[رشيديه و أفتخر*]

اللي بقالي في غيابك سكوتك واللي فقدته من غيابك حنانك عذرك معك لو خبروني بموتك حقي عليه ان كان عذرك زمانك
ان كان موعد واعذرك لو يفوتك
انا انتظرت العمر كله عشانك

[أحمد بن سلهود]

يخاطبني السفيه بكل قبحٍ == وآسف ان اكون له مجيبا
يزيد سفاهتا وازيد حلما == كعودٍ زاده الاحراق طيبا


اهديه لكل حليم وسفيه

[النمر1012]

صحيح ان القصايد كلها تبحث خفى الرجال
يجيب الرجل مايطري بباله في قوافيه


ان كانه هزل جت هزله و كانه جزل جات جزال
و لكن بيض الله وجه من ثمن معانيه


اليا منه طرى في باله يقول القصيدة قال
حرام ان اجمع جزال المعاني صف منقيه


و يتعب فالقصيدة لاجل لامنه طلبوه ارجال
يعد بيوتها بين الرجال يثمن الجيه


يحلل كلمته قدام يعرضها على العقال
فطاحلة الشعر و محللينٍ كل قافيه


ترى الغلطه ليا من سمعها العقال ما تنزال
يزول العمر كون الكلمة العوجا هي الحيه


بقدر المستطاع اثبت وجودك والعلوم طوال
مع العريف ما دام الشعر عبره إلاهيه


و لا تعرض قصيدك للسفيه ولا على الجهال
تمل الناس منها لو هي من الخجل مرفيه


لأن الجاهل اليا من نساها ثم طرت فالبال
لو انه مع صلاة الفجر لحنها هجينيه


يا زين الكلمه اليا جت معانيها حكم و ثقال
قصيدٍ يعجبك باول معانيه و تاليه


يجيك البيت مبهم لكن انك تفهمه بالحال
و هو يصعب على اللي نظرته للشعر عاديه


و مدام ان القصيد اكثر معانيه ثمان جلال
تقول الناس جعل الله يبيض وجه راعيه


هذا و الله القصيد اللي يثمن وقفة الرجال
وغيره والله انه ضايعٍ مره وحليه

[النمر1012]

ياشبيه الريم قلبي لك هما
والمشاعر كلها لك في هيام
كان تسألني اقولك أنما
كل أحاسيسي تبادلك الغرام
طالما تدري بقدرك طالما
وانني شاعر بحبك مايلام
دام حبك واصل ٍ حد السما
اعتبر نفسك على قلبي همام
كل ماناظرت عينك كلما
ترسل عيونك على قلبي سهام
مع رموش ٍ فاتنات دائما
ياحلات العين مع ذاك اللثام
اه لوتدرين ياعذب اللما
كم تعذب قلب محبوبك وهام
قبل شوفك في عذابه تألما
وبعد شوفك صار في حب ووئام
ربما قد رحت فيهاربما
وانتعش قلبي بحبك واستهام
بس صبرك ياحبيبي ريثما
ينقشع عن نورعينيي الغمام

[بنت العبسي]

إنسانة فعلاً .. بمعنى الكلمة انسانة=بدري على غيرها بالزين يوصلها
الشِعر لجل اسمها يجبر بميزانه=والصوت سلطن لها غنى ومولها

لـ هنوف

[أحمد بن سلهود]

كل ابن انثى وان طالت سلامته == يوما على آلتن حدباء محمولُ
اهديه لكل غافل ومتكبر

[النمر1012]

بديت بسم اللي له الكون يخضع
من هيبته كل الخلايق خضوعي
اللي لوجهه تسجد الناس تركع
ويارب تقبل سجدتي مع ركوعي
ياربنا في رحمتك دوم نطمع
ويالله ترحم ضعفنا والدموعي
من خشيتك ياربنا العين تدمع
والقلب يرجف خوف بين الضلوعي
لاجاء نهارٍ فيه الاطفال رضع
يشيب راس الطفل ممايروعي
يومٍ عظيم وفيه كل شي يفزع
الشمس فوق الرؤس حرٍ وجوعي
والأدمي شكله من الخوف يفجع
عاري جسد في وسط ناسٍ جموعي
شاخص بصر ماعاد ينظر ويسمع
يرجي عطف مولاه ممايلوعي
ماغيرك الجبار نرجي ونخشع
ونخشى عذابك في نهارٍ فزوعي
ويالله عسى رحمتك تشمل وتجمع
امي وابوي وأسرتي مع ربوعي
وأختامها صلاة ربي وتسمع
على النبي اللي للأمه شفوعي

[بنت العبسي]

تعال وشوف لي دمعه أبحبسها إلين ألقاك =لعلك تمسح الدمعه يغيب الحزن وأشجانه
أنا ياصاحبي مدري ذكرتك يوم جيت أنساك =وذكرت إنك رحلت وقلت هذا الحب وأحزانه

لـِ حنان الرشيدي