[أبو نوح]

ولربَّ نازلةٍ يضيقُ بها الفتى=ذرعاً وعند الله منها المخرجُ

[النمر1012]

صاحبي ... والحزن والليل الطويل
وإنسكاب الدمع ّ لا فاح .. القهر
السهر ّ يطوي سنيني .. والحصيل ؟
ماجنيت امن السهر .. ألا ّ .. السهر
وين أبهرب .. وانت ّ غايه .. والسَبيل ..
كل مالديت .. زولك لي ظهر
قد غفيت بحضنك البارد .. مقيل ..
قد خذيت أنفاسك العطره .. عطر
لك عناقيد الغلا يمك .. تميل
وانت ّ ..؟ ميّلت لي غصن ّ الهجر
اذكر اني جيت لعيونك .. دخيل
واشهدن منهو دخل بك .. ماخسر
من عنا بعدك تعذّبت ونحيل
والليالي كلها ضيقة ... صدر
يا كثر ّ .. ما ضعتّ لو كنت الدليل ..
الحذر ّ مارد ّ ياعمري .. قدر
ذكرياتك ... وإبتساماتك .. وليل ..
والسوالف ... والرسايل .. والصور
ماقدرت انساك والقالك .. بديل
اشهدن قلبك على وصلي .. حجر
أه .. يا شين إنكسارات النخيل ..
وآه .. يامقسى الكبير إليا .. صغر

[عنقود البدو]

انااا لي قلب مايحقد ولا يحسد ولا يغتاااب
لان الناااس من تخطي لهااا رب يجـازيهااا

[عقيد المدرهمات]

لضاق صدري قلت يا قاسمة خير = = = صار القدممشي على غير داعي
والله ما غير اسخر القاف تسخير = = = ما دوب العصا لين طاعي

[عنقود البدو]

بيني وبين الحظ غربة ومشوااار
همي سنة وافراح دنياااي ساعة

[رواية]

لا تسالوني وش جرى في حياتي
خلوا همومي بالحشى مستقره
الصمت ثوبي و المواجع عباتي
والحزن كله وسط قلبي مقره
لو استعيد بواقعي ذكرياتي احيا
و اموت في الثانية الف مرة
همي يجيني من جميع الجهاتي
تجاوز حدود الفلك والمجرة

[النمر1012]

لوسريت بهاجسك ابعدخيال
لو رسمت الليل لعيونك حدود


اوجنيتي المر من صعب المنال
اوعرفتي من الاماني كل زود


ماهو فَخْر ولاغرور ولا ختيال
بس شي من الامر فيني يسود


بيدك انتِ ارتوى ضيم الليال
بدد اطياف الاماني والعهود


كان قلبي طيف وعيوني ضلال
تحتويك بشوق من عطفٍ ودود


الوله والشوق ودروب الامال
والثواني الناظره لهفة وجود


كلها كانت لوصلك ارتحال
جاوزت من صعبها كل القيود


ماجنت من جهدها غير المحال
في مسارٍ ضاقبه صدق الوعود


من هجيرك غاب صوت الاعتدال
سار فيني يرسم إحساس الجحود


خطوه خطوه 0 انتهى جموح الجدال
الي يفرض كل شوقٍ لك يجود


صارلي بالبعد عزة إمتثال
يرتقي بي دوم لسفوح الصعود


كل ذاك الود وشجون الوصال
غاب فيه الضي بحضان الصدود


لونثرتي الطيب فدروبي وطال
ماضن الوقت لأحوالك يعود

[عنقود البدو]

يقولون العرب صدر الشمااالي مايضيق بساااع
وانا اقول الصدور اليوم ماا عادت شماااليه
بدت في داخلي ضيقه عجزت القى لهااا مطلاع
تغيب وترجع وترجع تغيب ومالهاا نيه
عمتني كلمة جتني وضقت وضاااق صدر القاع
الا يالله لاتجزى غشيم قااالها فيه