[ذبحني غروركـ]

يطري عليه الوله .. وأطري على باله!
يامرحبا لاضوى خلي على بابي ..!

[النمر1012]

يسعد صباحك
يسعد صباحك .. ليلنا تو ماجا
الشمس غابت واشرقت عندكم ... شمس
هى شمسنا اللي في جبينك تلاجا
والا قمرنا اللي فقدناه من امس
لليل السما برد وسحاب وعجاجا
يامن يشب النور .. في الخاطر العمس
انتى وانا لو كنا نتناجــا
لاماطفت في خاطري .. شمعه الهمس
يالى جرحتك ... مالجرحي علاجا
ادري الجروح النازفه تكره .. اللمس
بقول احبك .. وان عقدتى الحجاجا
!!اقولها ثنتين واربع مع خمس ..؟
ويسعد صباحك يابعد كل ماجا
ماراح من عمري .. وانا في رجا الشمس

[ذبحني غروركـ]

طرد السراب لمن يحسبه ما ماهو مشكله
المشكله طرد السراب لمن يعرف انه سراب !!!!

[النمر1012]

يسعد صباح الشّهْد يا احلى من الشّهْد
يسعد صبـاح الـورد ياعبـق ورْدَه
صبح ٍ سطى نوره على مشرق الخد
ياسعد منهو يصبـح الصبـح عنْـدَه
بالود سلهم غـازي ٍ راعـي الـود
أموت أنـا باللـي غزانـي بـودّه
من جد لو صار الهوا ساعـة الجـد
والله لعيشـه والهـوا بـااح سـدّه
اظلمه لو وصفي وصل لأبعد الحـد
حيث الحلا من وجنته طـاف حـدّه
والقد والله يابعـد حيـي يـا القـد
ريم ٍ سحرني ياعـرب منهـو قـدّه
له نظرة ٍ كن البحـر بـأول المـد
اهيـم فـي بحـر ٍ جرفنـي بمـدّه
والمبسم اللي غـار منـه الزمـرد
يفطر فـؤاد اللـي حلـف مايهـدّه
لو قلت انا بصـد لا مقـدر آصـد
من اول حروفه هلا كيـف اصـدّه
اشتاق شوق ٍ شاق حر ٍ على الهـد
مشتاقلـه شـوق النسايـم لـخـدّه

[ذبحني غروركـ]

ما طاق قلبي فرقى الأحباب ما طاق,,,
كنّه كبير السن لا راح جيـــله ....!

[النمر1012]

عيدي يابنت قرم(ن) في حِماكـم
حي عيد(ن) قربكم يابنـت حيّـه


سعد عين اللي نهار العيد جاكـم
شاف زولك ثـم بادلـك التحيّـه


شاف زينك كَحل عيونـه حلاكـم
ياحلا قلبي حـلا ماشفـت زيّـه


عيدكم مبروك من قلبـي وهاكـم
صادق التعبير و ورود(ن) نديّـه


من مشاعر عاشق(ن) قلبه هواكم
ساقها وإهـدا ولا يبغـى جزيّـه


عيده الثالث تـرا لحظـة لقاكـم
فيك أنا مجنون لا تشـره عليّـه


والسفر قرب وأنـا قلبـي بكاكـم
قبل لا ترحل وانا عينـي شقيّـه


لكن المقسـوم مايمنـع عطاكـم
نرتجي في وصلكم اخـذ وعطيّـه


كان سافرتوا تـرا قلبـي معاكـم
عندكم ياصاحبـي واخـذه هديّـه


فدوتن قلبـي وانـا كلـي فداكـم
واعذرونا كـان قصرنـا شويّـه


جعل سيل(ن) يامنى قلبي سقاكـم
من حقوق الوسم وامطاره قويّـه


في ديارك او ديـار اللـي لفاكـم
عدة أيام(ن) على صبح وعشيّـه


والفياض الخضر تصبح في وطاكم
تصبحين سهيـل ياأحلـى بنيّـه


شف قصيدي يا بعد عمري نصاكم
في نهار العيـد ويعايـد خويّـه


عيدكم مبروك والمولـى رعاكـم
يحفظك ربي من عيـون البريّـه

[وحيد]

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

[النمر1012]

خوة مغذين الفكر تعتبر كسب
وأعرف إللي جاهلٍ ماعرفها
حنا تجمعنا من الشرق والغرب
نبني صروحٍ مايزعزع طرفها
كلٍ يغرد نغمته داخل السرب
نغمة أدب كلٍ بفنها عزفها
والبعد في جمع المعزه غدى قرب
جمعت شرف خيم علينا ترفها
اطلب من الله جمعنا يسعد القلب
ونصير اسره ساميه في هدفها
والله يفرج كرب من داخله كرب
ويخف حر الدمعة إللي ذرفها