[إنسان عادي]

لا تقول اني خنتك والله ماخنتك **** بس تقدر تقول اني كبرت ونسيتك

[مرزوق العجوني]

شـي طبيعـي نختلـف ونتـفـارق =اللي غريـب انـا بيـوم اجتمعنـا
تطيح شمس وغصـن الايـام وارق =وتموت كلمة شوق وتعيـش معنـا
ماتسعف الغرقان صيحـات غـارق =عاجز .. وعاجز كيف بس اجتمعنا؟!

[الـــشــــيـــهانــة]

ياضايق الصدر بالله وسع الخاطر
دنياك يازين ماتستاهل الضيقه
حسايف الحزن يغشى وجهك الطاهر
والورد في وجنتك حرام تغريقه

[سالم الرشيدي]

ياكيف ابكتب..عن جروحي..وانا جرح
كيف اشتكي... وانا أساساً.... معاناه
دام الفرح... مُعادله..... مـالها شــرح
والجرح..في قلبي من اقصاه...لاقصاه
ياشيخ ... فـل المسأله..غير الطرح

[مرزوق العجوني]

مشكله لا صرت مطعون بكفوف الدخيل= في ظهرك اربع خناجر وبالصدر اربعه

[عبدالعزيز الخياري]

الصراحه مزعجه وانا صريح=تزعلك ماتزعلك باقولها
ولا تدري مايصح إلا الصحيح=خاطب العالم بقد عقولها

[عبودي الجنوبي]

ياقو قلبك على الصده وياصبرك

وياوسع صدري على صدك وياصبري

وياطول عمرك بذاكرتي وياكبرك

وياشيب عيني بشيب عاد ذا كبري

[ام جوانا]

كيك وعسل لكن ماهو بصحوون..

--------------------------------------------------------------------------------

بعض العرب حبـه يـوردك الجنـون
ولا يوصف لـه غـلاه احكـاك لـه

مايقنعه وصف الغلا لـو وش يكـون
لو كل حـرفٍ بالحريـر يحـاك لـه

الموت جـاك وهـو تقلبـه الضنـون
ولا لك الا الصبر....وش وداك لـه؟

ان قلت ضايق..قال : هونهـا تهـون
مايدري ان ضيقتك لـه وبكـاك لـه

تقعد تحبه وانـت ساكـت ومغبـون
يمكن بيوم يقال لـه مـا اوفـاك لـه

وكانك مشكك هو يمون .. او ما يمون
تخيّل ان عفـت الصبـر فرقـاك لـه

غلاه من فـوق الغـلا ماهـو بـدون
وحكاه سمعك يجبـرك بارخـاك لـه

ودك تحطـه فالعيـون مـن العيـون
وتبسط على رمضى الثرا يمنـاك لـه

وتظله من الشمس في ظـل الجفـون
ولا يمـر اذنـه سـوا لبـاك لــه

وتسج مـن غيـره لونهـم يذكـرون
ومنين ما سجت القـدم ممشـاك لـه

فلو ٍ يميلـه التـرف ميـل الغصـون
غصن ٍ ليـان ومكرمـه بسقـاك لـه

جديله الى اقفى ستـر منـه المتـون
كنّـي بريحـه لالتفـت لدعـاك لـه

يزها الملابس ..اي لبس ..واي لون
وفالليل وجهـه لا ظهـر قـداك لـه

كيك وعسل لكن ماهو فـي صحـون
ودعاك من عين الحسود اغطـاك لـه

الله لا يعطيـه نـاس ينضـلـون
ويستر عليـه مـن النحـل لا ياكلـه

الوصف والتعبير في وصفـه يخـون
غير اطلب الله يستجيب ادعـاك لـه

وعذال قلبـك فـي محبتـه يخسـون
سكينهـم عـن قطـع حبلـه حاكلـه

اللـي مـن لحـوم الاوادم ياكـلـون
وحلوقهـم دافـع الـبـلا متواكـلـه

ناس ٍ عن اعراض العرب ما يعرضون
ودايم على نفـس الشكـل والشاكلـه

فـي سلمهـم اولا بالاكـل الاقربـون
واطيبهم اللـي صيد تـه شكـواك لـه

يدعيهـم الشيطـان للذنـب ويجـون
هـذا يقـطـع لــه وذاك يواكـلـه

من جاك منهم لا تبّيـن لـه سنـون
واضرب يمينه لا بغـى يسـراك لـه

يا جعلهم فدوة ثـر الغـض الفتـون
اللي على الدرب الطويل اخطـاك لـه

طيفه الى نـام البشـر زارك بهـون
وطيفك الى نـام البشـر سـرّاك لـه

حبه دفان ومقبـرة خضـر الطعـون
بيـن العظـام العـوج كنـك ناكـلـه

اللي كذاا حبه لوتموت مغبون
ولا الك الا الصبر وش وداك له