[ذبحني غروركـ]

ادري انك تتابع ابياتـي : وترقبهـا
.................... وان مالقيت الجديد تقلب :- الأول !

لكن كذا بـ العقل لو جيت تحسبهـا ؟
................. شخص ماهو لك بـ ركنـه ليه " تتجـول "

وان كان نفسك تحب انك تعذبهـا ؟
.................... توك بتشبع من التعذيب ( ومطول )

[نوماس5]

شفتك معه وأقفيت عنكم وصديـت
أخاف أموت من القهر في مكانـي

[ذبحني غروركـ]

اكتشـفت اني بدونـك يا / الحبيب
ميته ..،
.. تشتاق لك بـ ( احساس حي )

[ناصر الرشيدي]

مدري شاللي جاب هالقصيده فبالي / لحامد زيد

جابك الله من غياب ٍ ضيّق صدور المباني
قبل لا الوحشه تزعزع بيتك الصلب وتبيده

بيتك اللي من رحلت وكل جدرانه تعاني
ماتحمل ينتظر شهرين وعيونك بعيده

الله العالم لو إنك جيت متأخر ثواني
ماتشوف إلا بقايا من حصاه ومن حديده

من عرفتك وأنت تايه من مواني لي مواني
وتارك ٍ قلبي مولّع من وقيده في وقيده

ضاعت سنيني أحد بهاليالي وتحداني
وأنت ماتشبع غياب ولاتخاف من النقيده

ودي أتحمد لك الله بالسلامه , مامداني
كل ماتوصل برحله ترجع برحله جديده

دام تدري كل وجه ٍ غير وجه الله فاني
ياخي أكسبلك ثواب وخاف ربك في عبيده

كان فيني عيب قلي:فيني العيب الفلاني
كان هرجي مزعلك في شي قلي:لاتعيده

عيب تصغر في عيوني وأنت برقاب الغواني
كيف تستسهل طعوني وأنت خابرني وليده ؟

لعنبوك أن مت بيدك من يفكك من أخواني ؟
لحزنوا ربعي على فرقاي شاللي تستفيده ؟

أنت منت اللي عشقته أنت أكيد انسان ثاني
ليه صرت بهالبرود وبهالاحاسيس البليده ؟

وين حبك للزعل .وين العناد الأولاني ؟
وين حنّية زمان وفرحة العمر الرغيده ؟

وين ذاك اللي اليا أقبل مايبات إلا بمأني ؟
وين راح اللي اليا أقفى مايروح ألا فقيده ؟

واحد ٍ من جابه الله بس يامر ويعصاني
الوحيد اللي أخافه غصب وأمشي معه سيده

(مابغيت أطيح بيده) لين ماربي بلاني
ولا أنا لو هي بكيفي (مابغيت أطيح بيده)

ذاك بس اللي يامن جيته يلخبط كياني
اللي بنظره ينشف دم قلبي في وريده

قبل أشوفه أجمع اله أحلى القصايد والمعاني
وأن لقيته ماعرفت أقول لي جمله مفيده

الف مره قبله أعد القصيده من لساني
ولعنبوه أن جيت عنده قمت أخربط بالقصيده

أمدحه وأنا أدري أنه لو تباطاني نساني
أنطحه وانا أعرفه مجنون وأفكاره عنيده

من يسوي بي سواتك يالرهيف الاسمراني ؟
منهو من الناس غيرك غلطته ترفع رصيده ؟

من يقص(جناح طيرك)وأنت أعز أنسان جاني ؟
ليه أخاف(رماح غيرك)وأنت ضرباتك سديده ؟

ان تبعتك .أتبعك من طيبي وواسع بطاني
ولا أنا لاجيت أكيد انسان عزالله بكيده

أقدر أنزع لك ثيابي وألبس ثياب الأناني
وأقدر أطلع من عذابي والعب بدورك وأجيده

ومستعد أكسب رهاني لو بغيت أكسب رهاني
وأخدعك بحساس كاذب وأتحدى من يصيده

أبك أنا لي شفت خلّي حط غيري في مكاني
والله إني لتركه وأن صد لعشق سيد سيده

جيت مابيك تحقرني جيت أبيك تعز شاني
جيت أبي فزعة ظلوعك من مشاعرك البليده

خلني داخل (حدودك) وأجبر بخاطر زماني
أكذب بباقي (وعودك) وأصدق بلحظه سعيده

أنتشلني من (برودك) لو تولّع بالمحاني
عطني أحساس (بوجودك) وأخذ كل اللي تريد

تكفى واليا قلت :تكفى بيع خلق الله عشاني
لاتضيّع من يديني فرصة العمر الوحيده

يعلم الله شفت منك ومن غيابك ماكفاني
كان ماتقدر تخفف هم قلبي !! لاتزيده

شف غيابك وش يسوي بالصدور وبالمباني
وأنت تدري كيف كانت صدمت غيابك شديده

والله أنك لو وصلت البيت متأخر ثواني
مالقيت إلا بقايا من حصاه ومن حديده

[نوماس5]

لياك تتعبني وانـا منـك تعبـان
يكفي تعبك العام ياروح روحـي
مرت سنة يامتلف الروح زعلان
وانا احسب انك بالمودة نصـوح
ماهوب حقي منك صد وهجـران
يا مجدد في كـل يـوم جروحـي
ابكي عليك من الضحى ليا مسيان
و الاعي الورقا حزيـن وانـوح
هذي سواة الغي خاسر وربحـان
ياخل يا للـي بالمـودة شحـوح

[ذبحني غروركـ]

لاتـبتعد عني تـرانـي تـألمت
.. .. .. .. أدفع حياتي بس ترضى بوصالي

أقبل معاذيري ليا من تكلمت
.. .. .. .. غالي ويطلب بالرضى قلب غالي

الذنب ذنب الهوى وشلون بك همت
.. .. .. .. وصار الرجاء من بعد ربي اتصالي

[نوماس5]

عـيون الـحب لا يمكن تناظر
عـيوب الـخل لوهو عيب كله

[ذبحني غروركـ]

تقول لي .. قل ( احبك ) غير هالناس
...............و اقول ( احبك ) وعنهم ما درينا


ابك انت الناس والشعر والاحساس
...............يعني ليا قلت ( احبك ) وش علينا