[سعد بن عادي]

بين اختيارين مدري وشهـو اسهلهـا

وبين احتمالين والاصعب هو فراقـك !

محبتي لك حكآيـه كيـف اسجلهـا ؟

لاصرتي مشققه عن حبري / اوراقك ؟

وبالنطـق عيّـا لسانـي لايوصلـهـا

خايف يقول الكلام وترفـض اعماقـك

لو اخسر الوصل عفت الارض وآهلها

حبيّني بآي حـب يناسـب اخلاقـك !

[سعد بن عادي]

ضمني .. بـ/ أرقد على صدرك و أنآم

لي زمن مـآ ذقـت لـذآت آلكـرى

آهـ.. يآ كل آلمشآعر .. و آلغـرآم

ليت .. تدري في غيآبـك وش جـرى

كل نورٍ .. صآر فـي بعـدك ظـلآم

و كل دمعٍ سآل فـ/ آلموق و جـرى

خلنآ .. نعتق مـن آلصمـت آلكـلام

و خلنآ .. ننسى من آلخلـوه .. ورى

ضمني .. بـ/ آلشوق يآ بدر آلتمـآم

آلضلوع آلعوج .. لآحقهـآ آلعـرى

و إنثر أنفآسك .. على صدري و نـآم

دآمنآ مبطيـن عـن طعـم آلكـرى

.

[سعد بن عادي]

الكلمه اللي وقفـت دون الافصـاح
عيبٍ على الرجـال يـوم يخزنهـا
اما يوردها بـلا ضعـف وصيـاح
والا يطيـع العلـم ويجـوز منهـا
يجلس على بساط الرخامه ويرتـاح
لاصار ماهـو كفـو يدفـع ثمنهـا
والكلمه اللي كنها ضربـة سـلاح
لاجت من العيّـال واطلـق رسنهـا
الصدر لو انه مـن اسبابهـا فـاح
له كلمـة تشـف النفـوس وغبنهـا
من قـدم العيلـه يـدور للامـداح
يشرب كدر والنـاس تامـر وتنهـا
من راح لاعود ومن جاك مـا راح
والحق لا ازعل ناس ناسٍ ضمنهـا
بعض المجامل ضيق الصدر مابـاح
وبعـض الاوادم ماعرفنـا وطنهـا
في كل ليله له عواسيـس ومـراح
نـاسٍ يقربهـا ونــاسٍ طعنـهـا
ماهيب طعن سيوف او طعنة رماح
طعن المواجب لا اجنب اللاش عنها
والهاجس اللي في سما ضامري لاح
ماهمته بعـض النفـوس وشحنهـا
ارزم وجاله في المحاديب ضحضاح
دارٍ يساقـيـهـا ودارٍ دفـنـهــا
سيله تحدر مـن علاويـه واجتـاح
ساوا الرجوم وكـل قمـه طمنهـا
البرق ساري ليل فيه النظـر شـاح
والنفـس بيضـا ماتغيّـر سننـهـا
والكلمه اللي تلجم الخصـم لابـاح
سلم على اللـي فالصـدر مادفنهـا

[سعد بن عادي]

الله يبيـح احلامـي المذبوحـه
اللي رماهـا بالحقيقـه رامـي
كانت على جدار السعاده لوحـه
ماتت ، وطاح إجدارها قدامـي
مالي ومال الزلـه المدموحـه
اللي ثمنها من رصيـد ايامـي
ثلاثة ارباع البشـر مشفوحـه
واللي بقى جايع حياه وضامـي
يشقى ولايلقى عـلاج جروحـه
ماكول لو ذبحه ماهوب اسلامي
الى متى واوضاعنا المشروحـه
تطيح من دون المقام السامـي
الشعب كله ساكنن منفوحـه !
تجنيدهم للفقـر شبـه إلزامـي
دمعه تطيح ودمعـةً ممسوحـه
ودمعه تجف من الشعور الحامي
اللي مدح يجني كرم ممدوحـه
واللي سكت عفه ..سكوته دامي
واعلامنا باوضاعه المفضوحـه
صغّر وطن فالخارطه مترامي ؟
اسطورته من ساق دونه روحه
ماهوب لاماجد ولا هو سامـي

[سعد بن عادي]

:

بـ ( جرحي ) .. يا عواذلنا تقاضوا..
ما همت الا ! و انا ضلوعي متينه !

و دخيل الله .. عن جرحه .. تغاضوا
و خلوا كل .. ( ما بيني و بينه ) .. !

( حبايب ) .. لا زعلوا بكره تراضوا
يعيشون .. بـ صخب و الا سكينه !

[سعد بن عادي]

وشلون أبكرهك .. وأنا أموت مازعل عليك ؟
وشلون أبكرهك .. وانا من ملابسك أغار .!
وشلون أبكرهك .. وانت ( السالفه ) تبتديك
وشلون أبكرهك وانا الستر وانت الستار ..!
قبل لا اعرف اسمك الاول . وأنا أموت فيك
ايام ماكنت ترسل بـ ( اسمك المستعار ) .!
أيام ماكنت شاعر ( نص شعري ) . ركيك
يوم إني اكتب عن اللي يخصنّا [ باختصار ]
والحين .. اعرفك واعرف ،اخوانك واللديك
واعرف [ جيرانك ] اللي حولكم جار جار .!
لا يلحق ( الحب ) .. شكه دام مالك شريك
إجتزت معك [ المحبه ] .. يوم حنا صغار !

[سعد بن عادي]

أنت ( الدفا ) مقرون عندك ، بـ ( الانفاس )
وانا معك .. [ دافي ، ومرتاح ، وبخير ] ..!
وأنت ( الشعر ) .. لا صار مكتوب باحساس
وأنا معك .. [ شاعر ] وشعره معك غير ..!
وانت ( الصباح ) .. اللي يقومونه ( الناس )
وانا معك .. والناس [ تصبح على خير ] .!

[سعد بن عادي]

إيه أنا ( مغرور ) وأحب بغرور ..!
ومن كثر ماني متيم بك ( عمى ) !

دايم ألقى ( صورتك ) بين السطور
وأكتب إن ( الحبر مايرو الضما )

قبل ماشوفك .. وانا عندي شعور
إنك أحلى الناس .. وأعذبهم لما .!

ويوم فرعتي وزدتي النور .. نور
إحتزم عاشقك لاجلك [ وأحتمى ]

ليه مايلحقني بـ ( حبك ) غرور !
والقمر نازل عشاني من السما .!