيه .. وانّصفه انتباهي
وطبعك فالتناسي حاول انّهه
وضمّ اشواق .. فيني بك تُباهي
ومن صوبي مدام النفس ولهه
اببقى لك .. لو انته عاد لاهي

[بنت السلاطين]

خلني افضفض لين .. افـوّر دمّـك

والعب في حسبة خاطرك .. واحوسه

واضايقـك .. واشتّتـك .. والمّـك
ويمكن مشاعر ضيقتي .. معكوسـه

شفني على اني قمت ازوّد .. همك!
محبتك فـي مهجتـي .. مغروسـه

حقي عليك .. انـك تسكّـر فمّـك
وحقك علي اني اجي ..(0000000)

[النمر1012]

الجوّ روعه .. والغيوم ملمّه
واستبشر اللي للهمايل ضامي
حتى انّ قلبي زاد جارف دمّه
الين جا حسّ القصيد الزامي
واطلقت فكري للهيام بهمّه
يوم ان طيب الجو زاد الهامي
قلت الا هذا اليوم.. مابه غمّه
دبك الفرَحّ.. رجّاج وسط اعظامي
البسط قمّه .. والوناسه قمّه
والسعد من خلفي ومن قدامي
واليوم قلبي عاد طار همّه
ماهمّ... لو هاليوم فيه اعدامي
دام الغمايم فوقنا ملتمّه
واشوف هالساعات .. احلا ايامي
شعور غير .. واْحطّها فالذمّه
ما كنّي الا عايشن باحلامي
حتى النسيم استلطفه وآشمّه
ما كنّه الا عود والا خزامي
وآحسّ هذا اليوم عيد الأمّه
يوم(ن) يُضمّد فيه جرح الدامي
ما ناقصنّي غير حبّ آضمّه
وافرح معه في يوم جوّة سامي
لكنّ من بُعدة .. عجزت آلمّه
وبدال ما ضمّه.. حضنت اقلامي