[نايف ابن عليثه]

طال السكوت.. وظاق صدر السواليف
والبال.. من كثر الهواجيس عايف.!
ياسيف كيف اشرح لك الوضع ياسيف؟؟
اقلامنا جفت ورفعت صحايف.!!
ياسيف وش عذر المعازيب للضيف؟
لامنها ضاقت صدور المضايف.!
قل للسوافي لوتهب العواصيف
عنها رقينا عاليات النوايف..

تسفي وحنا فوق روس المشاريف
في راس نايف.. والخلايف ..خلايف

وقل للضعوف اللي تحسب المصاريف
حنا ترانا ماحسبنا الكلايف.
وان طال.. بال الليل.. قل لـلسواليف
بوح السهر من ظيقه الصدر عايف..!

[النمر1012]

الصاحب اللي ناظره فيك لاضقت
يفطن ويفزع لك كما والدينك
من دون لا تحكي سعى لك ووافقت
شمس ٍ تشع ومشرقه في جبينك
يضيق من ضيقك ويسعد ليا رقت
ياجيت جنبك وان تبعّدت ..وينك..؟
لا غبت .. ينشد عنْك .. من يوم فارقت
ولاشاع سر ٍ كان بينه وبينك
تنام به عينك غلا وأنت لا فقت
تصحى على نوره تباشير عينك
أحرص على الصاحب ليامنك صادقت
دينه غلاك.. وصادق الوصل دينك ..!

[صقـــر الشرقيه]

ياليتنــي قلبـــك وياليتــنـي فـيــــك
انبض غلا مانبض فراق وقطيعـه

[صقـــر الشرقيه]

آحيان من كثر الحكي تسكت و ما قلت الحكي
تتـــــزاحم بـــــراسك طــــوابير الجُـمَـل و تصـــــدهآ
و آحـــيان من كثر القهـر تعجز لحبُك تشتكي
شايف خُـطـــى أقدامك و كل اللي بيدّك ضدهآ

[النمر1012]

طالبك وصلك ولكن لـو تغيّـر شـي قلّـي
صرّح بكل ما تودّة وان خجلت اضرب مثـال


واضح وقلبي كبير ودون حبي سيـف ذلّـي
وانت مثلي وزدت عنّي وانت مملكـة الـدلال


يا ملاك الطهر جيتك ملّـت الجـدران ظّلـي
والشموس الّي شربها الكون نـادت للظـلال

[سحايب]

إقلط تقهوى من عروقـي فناجيـل
هذا غلاك ومجلسـك فـي فـؤادي
وسط الحشا شبيت نـار التعاليـل
وراح الخفوق بصوت حرفك ينـادي
أهلاً هلا بك عد ما جـاوب السيـل
نبت الفياض وسال فـي كـل وادي
آمر تدلل .. إطلب النجـم وسهيـل
إنت إلتفت والحلم يصبـح وكـادي

[آهــذريــبــك]

أناأعدّ من , السهر : ضيم / و نجوم !
و إنت إ/تْحضّن: مسْـندك , في سريرك !
خلك : على و ضعك / عسى وضعك يدووووم !
بس ! " ودي في بعض الامور استشيرك " !




إذا إعتبرت إني : أسيرك - و من قوم !
ماااااهو كذا , أصلاً تعامل :/ أســـــــــــيرك

[النمر1012]

اقلط ولـك بالقلـب دلـه وفنجـال
واقدع غلا من ضم عرقـك لعرقـا
مرباعك بصدري بختـري ومقيـال
فيها الخزامى والحرفـرف ولِرقـا
وفيها رياض وطلح مع سدر وظلال
ومخايل اشواقي من الحـب زرقـا
اهلـن هلابـك عـد ماهـل همـال
واهلن هلابـك كـل مـالاح برقـا
سيد الغواني والشِعِّر فيـك يختـال
جتك الحروف مذهّبَ وفيـك شرقـا