[الـشـقـاوي]

ليه احنا في لحظة عتب .. نفتح لابواب الالم مليون باب ؟
وليه التصافي انعدم .... والشك يملاها العيون ؟

وليه السعاده تختفي ... والمرّ أصبح عندنا أحلى شراب ؟
وليه التفاهم اختفى؟ ... وليه الهوى أصبح جنون ؟

وليه النهار أصبح ظلام؟ ... وليه الامل أصبح سراب ؟
وليه العناق أصبح فراق؟ ...وليه الدمع غطى الجفون ؟

[النمر1012]

خابرك منته راعي هياط وغرور
ولالاتحب اللي تناسى صديقه
اللاعب إن صابه لحدّات وكسور
ماظنتي يقدر يفوّز فريقه
والذيب يتقن لابغى حاجه الدور
ماوالله يلقى له دروبٍ تعيقه
وأنته كما ذيبٍ ولافيك مقصور
حرٍ ولد حرٍ علومك طليقه
الصدق صدق وتعرف الزورهو زور
إتحب شي .. وشي منته تطيقه
يعني تحب النور والنور لك نور
تعشق صعود الشامخات الشهيقه
يجوزلك صالح .. ولايجوز محظور
فاهم ونفسك ماهي نفسٍ غريقه
نصيحةٍ خذها بلا فلوس وأجور
جتلك من إلسانٍ طوى الحر ريقه
خلك مع أهل العرف والطيب والشور
ما للأنيق إلا ثيابٍ أنيقه

[الـشـقـاوي]

مدري نسيت أذكـر وأجددبك الام
أوقلت أفضفض بالقصيد وتماديت
والى ذكرت لحون قيثار الايام
ونوح الحمام لصوت ذكرى وجاريت
بنفس الاسامي يوم غنت من اعوام
بس القلوب تغيرت يوم ناديت

[النمر1012]

ياخوي كأنك تجهل أمور وأمور
هاك النصائح واستمع لي دقيقه
منتّه على بعض المخاليق مجبور
ولنتّه من اللي يجهلون الحقيقه
إحذر.. تماشي لك من الناس مطيور
بعض البشر لازم تحاشى طريقه
خلك مع أهل العرف والطيب والشور
ما للأنيق إلا ثيابٍ أنيقه
اللي لهم عزه وشأنٍ ومنظور
مافيهم اللي ذل يومٍ رفيقه

[الـشـقـاوي]

على كف الغرام اللي .. سكت في لحظة التوديـع
على درب الفراق .. ودمعـة المحـروم وآهاتـه



جلست أجمع فرح عمر ... وسنين ٍ ما لها تجميع
وأقول الله على غالـي .. تبـي تبعـد مسافاتـه



أنا كيف أتركه يرحل .؟. وأهيم برحلـة التلويـع
وكيف أترك وليف ٍ لي ... وكيف أثنـي قناعاتـه



وأنا ما أظن ّ لي قلب ٍ ... على هم الفراق يطيـع
وأنا ماظن ّ به قلب ٍ .... يعيش بدون نبضاته

[النمر1012]

قمت اشوفك يالغضي بكل الاماكن
طيفك الجذاب ما يبخل علي
لو تجيني بالمسا والليل داكن
نور وجهك يقلب الظلمات ضي
يوم غيري يصيح و عيونه تباكن
ما شكيت الحال و انت تحس في
لو تبي عيني حشا ماقلت لكن
تحت امرك يالغضي هذي وذي
من عرفتك دايمٍ والجو ساكن
عن سموم القيض واللاهوب في
مذكر ان عروق شرياني تشاكن
كيف ابشكي وانت يالمجمول لي
والله انك داخل الخفاق ساكن
من عرفتك وانت عندي كل شي
كل ماغنى ابو نوره الاماكن
انت والله بس من يطري علي

[الـشـقـاوي]

في خـاطـري حـاجـه ولاأدري ويـش هـي بالـضـبـط

ولانـي قـادر أكـتـمـهـا ولانـي قـادر أبـديـهـا

[ذبحني غروركـ]

كل جـرح و له دواه .. إلا الجــروح الخافيـــه
و انت تـدري بالجـروح .. صغــارها و كبـارها

و العـروق من التغـلّي و الجفـــا ضــاميه
خلّهــا تــارد على بحـور الهــوى و أنهـارها