[ابوذكرى]

ربيت في قلبي ولاظن ابنساكـ......معقوله انسى من يغذي بدمي

[ذيبان الرشيدي]

خلوني ..أسلا وأحتسيها وأنا حي = والا الهزيله .. مرذحو واطبخوها
مايجلي .. الهزله علاجن ولا كي = مثل الخلوج .. اللي هدت والفخوها
ياصاحبي .. سج القدم واقرب شوي = واحذر .. من اللي دروخت ولد اخوها
الطيب .. قفابه ترى حاتم الطي = والملعنه .. عنزن ضنت واصلخوها
والمرجله .. ماسخروها على شي = والسالفة .. قربة عرب وانفخوها

[العميل السري]

[quote=ذيبان الرشيدي;2
خلوني ..أسلا وأحتسيها وأنا حي = والا الهزيله .. مرذحو واطبخوها
مايجلي .. الهزله علاجن ولا كي = مثل الخلوج .. اللي هدت والفخوها
ياصاحبي .. سج القدم واقرب شوي = واحذر .. من اللي دروخت ولد اخوها
الطيب .. قفابه ترى حاتم الطي = والملعنه .. عنزن ضنت واصلخوها
والمرجله .. ماسخروها على شي = والسالفة .. قربة عرب وانفخوها


[center]لــ ابو ناوي مع التحيه (خااااااااااص)

ذيبان بالرمضى وذيبان بالفيً...يوم الهزيله ,, مذرحوا وطبخوها
ياشين ماناكل لحمها وهو نيً...لو طوعوها!! ماعتقد طوعوها
انا معييً يابو ناوي معي عيً...قبل الحميه.. بـ قبرها يدفنوها
لوقلدوها ووأصبحت كنها هيً...شمس الحقيقه ,,عننا ماحجبوها
حنا روينا من عدودالروى ريً...خلك من اللي بالعتب جرحوها؟؟
[/center]

[النمر1012]

صح اللسانكم الجميع والصباح الخير ياحمود ياهلا وغلا انورت واسفرت
وين الناس وش القطع عسى المانع الخير
انت وذيبان مسوين رديه هنا وين الشروط الصفحه هههههههههههههه
هال هلا هلال بدر دجي ونور الكون -------- بحروف مبطين عنها ماقرينها
النمر1012

[ذيبان الرشيدي]

العميل السري
لك ..
التحيه مُختاره ومنقحه ومُستاقه ..
لـِ جنابك الكريم
صح الله اللسانك .. وأعتلا شانك ..
يالأمييير
اجزلت فـ أبدعت ..
فـ لله درك .. على ماسطرتُه يمينك ..!
ويعلم الله
أني أجزم بأن الطيب والخير للأقربون ديدنك ..
فشُكراً لـِ مجاراتك ..
أيها
العذب

..
.
النمر
يسعدلي صباحاتك يالأميير
وحياك ربي
بالأقبال والأدبار
ويسلم راسك ياعقب جدي
ومثلك .. بالخوي
عالم وعارف بـ أسباب الغياب ..

..
.

يامغاتير القصايد ..درهمي حدرا الجنوب = وأدبكي .. جردٍ تمدت وادركيني واسبقي
جنبيني .. وابعديني عن مغاليق الدروب = وادهلي .. دربن بغيته وافهقيلي والبقي
وان بدالك .. ليلن أسود غشمت فيه الذنوب = كوكبي لا يذهلك مرباع مفرود ولقي
ماعليك .. امن الذيابه لاانطحت صلف الهبوب = ولاعليك .. امن الليالي لاخذت عمر الشقي
مالهبني .. حر ريحن هبهبت عند الغروب = والغروب .. اليا تدبا مارضخله مشرقي
والخيانه .. وأن تخطت ما اذبحت كل الشعوب = والجزيله .. كم تثنت وأطرحتها بندقي
أن غفت .. عين الحقيقه واسهجت عين الكذوب = جيت أبين .. في متاريس القصايد ملبقي
اطرح المخطي .. وارضه واثلبه حتى يتوب = ثم أشعثر .. هجسن بقلبه تهود وتلتقي
ماحقر شعري .. خسيسٍ بايع الذمه هيوب = ارتكى .. فوق الجذيبه ثم نبح نبح سلقي
أغرف .. البحر المسمى وأنحت الصخره وأجوب=وأفتل .. أبياتن على كل القصايد ترتقي
ويازمانن .. يخلف الهقوات ووصوفه لعوب = جيتلك .. من ضيقتي عندي سؤالن منطقي
يازمانن .. مارحمني يحلب الخلف الحلوب = وين الأقي .. يا زماني صاحبٍ قلبه تقي
صاحبٍ .. ماباقني وأن لزته سود القلوب = وافين .. ماخان صاحه صافين فكره نقي

...
..
.

[مختار الرشيدي]

قصيده للشاعر مختار الرشيدي
حييت يابرقن شلع تالي الليل
برقن يضوي دمسة اليل لالاح
برقن يبشرنا على طيحة السيل
بدا بمبداء اليل لين اضحا انضاح
يتليه رعاد السماء والمخاييل
وبدا مطرها حزة الضوء ينباح
قام يتطايح من بردها هماليل
راحت تطايح من سماها بالالماح
والارض راحت كلها بالمساييل
وراح الثرا ريحه له اشراح واشراح
وقمت اتمنى للخوي بالتخاييل
ابيه صقرن بالجناحين صفاح
نبي نقوم ونحتزم بالتساهيل
ونركب على الفكسار والبال مرتاح
اثنين وصفر واحدين المدايل
نبي نغيم جونا كله افراح
نبي نقدة دلة الصبح بالهيل
من عقب مانصبح على خير وارباح
ومن بعضنا ناخذ علوم وتماثيل
ونبعد عن هروج النمايم والانباح
والعمر فاني مابقى به تقاليل
هذا هوى نفسي وكلن له ابواح
(وسلامتكم هذي مشاركه)

[ذيبان الرشيدي]

أحد .. على الجزلات بيح صوابه = وأحدن .. غثاريب الليالي تكدره
بعض العرب .. وأن غاب محدٍ درابه = وبعض العرب .. لاغاب كلٍ يدوره
وبعض العرب .. اليا أختلابه عذابه = همٍ يوردبه .. وهمٍ يصدره

[ذيبان الرشيدي]

رهبان عزمك .. عوسرت بالصعيبات = والكافر الفاجر .. يمر المساجد
ياصاحبي .. دوك العلوم الجزيلات = من قبل .. ما صكات بقعاء تراجد