[ساره الرشيدي]

كنت أظن إن الملامح لك تبين
كنت أظن الضيق فيني لامسك

مو صحيح إن قلت لك ماني حزين
الصحيح إني تعبت آحسسك

[النمر1012]

يالهنوف اليوم أوّن الجرح فيكم وأستعيده
والقلم مدرار شوقي وسط نبراتً تعرّه


الزمان اللي مضى لي فالهوى ،، قلبي شهيده
والظروف اللي حدتني ..ياعسى حبي تبرّه


لامتى والشمس تشرق ، والحزن رايه مجيده ؟
لامتى والليل يلفي ، والشقاء كنّه مجرّه ؟؟


يارياح العشق هبّي وهاتي الجمله مفيده
كلمتينً تبري النفس العليله المستضرّه


مابقى لي .، والذي نفسي تحت حكمه وبيده ،،
غير زفرات المحبّه ، وآه حزني فيه أجرّه


ثارت همومي وجرحي يقْطْر الدم من وريده
حكم الأقدار ظلمتنا ..خلّت العالم تشرّه

[الوافــي]

ياقو قلبك علي الصده وياصبرك وياوسع صدري علي صدك وياصبري

[النمر1012]

راحت ايام التعـب هـي والليالـي السرمديـه
مابقـى منهـا سـوى لـذة حديـث الذكرياتـي
بيـن نفسـي ارتويهـا قصـة(ن) والله نـديّـه
كانت الحلم الوحيـد وكانـت اكبـر منجزاتـي
من سبايب من عـرف قلبـي غـزالٍ نرجسيـه
اسمهـا لامـرّ عنـدي صـاح قلبـي ياهناتـي
طفلة(ن)كانت تسولـف لـي سواليف(ن)طريّـه
وكانت أكبر من تعابير الفرح (( قمّة سكاتـي ))
كنني طفل(ن) غرير(ن) شاف امه عقـب جيّـه
وقفت لـه تبتسـم لـه / ثـم قالـت ياحياتـي
طفلة(ن) تكسف قمرهـا فـي ملامـح يوسفيّـه
نورها الشمـس البهيّـه فـي ليـال ٍ مظلماتـي
طفلة(ن) لاشفتهـا حسيـت فـي دنيـا رضيّـه
مالكه دمّـن خفيـف وشامخـه حـد السراتـي
أذكر أني لاطلبتنـي حاجـة(ن) سهلـه عليّـه
يزعـل الخفّـاق منهـا! اطلـبـي للكايـداتـي
همّها.. روحت (( ملاهي )) لو تزعل هالبريّـه
وهمي اكسبها وحتـى لـو فقـدت المكرماتـي
من غلاهـا أحسـب ان الحـب ماهـو بالبقيّـة
خالقـه ربـي عشانـي وخالقـه ربـي لذاتـي
وابتدت ضيقه غريبـه بالحشـا ياهـي قويّـه؟؟
كنهّا تسمع طواري غيبـة(ن) تقلـق مباتـي ..!
واستمـر الحـال فتـره ثـم قالـت هالسويّـه
واشرت لي باليميـن الطاهـره حـزة شقاتـي
ثـمْ غابـت بالحقيقـه واستـدار الوقـت فيّـه
ثم قالوا لي تراهـا .. تحتشـم لبـس العباتـي
كملـت هـم الدراسـه ثـم صـارت جامعيّـه
واختفت كل العلوم وصارت ,اشواقي شكاتي !!
(( يسقى الله كم شكيت الشوق في ليلـه شقيّـه
ويسقى الله كم بنيت الحلم في صـرح الغلاتـي
ويسقى الله كـم سألـت ولالقيـت الا الزريّـه
ويسقى الله كم ذبحني هاجسي لاجيت احاتـي ))
وبين ماكانت حياتي راخصـه ل ذيـك الشكيّـه
بيّن العلـم الجميـل ولاغـدى عمـري فواتـي
استزانـت كيف؟مـدري الوكـاد بصـدق نيّـه
جمْـع الله القلـوب بلمـة ٍ عقـب الشتـاتـي
احمـد الله مابقـى فينـي همـوم ٍ سرمـديّـه
دامها حلم وتحقق/ اصبحـت فينـي غناتـي ..!
حلمي أول كيـف ابعطـي قلبهـا حبـي هديـه
كيف لاقالت ( ..................................... )

[علي الدبيس]

بسم الله الرحمن الرحيم
البيت الي اردده لاضاق صدري
للشاعر المبدع ثامر شبيب
يقول

كل ماطرا لي قلت من قلت الفود...ليت منهو راح ماعاد يطري
.
.
.
.
.
الادبس

[لحظة هدوء]

من شرب من كف غيره ماروى
لعنبو كف على المده قصير

[ذبحني غروركـ]

يــا ضـيــاع الـحــال فـيـنــي لـفــنــي ثـــوب الـسـكـيــنــه ..
الــســمــا تــبــكــي قــهــرهــا والــفــضــا ضــاقـــت ركــونـــه

الــبــلا انـــي رضــيـــت وكــلــمــة الـمــســلــم تــديــنــه ..
ولــو يـعــوّد بــي زمـانــي .. مــا رضــى قـلـبــي جـنـونــه !

الـحــزن بـحــري ودمـعــي مـبـحــر فـبــحــري سـفـيــنــه ..
والــشــراع هــمـــوم صــــدري والــشــواطــي يـحــتــرونه

طـفـلــة ٍ تـسـكــن شـعــوري ذاقــت احـســاس الـغـبـيـنــه ..
الـتـهــت فـيــه بـمـواجــع وانـتـهــت بـأقـصــى سـجـونــه..

شــابـــت بــعـــز الـطــفــولــه ومــالــهــا احــــد ٍ تــديــنـــه ..
الامـــــل مـــــات بــحــشــاهــا والــمــواجـــع يــدفــنــونـــه

[الـشـقـاوي]

تدري وش احلى شي عالم الحب ؟!
صدق المشاعر من شفاهٍـ تهامس


وتدري وش اللي بالهوى ما لها طب !!
ان الكفوف العاشقه ما تلامس !