[عطر الاوركيد]

شفتك بعد غيبه .. وحاولت احاكيك
مهوب من قلبي ولا من جراته !!
بغيت اقول / فلان وازريت احاكيك
وكني سمعت اسمي معا لالتفاته
فزيت من نومي وانا اقول لبيييك
وآثرك رويا .. في منامي وجاته
صفقت كف .. وقلت يا حلم يشوويك
جددت لي جرح ٍ هنى في مباته
يا اللي شريت البعد .. ما غاب طاريك
حتى لو ان البعد .. سواا سواته
مهوب محزني .. على حاجةٍ فيك
إلا إن قلبي شايف ٍ بك غناته !!
كن الطيوف تقول وشحال غاليك
وآقول راح .. وما بقى الا غلاته
لو ان ما جاني من الهم ياتيك
كان المصلي ما حفظ وش صلاته
مريت شارعكم .. وصادفني آخيك
واللي قطع كبدي .. حلاتك حلاته
بغيت الخبط من دعاياه ,, وادعيك
واسمك وقف بين اللسان ولهاته !!
وبغيت اجيب العيد وآقول : يرضيك
فاللي وصاتي له .. وضيّع وصاته
البعد شيّب خافق ٍ ميت فيك !!
والى مشى خطوه عثر في عصاته
مشكلتي / إن قلبي يحبك ويغليك
ومشكلتك / انك شخص عايش حياته
كثر الجفا .. نار .. وحطبها تغليييك
خف الحطب .. لا تزيد نار الشماته
إن ما احزنك جرح ٍ برجواه يدعيك
ما عاد تفرق .. عيشته من مماته
قلبي وعمري كلها بين اياديك
العمر فدوه .. لكن القلب هاته !!
وإن ما بغيت ترد قلبي ما اوصيك
احسن عزاه .. الى دريت بوفاته
..

[عطر الاوركيد]

علمتك القلب الوفي .., ما يخذلك فيه " إنتماء " !
وعلمتني كيف العشم في من تحبه .. يخذلك !!

علمتك إن أصل الهوى يرجع لـ كلمة " إحتواء " !
وعلمتني إن الهوى , ما عاش يوم بـ داخلك !

علمتك إنِّي لك بحر [ مدَّه وجزره ] لك وفاء !
وعلمتني كيف أنصدم وأغرق أنا في ..ساحلك !
..

[النمر1012]

يابقايـا صمـت ياغيمـة جـفـا
للجفا غيمـه وللصمـت البقايـا؟
ياجنـون الشعـر يادمعـة وفـا
يا سحابة صيف كيف اقتل ضمايا؟
يارحيل الشمـس والنـور انطفـا
ياسـواد الليـل لا تزيـد بعنايـا
الجـروح كثـار والقلـب اكتفـا
والرحيل ازداد واتعبـت المطايـا
اكتب الابيـات وانقـش بالصفـا
رحلتي والليل والـدرب وشقايـا
القصيد احتـار والوصـف اختفـا
والبحور السبـع جفـت يارجايـا
يـارذاذ الثلـج والبـرد احتـفـا
ياخزامى نجد ويـن القـا دفايـا؟
دام بعـدك بـرد والوصـل الدفـا
شب نار القرب ثم اجلـس معايـا
من عرفتك وانـت تبعـد بالخفـا
ما تجي بوضوح ياسيد الصبايـا
تختفي واحساس قلبي مـا غفـا
يضهرك ياهيه من بيـن البرايـا
ان بغيت القرب دربي مـا يخفـا
وان بغيت البعد ابعد عـن سمايـا
والا انـا بخـط شعـري زخرفـا
وانت عيش الصمت ياصمت البقايا

[الهنوف]

كنت أظن .. إن الملامح .. لـك تبيـن !!
كنت أظن .. الضيق فينـي .. لآمسـكْ !


مو صحيح .. إن قلت لك .. ماني حزين ؟!
الصحيح .. إني تعبـتْ .. ( أحسِسْـك ) !
.
.
.

[صقـــر الشرقيه]

تـعـال أنـثــر هـنــا لـيـلـك وخـــل ويـلــك يولـعـنـي
أنا أحبـك وأبـي قربـك.. تـرى منـي قضـى صبـري


أنــا نبـضـك زهــر أرضــك وأنــت؟! ايــه تملكـنـي
بنحل خصـرك ..جمـر ثغـرك وزود بلونـك الخمـري


تتـوهـنـي .. تغـرقـنـي.. ومـــن بــــردك تـدثـرنــي
وتبكـي لـي وتشكـي لـي ولـه قلبـك ومــن سـحـري


أبـي دموعـك مـع أنفاسـك بـصـدق الــود تحرقـنـي
وأبـي عطـرك مـع سحـرك وآهـك بالحـشـا تـسـري


أبــي همـسـك يبعثـرنـي غـــلا ولـمـسـك يلملـمـنـي
وأبي عيونك مـن عيونـي تـذوب مـن الولـع كثـري


وأبــي عـهـدك مــع وعــدك وأبــي كـلـك تسلمـنـي
وننـعـم فــي حـضـن مـــن الـعـالـم وعـــن دهـــري


وتحييـنـي بـهـلا شـوقـك .. حــلا ذوقــك يشتـتـنـي
يـلـوعـنـي ويـأسـرنــي ويـمـلــك بـالـغــلا فــكــري


أبــي أيــدك تسـافـر بـــي وزهـــر قـــدك يلحـفـنـي
وأهيم بعالمك عاشق جنوني أنت .. وانت بي تدري


تشـوف الجمـر بعيونـي؟! تشـوف الشـوق جننـي؟!
أجـل تـدري مثـل مــا أدري بـأنـك حلـمـي يـابـدري


حبيبـي قـوم وصارحنـي عــن احسـاسـك وعلّمـنـي
أنا أطري على بالك ؟! كثر مـا أنتـه علـي تطـري

[سحايب]

كيف اعبر والحكي مني يضيع
اسعفيني يا قواميس العرب

وش ابكتب فيك يالخل الوديع
وانت وصفك من اعاجيب العجب

هاذي اقلامي بكسرها جميع
في سكوتي تصبح اشواقي ذهب

[مروان الرشيدي]

.



.

فقر التواصل فـ المحبة .. فقر دم ،
............... اقولها .. ويقولها كل عاشق ..

[ذبحني غروركـ]

اطعن { وزود الطعن } وش عاد يعني
. . . . . . تدري [ هلاكي منك ] وتحاول تزيد

يومك { أخذت القلب } حبك منعنـي
. . . . . . ويومك ضمنت الحب [ اقفيت لبعيد ]

اخذتني حيلـه { ووثقـت طعنـي }
. . . . . . [ وفتت صبر ٍ ] ضاق من قوة القيد