[سحايب]

ابيع مايغلى على الكون واشريك
واسوق لى جتنى علومك بشاير
وآخذ من ايامي لك ايام واعطيك
وان راح عمري لك فلا هو خساير

[النمر1012]

إزرع الحب في صدري ياعذب النسايم
وان جنيت الغلا جامح ويفـداك كلـه


اقهر العاج والرمان والوجـد هااايـم
خل عود القصب لاملت يبكي محلـه


انت نور الصباح اللي عليـه الظلايـم
مايغطـي سنـا نـورك ظـلامٍ تفلـه

[سحايب]

القلب طير لادعـي للهـوى حـام ..
.. والا انت وكره من كثـر ماهويتـك
كن العيون من النظر عقبـك ايتـام ..
.. وكني ماريت الا انت من يوم ريتك

[النمر1012]

ياهـوه يامياسـة القـدّ يـاهـوه
ربـي بحبّـك ياعنـودي بلانـي
وصار الغلا طفل انتي امّه وانا ابوه
راعيه راقد بين عـوج المحانـي
وتَرَفِّقَيْ بَصْغَيِّـرْ السـن ياهـوه
طفل الغلا مابـي عيونـه تعانـي
خليـه متريّـح مــن الأه والأوه
خليّه عايش بالصـدر جـوّ ثانـي

[مروان الرشيدي]

،


هذا الشتا..وشـقصّته في خلاياي؟!
..........................ياما تـوسـلت المسا.."كونحامي"


ابيك تلمس لهفتي في شفاياي
..........................وشلون ما حسيت حـرقة سلامي؟

[مرزوق العجوني]

عسى الهون لأهل الهون والجود لأهل الجود=وعسى الله يعطي كل حي على ظنه
وعسى أهل النوايا الباطـلةوالقلوب السود= يعاقبـهم اللـه ومـا يدخـلهم الجنه
حشى ما يجدد لـك جروح الحشايا كود=اليا جت من الـلي ما توقعـتها منه
تصبرت أخـاف من المشـاريه والمنقود=وأنا مؤمـنٍ وأصلي الفرض والسنه
أقـدّر وأسامـح وأحسب نقصهاوالزود=الين يتـمادى بـ الخطأ راعي العنه
وأحب الصميدع وأذخره فزعةالمضهود=وأداري عـليه من المنـاقـيد وأحنّه
وفعل الوفـا مني لـ راع الوفـامردود=ولاهـوب لـكني إليـا صار لـكنه

[سحايب]

تخيل وش بقى فيني وانا اللي حيل مفتونك

وربي لاسمـعت اسـمك تطيـر الروح ملـهوفه

عسى محدن يجيب اسـمك عسـاهم ما يطرونـك

الا وهلت الدمعـه وقـلبي تصفـق اكفوفــه

[مرزوق العجوني]

قالوا حبيبك يسمع الشعر قلت إيه..
يقراه بعيوني قبل تسمعونه

لولاه حتى طاري الشعر مابيه..
ميراكتبه من شان خاطر عيونه

هو روح شعري وامنياته وماضيه..
جذع الشجر وش كان لولا اغصونه

اكتب لغيره والقصايد تجي فيه..
كن القصايد حالفه ماتخونه